ကယါကီၢ်စဲၣ်ဒီတဘ့ၣ်ဃၣ်ဃၣ်ကဒိးန့ၢ်ဘၣ်ဝဲ(GSM)လီတဲစိၤတၢ်ဆဲးကျိးအကျိၤဖဲလၢလါစဲးပထ့ဘၢၣ်အတီၢ်ပူၤ

...

ကယါကီၢ်စဲၣ်ဒီတဘ့ၣ်ဃၣ်ဃၣ်ကဒိးန့ၢ်ဘၣ်ဝဲ(GSM)လီတဲစိၤတၢ်ဆဲးကျိးအကျိၤဖဲလၢလါစဲးပထ့ဘၢၣ်အတီၢ်ပူၤ

Kantarawaddy News, 15 Jul 2014

URL: http://www.ktimes.org/index.php/news/977-gsm
လါစဲးပထ့ဘၢၣ်လၢကဟဲအတီၢ်ပူၤကယါ(ကရ့ၣ်နံၣ်)ကီၢ်စဲၣ်ဒီတဘ့ၣ်လၢာ်ဃၣ်ဃၣ်ကဒိးန့ၢ်ဘၣ်ဝဲလီတဲစိတၢ်ဆဲးကျိးအကျိၤအဂ့ၢ်,ကီၢ်စဲၣ်တၢ်ဆဲးကျိးပၢဆှၢတၢ်မူဒါခိၣ်အူသဲၣ်မီၣ်စံးဘၣ်ခၣ်ထၣ်ရၣ်ဝတံၣ်တၢ်ကစီၣ်န့ၣ်လီၤ.

အူသဲၣ်မီၣ်စံးဝဲ,“ပဆီလီၤပာ်လီၤက့ၤဝဲစဲးတဖၣ်ကဝံၤဝဲဖဲလါယူၤလံဒီးဖဲလၢလါအီကူးအတီၢ်ပူၤ,မ့စဲးခံဝဲတခီကဘၣ်ဖဲလါစဲးပထ့ဘၢၣ်န့ၣ်လီၤ.ပတယာ်ပာ်လၢပကဒိးန့ၢ်ဘၣ်ဝဲလီတဲစိတၢ်ဆဲးကျိးအကျိၤအံၤဖဲလါအီကူးအတီၢ်ပူၤန့ၣ်အဂ့ၢ်,”အဝဲစံးဘၣ် ခၣ်တၣ်ရၣ်ဝတံၣ်တၢ်ကစီၣ်န့ၣ်လီၤ.

တၢ်တ့ထီၣ်ဘှီထီၣ်လီတဲစိတၢၣ်အသီတဖၣ်ဖဲအံၤတၢ်ကမၤဝံၤဝဲအီၤဖဲလါယူၤလံအတီၢ်ပူၤန့ၣ်လီၤ.

တၢ်သ့ၣ်ညါဘၣ်ဝဲလၢတၢ်ဆဲးကျိးအဂီၢ်လီတဲစိတၢၣ်(၇)တၢၣ်လၢဘၣ်တၢ်တ့ထီၣ်ဘှီထီၣ်အီၤအံၤဘၣ်တၢ်ဆီလီၤပာ်လီၤအီၤဖဲလွဲၢ်ကီၢ်ဝ့ၢ်အပူၤခီၣ်ချ့သုးရ့ၣ်(၅၄),နွါကလိကယဲန်သၣ်ယၣ်သဝီ,ဒံၣ်မီၣ်စိၣ်ဝ့ၢ်,ဖရူစိၣ်ဝ့ၢ်,ဘီလခဲဝ့ၢ်,ဖၤဆီဝ့ၢ်,မဲၢ်စဲးတဖၣ် အပူၤဒီးတပၣ်ဃုာ်ဝဲဒၣ်ဒီးရှါဒီကီၢ်ဆၣ်ဒံးဘၣ်န့ၣ်လီၤ.

လီတဲစိတၢၣ်လၢတၢ်ဆီလီၤပာ်လီၤအီၤဖဲလွဲၢ်ကီၢ်ဝ့ၢ်ခီၣ်ချ့သုးရ့ၣ်(၅၄)အပူၤအံၤဟ့ၣ်ထီၣ်ဝဲ(W-CDMAဒီးGSM)လီတဲစိတၢ်ဆဲးကျိးခံမံၤလၢာ်အံၤသ့ဝဲဖဲလၢလီတဲစိတၢၣ်လၢတၢ်ဆီလီၤပာ်လီၤအီၤဖဲတၢ်လီၢ်အဂၤ၆တီၤအံၤဟ့ၣ်လီၤတၢ်ဆဲးကျိးသ့ဝဲထဲလၢ (GSM)လီတဲစိတၢ်ဆဲးကျိးအကလုာ်အံၤန့ၣ်လီၤ.

(GSM)လီတဲစိတၢ်ဆဲးကျိးအံၤခဲကနံၣ်အံၤဘၣ်တၢ်စူးကါအီၤသ့ဝဲထဲလၢလွဲၢ်ကီၢ်ဝ့ၢ်တဖျၢၣ်အပူၤဒီးမ့မ့ၢ်လၢဒံၣ်မီၣ်စိၣ်ကီၢ်ဆၣ်အပူၤတၢ်စူးကါသ့ထဲဒၣ်(CDMA)လီတဲစိတၢ်ဆဲးကျိးန့ၣ်လီၤ.ကီၢ်ဆၣ်အဂၤတဖၣ်အပူၤတၢ်စူးကါဝဲထဲဒၣ်အီးတိးခၠ့န် လီတဲစိတၢ်ဆဲးကျိးအကျိၤအကျဲအံၤန့ၣ်လီၤ.လၢတၢ်န့ၣ်အဃိကီၢ်ဆၣ်သ့ၣ်တဖၣ်အံၤအိၣ်ဝဲဒၣ်ဒီးတၢ်ဆဲးကျိးအတၢ်ဂ့ၢ်ကီတဖၣ်န့ၣ်လီၤ.

တၢ်သူၣ်ထီၣ်ဘှီထီၣ်လီတဲစိတၢၣ်တဖၣ်အံၤကဝံၤဝဲအဂီၢ်အမျးကယၤဘူးကပှဲၤထီၣ်လံဒီးလိၣ်က့ၤထဲဒၣ်တၢ်ဆီလီၤပာ်လီၤက့ၤဝဲစဲးဖီကဟၣ်တၢ်ပီးတၢ်လီတဖၣ်န့ၣ်လီၤ.တၢ်ဆီလီၤပာ်လီၤစဲးဖီကဟၣ်တၢ်ပီးတၢ်လီတဖၣ်မ့ၢ်ဝံၤလံန့ၣ်ဒီးလီၢ်ကဝီၤလၢအိၣ်ဒီး တၢ်ဆဲးကျိးအတၢ်ဂ့ၢ်ကီတဖၣ်အဂီၢ်တၢ်ဆဲးကျိးကညီထီၣ်က့ၤဝဲအဂ့ၢ်အူသဲၣ်မီၣ်စံးဝဲန့ၣ်လီၤ.