ဖဲမုၢ်ယူာ်အနံၤပှၤမၤစံာ်ဖိအါန့ၢ်ဒံး(၂၀၀)ဂၤပူထီၣ်ထီဒါတၢ်ဘၣ်ဃးတၢ်ဟံးန့ၢ်ဆူၣ်ဟီၣ်ခိၣ်ခီဖျိပယီၤသုးအံၤဖဲဝ့ၢ်ဖရူစိၣ်ကရ့ၣ်နံၣ်ကီၢ်စဲၣ်အပူၤန့ၣ်လီၤ.

ဖဲလၢအပူၤကွံာ်အနံၣ်(၁၀)အတီၢ်ပူၤပယီၤခီၣ်ချ့သုးရ့ၣ်(၅၃၁)ဟံးန့ၢ်ဆူၣ်စံာ်ဧိၤပှဲၤဧိၤအါန့ၢ်ဒံး(၁,၂၀၀)အ့ကၢၣ်လၢစိကၠၣ်ခုၣ်သဝီဖိ(၁၀၉)ဂၤအအိၣ်န့ၣ်လီၤ.ခီဖျိလၢပဒိၣ်ပှၤန့ၢ်စိန့ၢ်ကမီၤ
တဖၣ်တကနၢ်ဃုာ်အဝဲသ့ၣ်အတၢ်ဃ့က့ၤအဟီၣ်ခိၣ်ကပံာ်တဖၣ်အဃိလီၢ်ကဝီၤသဝီဖိတဖၣ်ပာ်ဖျါထီၣ်ဝဲအသးဘၣ်တံာ်တာ်အံၤခီဖျိလၢတၢ်က့ၤထူက့ၤဝဲအစံာ်တဖၣ်ဖဲမုၢ်ယူာ်ဂီၤခီန့ၣ်လီၤ.
ပှၤသဝီဖိတဂၤစံးဝဲ,“သုးမုၢ်စံးဝဲလၢပမ့ၢ်ဆဲးလီၤစုမုၢ်ကျၢၢ်မၤတၢ်အၢၣ်လီၤတူၢ်လိာ်လၢအဝဲသ့ၣ်တဖၣ်ပၢဘၣ်ဝဲဟီၣ်ခိၣ်ကပံာ်အံၤန့ၣ်ဒီးအဝဲသ့ၣ်ကပျဲပမၤအီၣ်မၤအီတၢ်ဖဲစံာ်ဧိၤပှဲၤဧိၤအပူၤန့ၣ်လီၤ.
ပဂ့ၢ်လိာ်အဝဲသ့ၣ်အဃိအဝဲသ့ၣ်မၤပျံၤမၤဖုးပှၤလၢကဟံးန့ၢ်ပှၤအရ့န့ၣ်လီၤ.”

အဝဲစံးကဒီးဝဲ,“တနံၣ်အံၤပမၤတၢ်ဆၢတဲာ်လၢပကပာ်ဖှိၣ်ထီၣ်သကိးသးဒီးစးထီၣ်ထူက့ၤပစံာ်ပျီတဖၣ်ဒီးအိၣ်ခိးကွၢ်မ့ၢ်အဝဲသ့ၣ်တဖၣ်ကဟဲပတုာ်ပဝဲသ့ၣ်တဖၣ်ဧါန့ၣ်လီၤ.”

ပှၤန့ၢ်စံးကတိၤတၢ်လၢသဝီဖိတဖၣ်အဂီၢ်တဂၤစံးဝဲ,ဖဲလၢအပူၤကွံာ်အဝဲသ့ၣ်ဂုာ်ကျဲးစၢးက့ၤဖံးအီၣ်မၤအီၣ်က့ၤတၢ်ဖဲအဝဲသ့ၣ်အဟီၣ်ခိၣ်ပံာ်အပူၤန့ၣ်လီၤ.ဘၣ်ဆၣ်ဒီးအဝဲသ့ၣ်တဖၣ်ဘၣ်တၢ်မၤ
ပယွဲအီၤဒီးဘၣ်တၢ်မၤပျံၤမၤဖုးအီၤခီဖျိသုးမုၢ်တဖၣ်န့ၣ်လီၤ.အဝဲစံးဝဲ,ဒ်လဲၣ်ဂ့ၤဘျီအဝဲအံၤသဝီဖိတဖၣ်ပာ်အသးကျၢၤမုဆုလၢတဃၢ်က့ၤအသးလၢၤဘၣ်ဒီးအၢၣ်လီၤအီလီၤအသးလၢကဆဲး
ပူထီၣ်တၢ်ခီဖျိလၢတၢ်သူၣ်အီၣ်ဖျးအီၣ်တၢ်ဖဲအဟီၣ်ခိၣ်ကပံာ်တဖၣ်အပူၤဖဲမုၢ်ပျဲာ်အနံၤန့ၣ်လီၤ.

လီၢ်ကဝီၤပၢၤကီၢ်အဂၤ(၁၀)ခိးကွၢ်ဝဲဟီၣ်ကဝီၤကမျၢၢ်အိၣ်ဖှိၣ်ပာ်ဖျါထီၣ်အဝဲသ့ၣ်အတၢ်ဘၣ်သးအံၤတၢ်အိၣ်သး န့ၣ်လီၤ.ဘၣ်ဆၣ်ဒီးအဝဲသ့ၣ်တဖီၣ်ဃာ်ဝဲကမျၢၢ်ဘၣ်န့ၣ်လီၤ.

ခူၤဖျူရဲၣ်လၢအမ့ၢ်ပၢဆှၢတၢ်မူဒါခိၣ်လၢ(KNPP)တၢ်ဆဲးကျိးဝဲၤဒၢးဖဲကရ့ၣ်နံၣ်ဝ့ၢ်ခိၣ်သ့ၣ်လွဲၢ်ကီၣ်အံၤစံးဝဲ,ဖဲလၢအပူၤကွံာ်တနံၣ်ပယီၤသုးမုၢ်ခိၣ်နၢ်တဖၣ်အံၤအၢၣ်လီၤဝဲလၢကဟ့ၣ်ကဒါက့ၤထံကီၢ်ဒီ
တဘ့ၣ်အပူၤဟီၣ်ခိၣ်ကပံာ်အါန့ၢ်(၃၀၀,၀၀၀)အ့ကၢၣ်လၢအဝဲသ့ၣ်ဟံးန့ၢ်ဆူၣ်ဖဲလၢသုးမုၢ်ပၢတၢ်အဆၢကတီၢ်အံၤန့ၣ်လီၤ.“ဒ်လဲၣ်ဂ့ၤတၢ်စးထီၣ်ဟံးထီၣ်ဖီၣ်ထီၣ်တၢ်ဂ့ၢ်အံၤကဘှၢဝဲဒၣ်အဂ့ၢ်,”အဝဲ
စံးဝဲန့ၣ်လီၤ.