ကၠိဖိဒီးမိၢ်ပၢ်တူၢ်လိာ်မုာ် တၢ်ဒိးစဲးအကျိၤအကွာ်အသီ

...

ကၠိဖိဒီးမိၢ်ပၢ်တူၢ်လိာ်မုာ် တၢ်ဒိးစဲးအကျိၤအကွာ်အသီ

The Myanmar Times, 09 Mar 2017

URL: http://www.mmtimes.com/index.php/special-features/educentre/25292-students-and-parents-welcome-new-exam-system.html
လၢအပူၤကွံာ်, ဂံၢ်ခီၣ်ထံးတၢ်ကူၣ်ဘၣ်ကူၣ်သ့အတီၤခဲလၢာ် ထဲဒၣ်လၢတၢ်နုာ်လီၤဖၠၣ်ဆိမိၤကၠိတၢ်ဒိးစဲးဧိၤ, နံၣ်
ကတၢၢ်တၢ်ဒိးစဲးတ ဖၣ် ဘၣ်တၢ်မၤအီၤလၢကၠိတၢ်ဒိးစဲးအကျိၤအကွာ်, ဘၣ်ဆၣ်လၢလွံၢ်တီၤဒီးဃိးတီၤအဂီၢ်,
တၢ်တမၤနံၣ်ကတၢၢ်တၢ်ဒိးစဲးဘၣ် အိၣ် လံလၢသၢနံၣ် စးထီၣ်လၢတၢ်ဆီတလဲက့ၤ တၢ်ဒိးစဲး အကျိၤအကွာ်ဆူ
ပဒိၣ်တၢ်ဒိးစဲးအကျဲ၀ံၤအလီၢ်ခံ လီၤ.

လၢအပူၤကွံာ်ကၠိတၢ်ဒိးစဲးအကျိၤအကွာ်အပူၤ, ဂံၢ်ခီၣ် ထံးတၢ်ကူၣ်ဘၣ်ကူၣ်သ့အတီၤ ဃုာ်ဒီးတၢ်နုာ်လီၤဖၠၣ်
ဆိမိၤကၠိတၢ်ဒိးစဲး, တၢ်ဒိးစဲးအစၢတဖၣ် ဘၣ်တၢ်ပာ်ပ နီၣ်လီၤအီၤလၢ တၢ, ခံ, သၢ, ဒ်န့ၣ်အသိး ဒိးသန့ၤ ထီၣ်
အသးလၢအမးမၤန့ၢ် ၀ဲအဖီခိၣ်လီၤ.

ဘၣ်ဆၣ်, လၢ ၂၀၁၅-၁၆ ကၠိနံၣ်တီၢ်ပူၤ, ဂံၢ်ခီၣ်ထံးတၢ် ကူၣ်ဘၣ်ကူၣ်သ့ကၠိခဲလၢာ်ဃၣ်ဃၣ် ဆီတလဲကွံာ်အ၀ဲ
သ့ၣ်တၢ်ပာ်ပနီၣ်တၢ်ဒိးစဲးအပတီၢ် လၢနီၢ်ဂံၢ်အဖီခိၣ် ဆူတၢ်ပာ်ပနီၣ်အပတီၢ်လၢအမ့ၢ် A, B, C and D န့ၣ်လီၤ.
ဖဲ ၂၀၁၆-၁၇ ကၠိနံၣ်ကတီၢ်အံၤ, ဂံၢ်ခီၣ်ထံးတၢ်ကူၣ်ဘၣ်ကူၣ်သ့ကၠိခဲလၢာ်လၢကီၢ်ပယီၤ ပူၤတဖၣ် စးထီၣ်စူးကါ
၀ဲတၢ်ဒိးစဲးတၢ်ပာ်ပနီၣ် အပတီၢ်လၢအသီအံၤန့ၣ်လီၤ.

