ဖဲမုၢ်ပျဲာ်အနံၤကယါန်(Kayan)ကလုာ်ဒူၣ်လၢအကယၤဂၤတဖၣ်လၢဖဲၣ်ခူကီၢ်ဆၣ်မၤလၤကပီၤဝဲကယဲန်ဒီကလုာ်တၢ်ထူၣ်ဖျဲးသုးမုၢ်ဒိၣ်(KNLP)ပၢၢ်ဆၢဝဲကီၢ်ပယီၤလီၢ်ခၢၣ်သးပဒိၣ်ပှဲၤထီၣ်
အနံၣ်(၅၀)ယူဘလံၣ်ထူန့ၣ်လီၤ.ယူဘလံၣ်ထူအမူးအံၤဘၣ်တၢ်မၤအီၤဖဲစံၣ်ဘူသဝီ,ယိၤဒိၣ်ကီၢ်စဲၣ်ကလံၤထံးန့ၣ်လီၤ.လၢတၢ်မၤသ့ၣ်နီၣ်ထီၣ်က့ၤ“ကယါန်တၢ်ပၢၢ်ဆၢမုၢ်နံၤ”အဂီၢ်( KNLP)သုးဖိဖီၣ်စု
ကဝဲၤ(၂၀၀)ဃၣ်ဃၣ်ပာ်ဖျါထီၣ်သုးအတၢ်ဟး(လီၤဘရ့း)န့ၣ်လီၤ.

တၢ်ရဲၣ်တၢကျဲၤအံၤဘၣ်တၢ်မၤအီၤဖဲမုၢ်ပျဲာ်ဂီၤခီဒီးကယါန်ကလုာ်ဒူၣ်လၢအကယၤဂၤတဖၣ်ဟဲပာ်ဖှိၣ်ထီၣ်အသးဖဲတၢ်မၤလၤကပီၤအမူးအံၤန့ၣ်လီၤ.ကယါန်ခိၣ်နၢ်သ့ၣ်တဖၣ်ကတိၤလီၤ
တၢ်ဆူပှၤဂီၢ်မုၢ်ဒီးစံးဝဲလၢကယါန်ကမျၢၢ်တဖၣ်လိၣ်ဘၣ်“ပၢၤဃာ်ဂၢၢ်ကျၢၤဝဲစုကဝဲၤတၢ်ပၢၢ်ဆၢ”အံၤတုၤလၢကလုာ်ဒူၣ်ကရူၢ်တဖၣ်ဒိးန့ၢ်ဘၣ်ဝဲတၢ်ထဲသိးတုၤသိးဒီးတၢ်ခွဲးတၢ်ယာ်လၢကပၢ
လီၤအသးဒၣ်ဝဲန့ၣ်လီၤ.

“ပပှၤကလုာ်လိၣ်ဘၣ်ပၢၤဃာ်ဂၢၢ်ကျၢၤစုကဝဲၤတၢ်ပၢၢ်ဆၢတုၤလၢထံကီၢ်အိၣ်ဒီးတၢ်ဘျၢသဲစးလၢအသီတစုအဂ့ၢ်,” (KNLP)ပှၤပၢၤလီၢ်ဆ့ၣ်နီၤသဲစိနဲၣ်စံးဝဲန့ၣ်လီၤ.

ဖဲမုၢ်ပျဲာ်အနံၤကယါန်ခိၣ်နၢ်တဖၣ်စံးဝဲ,လၢတၢ်ဂုာ်ကျဲးစၢးမၤန့ၢ်ကီၢ်စၢဖှိၣ်ကရၢလၢကီၢ်ပယီၤအဂီၢ်အဝဲသ့ၣ်ကမၤသကိးတၢ်ဒီးကလုာ်ဒူၣ်ကရူၢ်အဂၤတဖၣ်န့ၣ်လီၤ.