ဘျီၣ်ဒိၣ်ကွၢ်သမံးသမိးထံက့ၤစ့ဒုးလိၢ် €70m လၢကမၤဂ့ၤထီၣ်၀့ၢ်တကူၣ်

...

ဘျီၣ်ဒိၣ်ကွၢ်သမံးသမိးထံက့ၤစ့ဒုးလိၢ် €70m လၢကမၤဂ့ၤထီၣ်၀့ၢ်တကူၣ်

Myanmar Times, 27 Nov 2018

URL: https://www.mmtimes.com/news/hluttaw-reviews-eu70m-loan-better-yangon.html
ထံကီၢ်ဘျီၣ်ဒိၣ် သုးယံာ်သုးနီၢ် အၢၣ်လီၤတူၢ်လိာ်စ့ဒုးလိၢ် €70 million (K126 billion) လၢြဖၣ်စ့ၣ်တၢ်လဲၤထီၣ်လဲၤထီကရၢ လၢ ၀့ၢ်ပူၤတၢ်လဲၤထီၣ်လဲၤထီအဂီၢ် လၢ၀့ၢ်တကူၣ်ကီၢ်ဒိၣ်, မ့ၢ်လၢတၢ်လိၣ်တၢ်ကွၢ်သမံသမိးထံက့ၤအီၤအဃိလီၤ.

ဘျီၣ်ဒိၣ်ပှၤပၢၤလီၢ်ဆ့ၣ်နီၤ အူတံၤခိၤမၠၣ် စံးဘၣ်ဘျီၣ်ဒိၣ်ဖဲမုၢ်ဆၣ်အနံၤလၢ စ့ဒုးလိၢ်ကလိၣ်တၢ်ကွၢ်သမံသမိးထံအီၤမ့ၢ်လၢ ၀့ၢ်တ ကူၣ်ကီၢ်ဒိၣ်ဘျီၣ်ဒိၣ်ခၢၣ်စးတနီၤ ထီဒါ၀ဲတၢ်တိာ်ကျဲၤ ဒီးတၢ်လိၣ်အါထီၣ်တၢ်ဂ့ၢ်တၢ်ကျိၤအဃိလီၤ.

လၢမုၢ်ဆၣ်နံၤ တၢ်အိၣ်ဖှိၣ်တၢ်ဂ့ၢ်ခိၣ်သ့ၣ်အပူၤ ပၣ်ဃုာ်၀ဲတၢ်ကဘၣ်ကွၢ်ဆိကမိၣ် စ့ဒုးလိၢ်လၢတၢ်အၢၣ်လီၤတူၢ်လိာ်အီၤအဂီၢ်, ဘၣ်ဆၣ်တၢ်သုးယံာ်သုးနီၢ်အီၤန့ၣ်လီၤ.

ဘျီၣ်ဒိၣ် ကမျၢၢ်စ့စရီကမံးတံာ်သဃဲၤ အခဲအံၤကထံၣ်လိာ်သးဒီးကရၢတဖၣ်လၢ ကသူစ့ဒုးလိၢ် ဒီးကဘၣ်ဆှၢထီၣ်တၢ်ပာ်ဖျါတ ချုးလါဒံၣ်စ့ဘၢၣ် ၃ သီဘၣ်လီၤ.

"ပကတၢၣ်ပီၣ်သကိးဒီး ၀့ၢ်တကူၣ်ကီၢ်ဒိၣ်ပဒိၣ် မ့ၢ်စ့ဒုးလိၢ်ကတုၤထီၣ်ထီၣ်ဘးထဲလဲၣ်အဂ့ၢ်လီၤ." အူအီၣ်မ့, လၢအမ့ၢ် ဘျီၣ်ဒိၣ် လာ်ခီခၢၣ်စး လၢစလူၤကီၢ်ဆၣ် ဒီးကမျၢၢ်စ့စရီကမံးတံာ်သဃဲၤ ကရၢဖိတဂၤ စံး၀ဲလီၤ.