လၢအပူၤကွံာ်, ကၠိဖိလၢလွံၢ်တီၤဒီးဃိးတီၤတဖၣ် ဘၣ်ဒိးစဲး၀ဲတလါတဘျီဒီး တၢ်ဒိးစဲးလီၢ်ခံကတၢၢ် ဒ်ကၠိတဖျၢၣ်စုာ်
စုာ်အတၢ်ပာ်ပ နီၣ်လီၤအသိးန့ၣ်လီၤ. ဘၣ်ဆၣ်လၢတၢ်ဒိးစဲးအကျိၤအကွာ်အသီအပူၤ, အ၀ဲသ့ၣ်ဘၣ်ဒိးစဲး၀ဲ ဒ်
ပဒိၣ်တၢ်ဒိးစဲးအကျိၤအကွာ်အ သိးန့ၣ်လီၤ. အဃိဒီး, ကၠိဖိတဖၣ်ဘၣ်ဃု၀ဲအကျိၤအကျဲသီလၢ ကကတီၤအသး
လၢတၢ်ဒိး စဲးအသီအဂီၢ်လီၤ.

ကၠိဖိလၢအမၤန့ၢ် တၢ်ဒိးစဲးအကျိၤအကွာ်အသီ အိၣ်အသိး, ကၠိဖိလၢဘၣ်ဂဲၤပျုၢ်ဂဲၤဆှး၀ဲ ဘၣ်ဃးတၢ်ဒိးစဲးအကျိၤ
အ ကွာ်သီအံံၤ အိၣ်စ့ၢ်ကီးလီၤ.

ဃိးတီၤကၠိဖိ လၢဂံၢ်ခီၣ်ထံးတၢ်ကူၣ်ဘၣ်ကူၣ်သ့ နီၢ်ဂံၢ် (၁) တီၤထီကၠိ, မယဲကိကီၢ်ဆၣ်, ၀့ၢ်တကူၣ်, ကတိၤတၢ်ဘၣ်ဃး
အ၀ဲဒၣ်အ တၢ်လဲၤခီဖျိ ဘၣ်ထွဲတၢ်ဒိးစဲးအကျိၤအကွာ်အသီအံၤလီၤ.

"လၢပအိၣ်လၢနွံတီၤအခါ, ပဘၣ်ဒိးစဲးတလါတဘျီလီၤ. ပဘၣ်ဖးလံာ်ထဲလၢတၢ်တလါန့ၣ်အတီၢ်ပူၤလီၤ. ဘၣ်
ဆၣ် တုၤလၢဃိး တီၤဒီး, ပဘၣ်ဖးလံာ်ခဲလၢာ်လၢတၢ်သိၣ်လိ၀ဲ စးထီၣ်လၢအခီၣ်ထံးတုၤကၠိနံၣ်ကတၢၢ်လီၤ. ပ
ဘၣ်ဖးလံာ်ဒီဒူၣ်, အဃိဒီးကီ၀ဲတစဲး လီၤ." အ၀ဲဒၣ်စံး.

အ့မံၣ်ခဲၣ်, နွံတီၤကၠိဖိလၢ ဂံၢ်ခီၣ်ထံးတၢ်ကူၣ်ဘၣ်ကူၣ်သ့ နီၢ်ဂံၢ် (၂) တီၤထီကၠိ, တကူၣ်ကလံၤထံးကီၢ်ဆၣ်, ၀့ၢ်
တကူၣ်, စံးတၢ်တ မံၤဃီ ဘၣ်ဃးအ၀ဲဒၣ်တၢ်ကတီၤသးလၢ ဃိးတီၤအဂီၢ်လီၤ.

"အခဲအံၤယထီၣ်နွံတီၤ. မ့ၢ်လၢဃိးတီၤမ့ၢ်ပဒိၣ်တၢ်ဒိးစဲးအကျိၤအကွာ်အဃိဒီး, ယဘၣ်ထီၣ်မၤလိကိၤလၤ၀ါ
တၢ်သိၣ်လိ ဒီးတၢ် ကွဲးပယီၤလံာ်ဆီရဲၣ် တၢ်သိၣ်လိတဖၣ်လီၤ.

"လၢပဒိၣ်တၢ်ဒိးစဲးအကျိၤအကွာ်အပူၤ, ပဖးထဲတၢ်သံကွၢ်ခံခါဧိၤ ဒ်လၢအပူၤကွံာ် တသ့လၢၤဘၣ်, အဃိဒီးယ
ကဘၣ်ကျဲးစၢးအါ ထီၣ်လီၤ."

