ကညီပၣ်တံၣ်ကတီၤသးလၢ ကထီၣ်တၢ်မုာ်တၢ်ခုၣ်တၢ်အိၣ်ဖှိၣ်

...

ကညီပၣ်တံၣ်ကတီၤသးလၢ ကထီၣ်တၢ်မုာ်တၢ်ခုၣ်တၢ်အိၣ်ဖှိၣ်

Burma News International, 27 Aug 2016

URL: http://www.bnionline.net/news/karen-state/item/2211-karen-party-prepares-for-peace-conference.html
ကညီကမျၢၢ်ပၣ်တံၣ် ဘိးဘၣ်သ့ၣ်ညါလီၤအဖီလ်စံၣ် လၢဘၣ်တၢ်ဆၢတဲာ်အီၤဖဲ ကညီဒီကလုာ်စၢဖှိၣ်ကရၢ Karen
National Union (KNU) တၢ်အိၣ်ဖှိၣ်အလီၢ်ခံကတၢၢ်တဘျီ, စံး၀ဲလၢ အ၀ဲသ့ၣ်ကလူၤပိာ်မၤထွဲ ဒ်ဖီလ်စံၣ်တၢ်နဲၣ်
လီၤဖီခိၣ် ဖဲတၢ်ကပာ်ဖျါတၢ်ဃ့ထီၣ် ဆူကီၢ်စၢဖှိၣ်တၢ်မုာ်တၢ်ခုၣ်တၢ်အိၣ်ဖှိၣ် (လၢဘၣ်တၢ်ကိးစ့ၢ်ကီးလၢ ၂၁ ယၤဖှိၣ်
ပ့ၢ် လိၢ်တၢ်အိၣ်ဖှိၣ်) လၢအကစးထီၣ်ဖဲခဲကၢာ်တနွံ မုၢ်ပျဲၤနံၤ အ ဆၢကတီၢ်န့ၣ်လီၤ.

"မ့ဘၣ်တဲလၢအဖုၣ်ကိာ်, တၢ်ပာ်လီၤတၢ်ဆၢတဲာ်အံၤဖဲ KNU တၢ်အိၣ်ဖှိၣ်လီၢ်ခံကတၢၢ်တဘျီ အိၣ်ဃုာ်စ့ၢ်ကီးဒီးလံာ်
က့လဲၢ်က့လၢ KUPC ဆှၢနုာ်၀ဲတဖၣ်လီၤ. လံာ်က့သ့ၣ်တ ဖၣ်အံၤ ပကပာ်ဖှိၣ်ဃုာ်ဒီးပဖီလ်စံၣ် ဒီးပကဆှၢနုာ်အီၤဖဲ
တၢ်အိၣ်ဖှိၣ်အဆၢကတီၢ်," အဂ့ၢ်, စီၤစ့၀ါ လၢအမ့ၢ်ကညီက မျၢၢ်ပၣ်တံၣ် နဲၢ်ရွဲၣ်ခိၣ်ကျၢၢ်, စံး၀ဲလီၤ.

ကညီကလုာ်ပၣ်တံၣ် မၤန့ၢ်လီၢ်ဆ့ၣ်နီၤလၢ ၂၀၁၅ တၢ်ဃုထၢဖးဒိၣ်၀ံၤအလီၢ်ခံ, တၢ်ကွဲမုာ်အ၀ဲသ့ၣ်လၢ အခၢၣ်စးဃု
ဂၤ လၢကလဲၤထီၣ်တၢ်မုာ်တၢ်ခုၣ်တၢ်အိၣ်ဖှိၣ် အဂ့ၢ်န့ၣ်လီၤ.

KPP နဲၢ်ရွဲၣ်ခိၣ်ကျၢၢ် စီၤစ့၀ါ, KPP ကညီကီၢ်စဲၣ်ဘျီၣ်ဒိၣ်ခၢၣ်စး စီၤကၠ့ၤအ့ၤ၀့မၠံၣ်, ဒီးပၣ်တံၣ်ပှၤဆီၣ်ထွဲတၢ်ဒီး လီၢ်
ခၢၣ်သးပၢဆှၢတၢ်ကမံးတံာ်ကရၢဖိ စီၤကၠူၤပလံၤစါလၣ်, နၢ်ခ့ၤအ့အူ, မါထိတ့ၤ, စီၤဒံၣ်က်စဲၤထိလ့တဖၣ် ပာ်ဖှိၣ် ထီၣ်
အသးလၢ ကမ့ၢ်ကညီကမျၢၢ်ပၣ်တံၣ်ခၢၣ်စးလၢ ကလဲၤထီၣ်တၢ်အိၣ်ဖှိၣ်အဂီၢ်န့ၣ်လီၤ.

ပှၤလၢရဲၣ်ကျဲၤတၢ်အိၣ်ဖှိၣ်တဖၣ်စံး၀ဲ, တၢ်အိၣ်ဖှိၣ်လၢကဘၣ်ခဲကၢာ်တနွံ တၢ်ဂ့ၢ်ခိၣ်သ့ၣ်လၢတၢ်ကစံးကတိၤသကိး၀ဲ
တဖၣ် မ့ၢ်၀ဲ, ထံရူၢ်ကီၢ်သဲး, တၢ်ဘံၣ်တၢ်ဘၢ, မုၢ်ကျိၤ၀ဲၤကွာ်, ဟီၣ်ခိၣ်ကပံာ်, န့ဆၢၣ်ခိၣ်ဃၢၤ ဒီးပှၤဂ့ၢ်၀ီ တၢ်ဂ့ၢ်တဖၣ်,
ဘၣ်ဆၣ်ဘၣ်ဃးဒီးတၢ်ဆၢတဲာ်အဂီၢ် တၢ်တမၤဒံး၀ဲနီတမံၤဘၣ်.