အ၀ဲဒၣ်စံးဒံး၀ဲလၢ, တၢ်တိာ်ကျဲၤလၢကဘၣ်တၢ်မၤထွဲထီၣ်အီၤဒီးစ့ဒုးလိၢ်, ဒ်အမ့ၢ်တၢ်မၤစှၤလီၤသိလ့ၣ်ကတံာ်ကနိၣ်, ဒီးတၢ်မၤ ကိညၢ်ထီၣ်ထံလုၢ်ဘၢတၢ်တၢ်ဂ့ၢ်တဖၣ်, မ့ၢ်တၢ်လၢအလိၣ်လီၤ.

သနာ်က့, အူခ့ၤမီၣ်မီၣ်, ဘျီၣ်ဒိၣ်ခၢၣ်စးလၢ ကလံၤစိးတကူၣ်ကီၢ်ဆၣ်, ပဲာ်အၢပဲာ်သီစ့ဒုးလိၢ်စံး၀ဲ, "ဘျီၣ်ဒိၣ်ရီဘၢၣ်စဲပနီၣ်န့ၢ် စ့ဒုး လိၢ်လၢပဒိၣ်အဂီၢ်တသ့ဘၣ်."

ဒီၢ်ယ့ၤမ့လဲၣ်, ခၢၣ်စးလၢ ကဲၣ်ကီၤကီၢ်ဆၣ်လၢမကွ့ကီၢ်ဒိၣ် စံး၀ဲတၢ်ကလိၣ်အါထီၣ်တၢ်ဂ့ၢ်တၢ်ကျိၤဘၣ်ဃး တၢ်ပၢဆှၢရဲၣ်ကျဲၤ ဒီး တၢ်လၢာ်ဘူၣ်လၢာ်စ့ၤလၢ တၢ်တိာ်ကျဲၤလၢတၢ်ကျဲၤပာ်၀ဲ လၢစ့ဒုးလိၢ်အဖီလာ်လီၤ.

"၀့ၢ်တကူၣ်၀့ၢ်တၢ်လဲၤထီၣ်လဲၤထီကမံးတံာ် ကသူ၀ဲစ့ K47 billion လၢတၢ်ကကွၢ်ထွဲကတီၤထံဖိကျိ အပူၤကွံာ်မဟိတနံၣ်, ဒီး တၢ်မုၢ်လၢ်၀ဲလၢအကလိၣ်ဒံးစ့ K27 billion လၢတနံၣ်အံၤ, အဃိ မ့ၢ်အကသူဒံးစ့လၢ စ့ဒုးလိၢ်၀ဲအံၤဧါ. ယအဲၣ်ဒိးအါထီၣ်တၢ်ဂ့ၢ် တၢ်ကျိၤလီၤ." အ၀ဲဒၣ်စံး.

အူမီၣ်မီၣ်၀့, ကိတိာ်ခိၣ်ခံဂၤတဂၤလၢ တၢ်တိာ်ကျဲၤဒီးကျိၣ်စ့ဂ့ၢ်၀ီကိတိာ်, ကတိၤန့ၢ်တၢ်လၢကီၢ်ဒိၣ်ပဒိၣ်အဂီၢ် ဒီး၀့ၢ်တကူၣ်၀့ၢ် တၢ်လဲၤထီၣ်လဲၤထီၣ်ကမံးတံာ်အဂီၢ်, စံး၀ဲ၀့ၢ်တကူၣ်ကဟ့ၣ်ကဒါက့ၤ စ့ဒုးလိၢ်တဖၣ်အံၤ လၢစ့လၢအဟဲနုာ်လၢတၢ်တိာ်ကျဲၤသ့ၣ် တဖၣ်အံၤလီၤ. "စ့ဒုးလိၢ်တၢ်ကဟ့ၣ်ကဒါက့ၤအီၤဒီး စ့လၢတၢ်မၤန့ၢ်လၢ တၢ်ငါလီၤဒီးတၢ်ဆါဟီၣ်ခိၣ်အလီၢ်, တၢ်ပာ်သိလ့ၣ်တၢ် လီၢ်, တၢ်သူၣ်ထီၣ် ဒီးကျးကျဲကပၤလၢ တၢ်ကဒုးအိၣ်ထီၣ်အီၤဒီးစ့လၢ စ့ဒုးလိၢ်၀ဲအံၤလီၤ." အ၀ဲဒၣ်စံး.