မံလံဘဲ(Miliband)ပာ်တၢ်သးစဲလၢဘၣ်ကီဘၣ်ခဲဖိတဖၣ်အဖီခိၣ်

...

မံလံဘဲ(Miliband)ပာ်တၢ်သးစဲလၢဘၣ်ကီဘၣ်ခဲဖိတဖၣ်အဖီခိၣ်

ၤMyanmar Times, 24 Mar 2014

URL: http://www.mmtimes.com/index.php/national-news/9946-miliband-puts-focus-back-on-refugees.html
ဒ့ဘံၣ်မံလံဘဲ( David Miliband)လၢအမ့ၢ် UK ထံဂုၤကီၢ်ဂၤနဲၢ်ရွဲၢ်ခိၣ်လီၢ်လံၤဒီးမ့ၢ်စ့ၢ်ကီးဟီၣ်ခိၣ်ဒီဘ့ၣ်တၢ်မၤပူၤ တၢ်ဖျဲးကမံးတံာ်( International Rescue Committee)ပှၤပၢၤလီၢ်ဆ့ၣ်နီၤတဂၤအံၤ မၢန့ၢ်ဆီၣ်ခံဝဲဒၣ်ဟီၣ်ခိၣ်ဒီဘ့ၣ် ပှၤဟ့ၣ်မၤစၢၤတၢ်တဖၣ်ဒီးပှၤဘျၢလီၤစ့သ့ၣ်တဖၣ်လၢကမၤလီၤတံၢ်ဝဲဒ်သိးအသုတသးပ့ၤနီၣ်ကွံာ်ပှၤဘၣ်ကီဘၣ်ခဲဖိအိၣ်ဖဲကီၢ်ကၠီၣ်တဲၣ်ပူၤတဖၣ်ဖဲလၢတၢ်နုာ်လီၤ
မၤသကိးအါထီၣ်တၢ်ဒီးကီၢ်ပယီၤပဒိၣ်အံၤန့ၣ်လီၤ.

မံလံဘဲအတၢ်လဲၤဟးဆူကီၢ်ဆၢဒဲကဝီၤခံသီအတီၢ်ပူၤဝံၤအလီၢ်ခံ,ကတိၤလီၤက့ၤတၢ်ဖဲထံဂုၤကီၢ်ဂၤပှၤဟ့ၣ်ထီၣ်တၢ်ကစီၣ်ကရၢဖဲဝ့ၢ်ဘီကီးဖဲလါမးရှး(၁၉)သီအနံၤန့ၣ်လီၤ.အဝဲစံးဝဲ,အကါဒိၣ်ဝဲဒၣ်လၢ တၢ်တကွၢ်ကပာ်ကွံာ်ဝဲဒၣ်ပှၤကီၢ်ပယီၤဖိလၢအဘၣ်ဃ့ၢ်မှံဟးဖျိးဖဲကီၢ်ကၠီၣ်တဲၣ်အပူၤတဖၣ်,တနီၤနီၤလၢအဟးထီၣ်တ့ၢ်လံလၢအထံအကီၢ်ဖဲလၢအပူၤကွံာ််(၃၀)နံၣ်ဘျဲၣ်တဖၣ်အံၤတဂ့ၤန့ၣ်လီၤ.အဝဲစံး ကဒီးဝဲလၢပှၤဘၣ်ကီဘၣ်ခဲအတၢ်ဃုထၢလၢကက့ၤကဒါက့ၤဝဲဆူကီၢ်ပယီၤ(မ့)တက့ၤကဒါက့ၤဘၣ်အံၤကလဲလိာ်မၤဘၣ်ဝဲထံကီၢ်အတၢ်အိၣ်သးန့ၣ်လီၤ.

အဝဲဟ့ၣ်ထီၣ်ဝဲအတၢ်ထံၣ်အံၤဖဲလၢတၢ်မၤလီၤစှၤကွံာ်ဝဲဒၣ်တၢ်ကရၢကရိဟ့ၣ်မၤစၢၤကီၢ်ပယီၤဘၣ်ကီဘၣ်ခဲဖိဖဲကီၢ်ကၠီၣ်တဲၣ်အပူၤတဖၣ်အဂီၢ်စ့ဆီၣ်ထွဲမၤစၢၤအကတီၢ်န့ၣ်လီၤ.ဒီးအဝဲသ့ၣ်စံးဝဲလၢ တၢ်မၤလီၤစှၤကွံာ်စ့ဆီၣ်ထွဲ မၤစၢၤအံၤမၤဘၣ်ဒိဝဲအဝဲသ့ၣ်အတၢ်ဟ့ၣ်လီၤတၢ်ဆီၣ်ထွဲမၤစၢၤသ့ၣ်တဖၣ်န့ၣ်လီၤ.