လၢအပူၤကွံာ်ကၠိတၢ်ဒိးစဲးအကျိၤအကွာ်အပူၤ, ကၠိဖိတဖၣ်ဘၣ်ဖးလံာ်ထဲ တၢ်မၤလိစှၤခါဧိၤလၢတၢ်သိၣ်လိလၢ
တီၤပူၤလီၤ, ဘၣ် ဆၣ်လၢပဒိၣ်တၢ်ဒိးစဲးအကျိၤအကွာ်အပူၤ, ကၠိဖိတဖၣ်ဘၣ်ဖးလံာ်အါထီၣ်လီၤ.

လၢကၠိတၢ်ဒိးစဲးအကျိၤအကွာ်အပူၤ, ကၠိဖိတဖၣ် (ဂံၢ်ခီၣ်ထံးတၢ်ကူၣ်ဘၣ်ကူၣ်သ့တီၤပတီၢ်, တပၣ်ဃုာ်တၢ်နုာ်
လီၤဖၠၣ်ဆိမိၤကၠိတၢ် ဒိးစဲးဘၣ်) ဘၣ်စံးဆၢဒၣ်တၢ်မၤလိလၢတၢ်သိၣ်လိ၀ဲ ဖဲလါဒံၣ်စ့ဘၢၣ်ကတၢၢ် လၢနံၣ်ကတၢၢ်
တၢ်ဒိးစဲးအဂီၢ်လီၤ. ဘၣ်ဆၣ်, လၢနံၣ် ကတၢၢ်တၢ်ဒိးစဲး လၢလွံၢ်တီၤဒီးဃိးတီၤ လၢဘၣ်တၢ်ဆီတလဲဆူပဒိၣ်တၢ်ဒိး
စဲး အကျိၤအကွာ်အဂီၢ်, ကၠိဖိတဖၣ်ဘၣ်ဒိးစဲး၀ဲ လံာ် လၢတၢ်သိၣ်လိ စးထီၣ်လၢကၠိနံၣ်ခီၣ်ထံး တုၤကၠိနံၣ်ကတၢၢ်
န့ၣ်လီၤ.

ကၠိဖိမိၢ်ပၢ်အါဒၣ်တက့ၢ်, ဘၣ်သူၣ်ဘၣ်သး၀ဲ တၢ်ဆီတလဲလၢကၠိတၢ်ဒိးစဲးအကျိၤအကွာ် ဆူပဒိၣ်တၢ်ဒိးစဲးအကျိၤ
အကွာ် လၢလွံၢ် တီၤဒီးဃိးတီၤအဂီၢ်န့ၣ်လီၤ.

"ယဖိမုၣ်အခဲအံၤထီၣ်၀ဲဃုတီၤလီၤ. ပဒိၣ်တၢ်ဒိးစဲးအကျိၤအကွာ် တၢ်စးထီၣ်သူအီၤဖဲအ၀ဲဒၣ်အိၣ်လၢ လွံၢ်တီၤ
လီၤ. ညီနုၢ်ယဘၣ် တဲအီၤလၢကဘၣ်ဖးလံာ် ဖဲလၢအ၀ဲဒၣ်အိၣ်လၢသၢတီၤအခါဒၣ်လဲာ်လီၤ.

"ဘၣ်ဆၣ်တုၤမ့ၢ်အ၀ဲဒၣ်ထီၣ်လွံၢ်တီၤဒီး, ပတလိၣ်မၢအီၤလၢကဘၣ်ဖးလံာ်ဘၣ်. အ၀ဲဒၣ်ကျဲးစၢး၀ဲဆူၣ်ဆူၣ်
လၢအကစၢ်ဒၣ်၀ဲ လီၤ. အ၀ဲဆဲးကျဲးစၢး၀ဲဆူၣ်ဆူၣ် လၢယဲၢ်တီၤဒီးဃုတီၤလီၤ. အဃိဒီး, ပဒိၣ်တၢ်ဒိးစဲးအကျိၤ
အကွာ်, ယဘၣ်သူၣ်ဘၣ်သးလီၤ." မၣ်စိစိသဲ, ကၠိဖိတဂၤအမိၢ်, လၢဂံၢ်ခီၣ်ထံးတၢ်ကူၣ်ဘၣ်ကူၣ်သ့ နီၢ်ဂံၢ် (၄)
တီၤထီကၠိ, စါခၠီကီၢ်ဆၣ်, ၀့ၢ်တကူၣ်, စံး၀ဲလီၤ.

