ပှၤပၢဆှၢရဲၣ်ကျဲၤတၢ်တဖၣ်စံး. ပှၤက့ၢ်ဂီၤတလၢတပှဲၤတၢ်လိၣ်ကွဲြပၢ လၢ၀့ၢ်ဖၣ်အၣ် မ့ၢ်တၢ်မၤနၢၤ

...

ပှၤပၢဆှၢရဲၣ်ကျဲၤတၢ်တဖၣ်စံး. ပှၤက့ၢ်ဂီၤတလၢတပှဲၤတၢ်လိၣ်ကွဲြပၢ လၢ၀့ၢ်ဖၣ်အၣ် မ့ၢ်တၢ်မၤနၢၤ

Karen News, 22 May 2016

URL: http://karennews.org/2016/05/organisers-hail-first-disabled-sport-competition-held-in-hpa-an-a-success.html/
တၢ်လိၣ်ကွဲြပၢလၢ ပှၤက့ၢ်ဂီၤတလၢတပှဲၤအဂီၢ် ဘၣ်တၢ်မၤအီၤအဆိကတၢၢ်တဘျီ ဖဲလါမ့ၤ (၁၇) သီ, ၀့ၢ်ဖၣ်အၣ်
ကညီကီၢ်စဲၢ်အ ပူၤလီၤ. ပှၤပၢဆှၢရဲၣ်ကျဲၤတၢ်တဖၣ်စံး တၢ်မုၢ်လၢ်ကွၢ်စိလၢ တၢ်လိၣ်ကွဲြပၢလၢဘျီ၀ဲအံၤအဂီၢ်မ့ၢ်ဒ်
သိးတၢ်ကသ့ၣ်ညါပာ်ပနီၣ်ပှၤလၢ က့ၢ်ဂီၤတလၢတပှဲၤတဖၣ် အလုၢ်အပှ့ၤန့ၣ်လီၤ.

ကီၢ်ပယီၤထူၣ်စုညါလွဲၢ်ဂီၤ (Myanmar Red Cross), အီစြတ့လယါထူၣ်စုညါလွဲၢ်ဂီၤ (Australia Red Cross),ဒီး
ကညီပှၤက့ၢ်ဂီၤတလၢတပှဲၤ တၢ်လိၣ်ကွဲကမံးတံာ်တဖၣ် ရဲၣ်ကျဲၤမၤသကိး၀ဲ တၢ်လိၣ်ကွဲြပၢလၢ ပှၤက့ၢ်ဂီၤတလၢ
တပှဲၤ တဖၣ်အဂီၢ် မ့ၢ်တၢ်အဆိကတၢၢ်တဘျီ လၢကညီကီၢ်စဲၢ်၀့ၢ်ခိၣ် တၢ်လိၣ်ကွဲဒၢးဂၢၤပူၤန့ၣ်လီၤ.

နါကၠီၣ်က့ၤသံၣ်အီၣ် လၢအမ့ၢ်ပှၤရဲၣ်ကျဲၤတၢ်အမူးဒီး ကီၢ်ပ ယီၤပှၤထီခီၣ်ယီၤ၀ဲၤဒၢးအဒ့ ပှၤပၢဆှၢတၢ်တဂၤ ကတိၤ
တၢ် ဒီးကညီတၢ်ကစီၣ်သန့ စံး၀ဲ-

"လၢကီၢ်ပယီၤအပူၤ ပအိၣ်ဒီးဒီကလုာ်ဖျၢၣ်ပှီၢ် လၢပှၤဟးဒီး လ့ၣ်ဆီၣ်တဖၣ်အဂီၢ် ထဲတဖုဧိၤလီၤ. ကညီကီၢ်စဲၢ်လ့ၣ်
ဆီၣ် ဖျၢၢ်ပှီၢ် မ့ၢ်၀ဲအဂ့ၤကတၢၢ်ခံဖုတဖု လၢကီၢ်ပယီၤအပူၤလီၤ. အ ဃိဒီး လၢကညီကီၢ်စဲၢ်အပူၤဒ်သိးဒီးပှၤလၢက့ၢ်
ဂီၤတလၢတပှဲၤတဖၣ် လိၣ်ကွဲကဂ့ၤထီၣ်အဂီၢ် ဒီးအ၀ဲသ့ၣ်မ့မ့ၢ်ပှၤက့ၢ်ဂီၤ တလၢတ ပှဲၤဘၣ်ဆၣ် မၤဂ့ၤအါထီၣ်န့ၢ့်
သ့, ပဟ့ၣ်ဂံၢ်ဟ့ၣ်ဘါအ၀ဲသ့ၣ်န့ၣ်လီၤ."

ပှၤရဲၣ်ကျဲၤတၢ်တဖၣ်စံး၀ဲ, တၢ်လိၣ်ကွဲြပၢတဘျီအံၤ မ့ၢ်တၢ်လၢအကဲထီၣ်န့ၣ်လီၤ. ပှၤလိၣ်ကွဲဖိခဲလၢာ်အိၣ်၀ဲယဲၢ်
ဆံဂၤ ဒီးလိၣ်ကွဲြပၢ၀ဲလၢ လ့ၣ်ဆီၣ်ဖျၢၣ်ပှီၢ်, စီၤနီၣ်ခိၣ်ဖျၢၣ်ဖိ, ဆီဆူၣ် ဒီးဖျၢၣ်ဃာ် တၢ်လိၣ်ကွဲသ့ၣ်တဖၣ်လီၤ.
တၢ်မၤစ့ၢ်ကီး တၢ်လိၣ်ကွဲြပၢလၢ ဖိၣ်သၣ်က့ၢ်ဂီၤတလၢတပှဲၤတဖၣ်အဂီၢ်လီၤ. ပှၤလိၣ်ကွဲဖိလၢ အမၤနၢၤတၢ်တဖၣ်
တၢ်ဟ့ၣ်လီၤအ၀ဲသ့ၣ်ခိၣ်ဖး ဒီးဘၣ်တၢ်ဟ့ၣ်လီၤအ၀ဲသ့ၣ်လၢ ကညီကီၢ်ကိတိၤခိၣ်ကျၢၢ် နၢ်ခ့ၤထွ့မၠံၣ်န့ၣ်လီၤ.

ကညီပှၤက့ၢ်ဂီၤတလၢတပှဲၤ တၢ်လိၣ်ကွဲကမံးတံာ်အံၤ ဘၣ်တၢ်ဒုးအိၣ်ထီၣ်အီၤလၢ ၂၀၁၄ ဒီးအတၢ်ပညိၣ်မ့ၢ်၀ဲဒ်သိး
ကဟ့ၣ်ဂံၢ်ဟ့ၣ်ဘါဖိသၣ်လၢက့ၢ်ဂီၤတလၢတပှဲၤ လၢကညီကီၢ်ပူၤတဖၣ် ကအဲၣ်ဒိးလိၣ်ကွဲတၢ်လိၣ်ကွဲအဂီၢ်န့ၣ်လီၤ.