Mike Bruce လၢထံၣ်ဘံၣ်စံၣ်( TBC)စံးဝဲ,ခီဖျိတၢ်လဲလိာ်အိၣ်ထီၣ်ဝဲဒ်အံၤအဖီခိၣ်ဖဲ(၂၀၁၃)နံၣ်အတီၢ်ပူၤထံၣ်ဘံၣ် စံၣ်ဘၣ်စူးကါက့ၤဝဲတၢ်ဟ့ၣ်နီၤလီၤတၢ်အီၣ်တၢ်အီဒိးသန့ၤထီၣ်အသးလၢတၢ်လိၣ်ဘၣ်အိၣ်ဝဲ အသိးန့ၣ်လီၤ.လၢတၢ်န့ၣ်အဃိတၢ်မၤလီၤစှၤကွံာ်ဝဲဒၣ်တၢ်ဟ့ၣ်နီၤလီၤတၢ်အီၣ်တၢ်အီအိၣ်ထီၣ်ဝဲဒိၣ်ဒိၣ်မုၢ်မုၢ်န့ၣ်လီၤ.

တကတီၢ်ဃီထံၣ်ဘံၣ်စံၣ်မၤလီၤတံၢ်ဝဲဒၣ်ဒ်သိးဖိသၣ်ဒီးဟံၣ်ဖိဃီဖိလၢအိၣ်ဒီးတၢ်ဂ့ၢ်ကီလၢကဆၢထၢၣ်လၢအနီၢ်ကစၢ်ဒၣ်ဝဲအခီၣ်တဖၣ်အဂီၢ်တၢ်အီၣ်တၢ်အီအံၤတၢ်သုတမၤစှၤလီၤကွံာ်အီၤတဂ့ၤန့ၣ်လီၤ.ဟံၣ်ဖိ
ဃီဖိအါဒၣ်တက့ၢ်ဘၣ်ကွၢ်ဆၢၣ်မဲာ်ဝဲဒီးတၢ်မၤလီၤစှၤကွံာ်အဝဲသ့ၣ်တၢ်အီၣ်တၢ်အီတဖၣ်န့ၣ်လီၤ.

မံလံဘဲစံးဝဲ,ပှၤတဂၤစုာ်စုာ်လၢအထံၣ်လိာ်အိၣ်သကိးဘၣ်ဝဲဖဲဒဲကဝီၤအပူၤတဖၣ်ပာ်ဖျါထီၣ်ဝဲ‘တၢ်သးဒ့ဒီ’ဘၣ်ဃးထံကီၢ်အတၢ်အိၣ်သးခါဆူညါဒီး‘ကလုာ်ဒူၣ်ကရူၢ်တဖၣ်အတၢ်ဒိးန့ၢ်ဘၣ်တၢ်ဒီ သဒၢဘၣ်ဃးအဝဲသ့ၣ်အတၢ်ခွဲးတၢ် ယာ်တဖၣ်အိၣ်ထဲလဲၣ်’အဂ့ၢ်တဖၣ်န့ၣ်လီၤ.

အဝဲတဲအါထီၣ်ဝဲ,ပှၤဘၣ်ကီဘၣ်ခဲအါဒံအါဂၤက့ၤကဒါက့ၤဝဲဆူအထံအကီၢ်ဒ်သိးကက့ၤကွၢ်တၢ်အိၣ်သးအိၣ်ဒ်လဲၣ်အဂီၢ်န့ၣ်လီၤ.ဘၣ်ဆၣ်ဒီးတၢ်ဒိးန့ၢ်ဘၣ်ဂံၢ်ခီၣ်ထံးတၢ်မၤစၢၤဒ်အမ့ၢ်တၢ်အိၣ်ဒီး ထံအိကဆှဲကဆှီလၢတၢ်လီၢ်တတီၤဖဲကီၢ်ပယီၤအပူၤအံၤမ့ၢ်တၢ်ဂ့ၢ်တခါလၢအတၤတၢ်ဒီးပှၤဒိၣ်မးန့ၣ်လီၤ.