ဘၣ်ဆၣ်ကၠိဖိမိၢ်ပၢ်အိၣ်တနီၤလၢ ပဲာ်အၢပဲာ်သီ၀ဲတၢ်စူးကါ "Grade" ဘၣ်ဃးတၢ်ဒိးစဲအစၢအဂ့ၢ်, မ့ၢ်လၢတၢ်၀ဲ
အံၤကီလၢပကသ့ၣ် ညါလီၤတံၢ် ကၠိဖိအကံၢ်အစီအဃိန့ၣ်လီၤ. လၢအပူၤကွံာ်, ဂံၢ်ခီၣ်ထံးတၢ်ကူၣ်ဘၣ်ကူၣ်သ့
တီၤ အပတီၢ်ခဲလၢာ်တၢ်ဖးဖျါအီၤလၢ အမးလၢကၠိဖိမၤန့ၢ်၀ဲအဖီခိၣ် လၢတၢ်ဒိးစဲးအပူၤလီၤ.

"ယဘၣ်သးတၢ်ဒိးစဲးအစၢ လၢတၢ်ပာ်ပနီၣ်လၢအမး လၢတၢ်ပာ်ပနီၣ်လၢအပတီၢ်တက့ၢ်လီၤ. မ့ၢ်လၢယသ့ၣ်ညါ
ယဖိမၤန့ၢ်အပ တီၢ်ထဲလဲၣ် လၢတီၤဒီတတီၤအပူၤ, မ့ၢ်ဒၣ်လဲာ်တၢ်ဒိးစဲးအစၢတဖၣ် တၢ်ဖးဖျါအီၤလၢအမးဖီခိၣ်
လီၤ. ဘၣ်ဆၣ်လၢအခဲအံၤ, ယ သ့ၣ်ညါသ့ထဲ အပတီၢ်ပာ်ဖှိၣ် လၢယဖိမၤန့ၢ်၀ဲ, ကမ့ၢ်လၢအပတီၢ် A, B, C or
D လၢတၢ်ဒိးစဲးအ စၢအသီအဖီခိၣ်လီၤ." မၣ်စိစိ သဲစံး၀ဲလီၤ.

အပတီၢ် A မ့ၢ်၀ဲအမး ၈၀ ဒီး ၁၀၀ အဘၢၣ်စၢၤ, အပတီၢ် B မ့ၢ်၀ဲအမး ၆၀ ဒီး ၇၉ အဘၢၣ်စၢၤ, ဒီးအပတီၢ် C
မ့ၢ်၀ဲ အမး ၄၀ ဒီး ၅၉ အဘၢၣ်စၢၤ ဒီးအပတီၢ် D မ့ၢ်၀ဲပှၤလၢအန့ၢ်အမး စှၤန့ၢ်ဒံး ၄၀ တဖၣ်လီၤ.

ပှၤလၢဘၣ်သူၣ်ဘၣ်သး တၢ်ဒိးစဲးအကျိၤအကွာ်အလီၢ်လံၤ ကအိၣ်၀ဲဘၣ်ဆၣ်, အါဒၣ်တက့ၢ်တူၢ်လိာ်မုာ်၀ဲ
ပဒိၣ်တၢ်ဒိးစဲးအကျိၤ အကွာ်လၢအသီ, မ့ၢ်လၢအဟ့ၣ်ဂံၢ်ဟ့ၣ်ဘါကၠိဖိတဖၣ်ဒ်သိး ကမၤလိတၢ်ပှဲၤပှဲၤအဃိလီၤ.