တၢ်ကူၣ်ဘၣ်ကူၣ်သ့ကိတိာ်အိၣ်ဒီးတၢ်ရဲၣ်တၢ်ကျဲၤလၢ ကသုးထီထီၣ်သရၣ်မၤစၢၤသိၣ်လိကလုာ်ဒူၣ်အကျိာ် ဆူထီဘိသရၣ်အပ တီၢ်လၢပဒိၣ်ကၠိ, အ၀ဲသ့ၣ်မ့ၢ်အိၣ်ဒီးဘံၤအ့ၤဒံၣ်ကရံၣ်, အဂ့ၢ် ကလုာ်ဒူၣ်လံာ်လဲၢ်ဒီးတၢ်ဆဲး တၢ်လၤ၀ဲၤကျိၤစံး၀ဲလီၤ.

သရၣ်မၤစၢၤသိၣ်လိတၢ်တဖၣ် ဘၣ်တၢ်မၢလဲအီၤလၢ ဂံၢ်ခီၣ်ထံးတၢ်ကူၣ်ဘၣ်ကူၣ်သ့၀ဲၤကျိၤ ဒ်သိးကမၤဂ့ၤထီၣ် တၢ်မၤလိအကျဲ ဒီးတၢ်တုၤထီၣ်ထီၣ်ဘးလၢ ဂံၢ်ခီၣ်ထံးတၢ်ကူၣ်ဘၣ်ကူၣ်သ့အပူၤ ဒီးဒ်သိးတၢ်ကမၤလီၤစှၤ ဖိသၣ်တၢ်ဟးထီၣ်ကၠိအနီၢ်ဂံၢ် လၢကလုာ် ဒူၣ်ဟီၣ်က၀ီၤသ့ၣ်တဖၣ်န့ၣ်လီၤ.

ဖဲလါဒံၣ်စ့ဘၢၣ် ၂၀၁၇, ကိတိာ်မၢလဲသရၣ်သိၣ်လိစၢၤကလုာ်ဒူၣ်ကျိာ် ၅,၂၀၀ ဃၣ်ဃၣ် ဒ်ဆၢကတီၢ်တတဲာ်တတီၤမုာ်သးမၤက လီသရၣ်အသိး, ဒီးတၢ်ဟ့ၣ်အ၀ဲသ့ၣ်လါလဲတလါ ၃၀,၀၀၀ ကၠး လီၤ.

"တၢ်ကူၣ်ဘၣ်ကူၣ်သ့ကိတိာ် အၢၣ်လီၤတူၢ်လိာ်တၢ်သုးထီထီၣ်ပတီၢ်ဆူထီဘိသရၣ် ပှၤလၢအိၣ်ဒိးဘံၣ်အ့ၣ်ဒံၣ်ကရံၣ် ဖဲထီၣ်တၢ်မၤ လိ၀ံၤအလီၢ်ခံလီၤ." အူ၀့နဲၣ်, လၢအမ့ၢ်ပှၤနဲၣ်တၢ်ခိၣ်ကျၢၢ်ခံဂၤတဂၤ လၢကလုာ်ဒူၣ် လံာ်လဲၢ်ဒီးတၢ်ဆဲးတၢ်လၤ၀ဲၤကျိၤ, စံး၀ဲဖဲမုၢ် ယူာ်အနံၤလီၤ. ဟီၣ်က၀ီၤဘျီၣ်ဒိၣ်တၢ်အၢၣ်လီၤတူၢ်လိာ်၀ံၤအလီၢ်ခံ, ကိတိာ်စးထီၣ်သိၣ်လိကလုာ်ဒူၣ်အကျိာ် လၢဂံၢ်ခီၣ်ထံးတၢ် ကူၣ်ဘၣ်ကူၣ်သ့ကၠိ ဖဲ ၂၀၁၃ ဒ်သိးတၢ် ကပၢၤဃာ်ဒီးမၤလဲၤထီၣ်လဲၤထီ ကလုာ်ဒူၣ်ကျိာ်, လံာ်လဲၢ် ဒီးတၢ်ဆဲးတၢ်လၤအဂီၢ်န့ၣ် လီၤ.