အ့ဆါ, မိၣ်ကီၢ်စဲၣ်ကိတိာ်ခိၣ်ကျၢၢ်, ကတိၤလီၤတၢ်လၢတၢ်မၤလၤကပီၤအမူးဒီး လံာ်ဟ့ၣ်ယုၢ်လၢကီၢ်ခိၣ်အူထ့ၤကၠီၤ
ဘၣ်တၢ်ဖးဖျါ အီၤလၢ မ့ကၠံ၀့, လၢအမ့ၢ်ကိတိာ်ခိၣ်ဘၣ်ဃး န့ဆၢၣ်ဂံၢ်ထံးကံၢ်စီ ဒီးတၢ်ကွၢ်ကတီၤခိၣ်ဃၢၤန့ဆၢၣ်န့ၣ်လီၤ.

လၢတၢ်မၤလၤကပီၤမိၣ်ကီၢ်စဲၣ်မုၢ်နံၤအမူးအပူၤ, တၢ်ဟ့ၣ်လီၤခိၣ်ဖးလၢ ကလုာ်ဒူၣ်လၢဟဲထီၣ်မၤဃံမၤလၤ တၢ်မၤ
လၤကပီၤအ မူးဒီး အ၀ဲသ့ၣ်ကလုာ်တၢ်ဂဲၤကလံၣ် ခီဖျိ မိၣ်, ကညီ, ဒီးပအိၣ် ကလုာ်ဒူၣ်တဖၣ်လီၤ.

ကီၢ်ခိၣ်ထ့ၤကၠီၤစံး၀ဲလၢအတၢ်ကစီၣ်လၢ လံာ်ဟ့ၣ်ယုၢ်အပူၤ, အ၀ဲဒၣ်မုၢ်လၢ်၀ဲလၢ မိၣ်ကလုာ်ဒူၣ်တဖၣ် ကနုာ်လီၤပၣ်
ဃုာ်ဃူဃူ လၢတၢ်မုာ်တၢ်ခုၣ်တၢ်မၤအကျဲ ဒီး ၂၁ ယၤဖှိၣ်ပ့ၢ်လိၢ်တၢ်အိၣ်ဖှိၣ်လၢ ကီၢ်ပဒိၣ်မၤ၀ဲန့ၣ်လီၤ.

အ့ဆါစံး၀ဲလၢ အခဲအံၤပဒိၣ်အတၢ်ကျဲၤစၢးလဲၤထီၣ်လဲၤထီ လၢထံရူၢ်ကီၢ်သဲးဒီးမုၢ်ကျိၤ၀ဲၤကွာ်တၢ်မၤဂ့ၤထီၣ်အဂီၢ် ဒီး
တၢ်သ့ၣ်တ ဖၣ်အံၤတၢ်တိာ်ပာ်၀ဲလၢ ကဆှၢနုာ်ထံကီၢ်လၢခ့ခါစိၤလၢအသီလီၤ. အ၀ဲဒၣ်စံး၀ဲ, လီၤဆီဒၣ်တၢ်သဲစးဘျီၣ်
ဒိၣ်ခၢၣ်စးတဖၣ် ကျဲး စၢၤမၤထွဲတၢ်မၤအကျဲလၢတၢ်ပာ်လီၤ ဘၣ်ဃးတၢ်ဂ့ၢ်သ့ၣ်တဖၣ်လၢအပၣ်ဃုာ် ဒီကလုာ်တၢ်ဃူ
လိာ်ဖိးလိာ်က့ၤ, တၢ်မုာ်တၢ်ခုၣ်ဒီး ဂံၢ်ခီၣ်ထံးသဲစးတဖၣ်လီၤ. တၢ်ကျဲးစၢးသ့ၣ်တဖၣ်အံၤ ကမၤစၢၤဖဲဒရဲၣ်ကီၢ်စၢဖှိၣ်
လၢကလူၤထီၣ်မၤန့ၢ် တၢ်အိၣ်မူပတီၢ်လၢအထီ န့ၣ်လီၤ.

"ပမုၢ်လၢ်လၢ ဂံၢ်ခီၣ်ထံးတၢ်မၤအကျဲလၢတၢ်ပာ်လီၤတဖၣ် ကမၤစၢၤသူၣ်ထီၣ်ဒံၣ်မိၣ်ကရ့ၣ်စံၣ် ဖဲဒရဲၣ်ကီၢ်စၢဖှိၣ် လၢ
ပ၀ဲခဲလၢာ်သး လီကန့ၢ်၀ဲလီၤ." အ့ဆါစံး၀ဲလီၤ. "ပဒီပုၢ်၀ဲလၢမိၣ်ကလုာ်ဒူၣ် လၢအပိာ်တၢ်မုာ်တၢ်ခုၣ်အကျဲတဖၣ်,
မ့ၢ်မၤသကိးတၢ်ဒီးပှၤလၢ ဒီက လုာ်တၢ်ဃူလိာ်ဖိးလိာ်က့ၤ, ထံလီၢ်ကီၢ်ပူၤတၢ်မုာ်တၢ်ခုၣ်ဒီးတၢ်လဲၤထီၣ်လဲၤထီအဂီၢ်ဒီး,
မိၣ်ကီၢ်စဲၣ်ကထံၣ်ဘၣ် တၢ်လဲၤထီၣ်လဲၤ ထီဒီး တၢ်အိၣ်မူအပတီၢ်ကထီၣ်ထီ၀ဲလီၤ.

"ပဟ့ၣ်ဂံၢ်ဟ့ၣ်ဘါပှၤခဲလၢာ် လၢအဟဲထီၣ်တဖၣ် ကဖီၣ်လိာ်စုတပူၤဃီ ဒီးလဲၤထီၣ်သကိး ၂၁ ယၤဖှိၣ်ပ့ၢ်လိၢ်တၢ်အိၣ်
ဖှိၣ် ဒီးပာ်ဖှိၣ် ထီၣ်သကိးပသး လၢတၢ်မၤတၢ်လၢတၢ်မုာ်တၢ်ခုၣ်အဂီၢ်န့ၣ်တက့ၢ်.