မံလံဘဲစံးဝဲ,အဝဲနာ်ဝဲလၢကီၢ်ပယီၤကအိၣ်ဒီးတၢ်လဲၤထီၣ်လဲၤထီလၢလၢပှဲၤပှဲၤအဂီၢ်တၢ်ထဲးဂံၢ်ထဲးဘါဘၣ်ဃးတၢ်ဟ့ၣ်မၤစၢၤပှၤတဝၢအတၢ်လိၣ်ဘၣ်တဖၣ်အကါဒိၣ်ဝဲထဲသိးဒီးထံရူၢ်ကီၢ်သဲး
အတၢ်လဲလိာ်ဘှီသီက့ၤတၢ်ဒီးတၢ်ဘျၢလီၤစ့လၢအသီတဖၣ်န့ၣ်လီၤ.အဝဲစံးဝဲ,“တၢ်ကတိၤစၢၤန့ၢ်တၢ်လၢယအဲၣ်ဒိးမၤန့ၣ်မ့ၢ်ဝဲ- ကီၢ်ဆၢခံခီယၢ်ဘးအဂီၢ်ပလိၣ်ဘၣ်အိၣ်ဒီးတၢ်မၤသကိးတၢ်တပူၤဃီ အတၢ်ရဲၣ်တၢ်ကျဲၤန့ၣ်လီၤ”

“ဖဲမုၢ်ထီၣ်ကလံၤထံးအပူၤတၢ်လိၣ်ဘၣ်ဝဲလၢတၢ်ဘံၣ်တၢ်ဘၢဒီးတၢ်ဂ့ၢ်ဘၣ်ဃးတၢ်တီတၢ်ြတၢ်တဖၣ်ကအိၣ်ဒီးတၢ် လဲၤထီၣ်လဲၤထီနီၢ်နီၢ်န့ၣ်လီၤ.တၢ်လိၣ်ဘၣ်ဟံးထီၣ်ဖီၣ်ထီၣ်တၢ်ဂ့ၢ်ကီဘၣ်ဃးတၢ်န့ၢ်ပၢဘၣ်ဟီၣ်ခိၣ်ကပံာ်ဒီးတၢ် ဟံးန့ၢ်ကွံာ်ဟီၣ်ခိၣ်ကပံာ်ခီဖျိပဒိၣ်တဖၣ်အံၤန့ၣ်လီၤ.တၢ်လိၣ်ဘၣ်မၤဂ့ၤထီၣ်က့ၤတၢ်သူၣ်ထီၣ်ဘှီထီၣ်တဖၣ်ဒိၣ်ဒိၣ်မုၢ် မုၢ်,ဒီးတၢ်ကဘၣ်မၤဆှဲကွံာ်ဟီၣ်လးမ့ၣ်ပိၢ်သ့ၣ်တဖၣ်အဂ့ၢ်” အဝဲစံးဝဲန့ၣ်လီၤ.

“တၢ်လိၣ်ဘၣ်အိၣ်ဒီးတၢ်မုာ်တၢ်ခုၣ်အကျိၤအကျဲလၢအိၣ်ဂၢၢ်အိၣ်ကျၢၤဝဲလီၤစိၤဒီးတၢ်လိၣ်ဘၣ်မၤဘၣ်လိာ်ဖိးမံက့ၤဝဲသုးမုၢ်အတၢ်ဟူးတၢ်ဂဲၤဖဲဟီၣ်ကဝီၤဒီတဘ့ၣ်အပူၤစ့ၢ်ကီးန့ၣ်လီၤ. လၢအလီၢ်ခံကတၢၢ်အကါဒိၣ်ဝဲလၢ
တၢ်ကဘၣ်ပာ်သူၣ်ပာ်သးလၢတၢ်က့ၤကဒါက့ၤအတၢ်မၤတကွီၣ်တခါဂ့ၤတခါဂ့ၤကဘၣ်ပာ်ဖျါထီၣ်တၢ်အကါဒိၣ်လၢတၢ်က့ၤကဒါက့ၤအံၤကဘၣ်မ့ၢ်ဒ်နီၢ်ကစၢ်ဒၣ်ဝဲအတၢ်သးအိၣ်က့ၤအသိးဒီးတၢ်ကဘၣ်မၤလီၤတံၢ်ဝဲ
လၢတၢ်က့ၤကဒါက့ၤ အံၤကမ့ၢ်တၢ်အိၣ်ဒီးတၢ်သူးသ့ၣ်လၤကပီၤဒီးတၢ်ဘံၣ်တၢ်ဘၢန့ၣ်လီၤ.”

မံလံဘဲစံးဝဲတၢ်ြကၢးပာ်တၢ်သးစဲလၢတၢ်မၤတၢ်ဃုထၢအံၤကဘၣ်မ့ၢ်တၢ်လၢတအိၣ်ဒီးတၢ်ြတီဃာ်ဒီးကဘၣ်တၢ်မၤအီၤတုၤလီၤတီၤလီၤဒ်သိးဒီးပှၤဃ့ၢ်မှံဟးဖျိးသ့ၣ်တဖၣ်ကမၤဝဲတၢ်ဆၢတဲာ်ဘၣ်ဃးဒီးနီၢ်
ကစၢ်ဒၣ်ဝဲတၢ်သးအိၣ်က့ၤအံၤကသ့ဝဲအဂီၢ်န့ၣ်လီၤ.