တၢ်မၤလီၤစှၤစ့ဘးကၠဲးလၢ ကၠိတၢ်သူၣ်လီၤဆီလီၤတၢ်တိာ် ကျဲၤအဂီၢ် ဒ်သိးကၠိသရၣ်တဖၣ်ကဒိးန့ၢ်အါထီၣ်အလါလဲ, ဒ် ကီၢ်ခိၣ်အူ၀့မၠ့ၣ်အၢၣ်လီၤ၀ဲဖဲ တၢ်ပာ်ထီၣ်အီၤလၢကီၢ်ခိၣ်လီၢ် လၤဖဲလါမးၡး၀ံၤတယံာ်ဘၣ်, အဂ့ၢ် တၢ်ကူၣ်ဘၣ်ကူၣ်သ့ကိ တိာ်ခိၣ်ခံဂၤတဂၤ အူ၀့မီၤထိ, စံး၀ဲလီၤ.

"တၢ်မၤလီၤစှၤအ၀ဲအံၤ လီၤပလိာ်ဒီးတၢ်သိၣ်တၢ်သီလီၤ. တမ့ၢ်လၢ ပစ့တအိၣ်လၢလီၢ်မ့ၢ်ဂ့ၤ, ပစ့တအိၣ်လၢၤမ့ၢ်ဂ့ၤန့ၣ်ဘၣ်. ထဲ ဒၢၣ်တၢ်ဃ့ဖီၣ်တၢ်မၤ တၢ်တဆိကတီၢ်ဃာ်ဘၣ်." အ၀ဲဒၣ်စံး၀ဲဖဲ Telenor Myanmar တၢ်ကိၢ်ခါတၢ်သိၣ်လိဘၣ်ဃး စဲးဖီကဟၣ် တၢ်မၤအကျဲ ဒီးတၢ်သူလီယဲၤသန့ ကၠိပျၢ်အမူးလၢန့ၢ်ပၠံၣ်ဒီၣ်, ဖဲနွံကတၢၢ်န့ၣ်လီၤ.

အ၀ဲဒၣ်စံး၀ဲလၢ တၢ်တပာ်လီၤန့ၢ်စ့လၢ ကိတိာ်ဃုလါစ့ဘးကၠဲး ဒ်သိးတၢ်ကဟ့ၣ်အါထီၣ်လါလဲန့ၣ်ဘၣ်, အဃိဒီးတၢ်လၢာ်ဘူၣ် လၢာ်စ့ၤလၢတၢ်တိာ်ကျဲၤအဂီၢ်, တၢ်ကဘၣ်မၤလီၤစှၤန့ၣ်လီၤ.

ဘၣ်ဆၣ်, စ့လၢတၢ်မၤလီၤစှၤ တၢ်ကမၤပှဲၤကဒါက့ၤဖဲ ၂၀၁၈-၂၀၁၉ စ့ဘးကၠဲး, စးထီၣ်လါစဲးပထ့ဘၢၣ်လီၤ, အ၀ဲဒၣ်စံး.