ကခၠ့ၣ်တၢ်ဒုးမၤဟးဂီၤဝဲတၢ်နာ်န့ၢ်လိာ်သးဖဲတၢ်ကတိၤသကိးတၢ်မုာ်တၢ်ခုၣ်

...

ကခၠ့ၣ်တၢ်ဒုးမၤဟးဂီၤဝဲတၢ်နာ်န့ၢ်လိာ်သးဖဲတၢ်ကတိၤသကိးတၢ်မုာ်တၢ်ခုၣ်

Eleven Media, 23 Apr 2014

URL: http://elevenmyanmar.com/index.php?option=com_content&view=article&id=5811:kachin-conflict-damaging-trust-in-peace-talks&catid=32:politics&Itemid=354
ပဒိၣ်သုးမုၢ်ဒိၣ်ဒီးကခၠ့ၣ်တၢ်သဘျ့သုးမုၢ်ဒိၣ်(KIA)အဘၢၣ်စၢၤတၢ်ဒုးတၢ်ယာ်လၢအအိၣ်ထီၣ်ကဒါက့ၤအသီအံၤမၤဟးဂီၤဝဲတၢ်နာ်န့ၢ်လိာ်သး,ဖဲလၢပဒိၣ်ဂုၤကျဲးစၢးမၤဝဲထံကီၢ်ဒီတဘ့ၣ်တၢ်ပတုာ်
တၢ်ခးအတၢ်အၢၣ်လီၤအီလီၤဒီးပှၤဖီၣ်စုကဝဲၤကရူၢ်တဖၣ်အံၤန့ၣ်လီၤ.

နဲၣ်ဟၣ်သၣ်လၢအမ့ၢ်(NCCT)ကမံာ်တံးခိၣ်နၢ်တဂၤအံၤစံးဝဲဒၣ်လၢတၢ်ဒုးတၢ်ယာ်ကဲထီၣ်ဖဲတၢ်ကတိၤသကိးတၢ်မုာ်တၢ် ခုၣ်အကတီၢ်အံၤတမ့ၢ်တၢ်အိၣ်ဒီးတၢ်တီတၢ်လိၤဘၣ်န့ၣ်လီၤ.

တၢ်ဒုးတၢ်ယာ်ကဲထီၣ်ဝဲဖဲလါအ့ြဖ့ၣ်အသီ(၁၀)အနံၤဖဲလၢပယီၤသုးမုၢ်ဒိၣ်ထီၣ်ဒုးဝဲ(KIA)တၢ်လီၢ်တၢ်ကျဲဖဲမဲစံၣ်(Mansi)ကီၢ်ဆၣ်ဒီးကလံၤစိးယိၤဒိၣ်ကီၢ်စဲၣ်အပူၤန့ၣ်လီၤ.တၢ်ဒုးတၢ်ယာ်ကဲထီၣ်
ဝဲတုၤလၢလါအ့ြဖ့ၣ်(၁၈)သီအနံၤန့ၣ်လီၤ.ပယီၤသုးမုၢ်စံးဝဲဒၣ်လၢတၢ်ဒုးတၢ်ယာ်အံၤအိၣ်ထီၣ်ဝဲလၢတၢ်ကမၤပတုာ်ကွံာ်ဝဲတၢ်စိာ်ဆါခူသူၣ်သ့ၣ်တဖၣ်အဂီၢ်,ကခၠ့ၣ ်သုးမုၢ်ဒိၣ်(KIA)စံးဝဲလၢတၢ်ဒုး တၢ်ယာ်အံၤကဲထီၣ်ဝဲခီဖျိပယီၤသုးမုၢ်ဒိၣ်ဂုာ်ကျဲးစၢးပၢၤဃာ်ဝဲတၢ်ဒုးတၢ်ယာ်အကျိၤအ ကျဲဖဲအဝဲသ့ၣ်အသုးတၢ်လီၢ်တၢ်ကျဲတဖၣ်အဃိန့ၣ်လီၤ.

ခဲကိာ်တဝီ(NCCT)ဒီးပဒိၣ်မၤတၢ်မုာ်တၢ်ခုၣ်အဘၢၣ်စၢၤတၢ်မုာ်တၢ်ခုၣ်အတၢ်အိၣ်ဖှိၣ်အံၤတၢ်သ့ၣ်နံၤဖးသီမၤအီၤဖဲလါမ့ၤအသီ(၁၀)အနံၤန့ၣ်လီၤ.

ခိၣ်နၢ်လီၢ်လးဒိၣ်တဂၤလၢကီၢ်ပယီၤတၢ်မုာ်တၢ်ခုၣ်ဝဲၤလီၢ်ခၢၣ်သးစံးဝဲလၢတၢ်မၤသကိးတၢ်အတၢ်အိၣ်ဖှိၣ်အံၤကဘၣ်တၢ်မၤအီၤဖဲလါအ့ြဖ့ၣ်(၂၆,၂၇,၂၈)သီအတီၢ်ပူၤန့ၣ်လီၤ.ဘၣ်ဆၣ်ဒီးတၢ်စံးဝဲ တသ့ဒံးဘၣ်လၢတၢ်ဒုးတၢ်ယာ်လၢအကဲထီၣ်ဖဲတယံာ်ဒံးဘၣ်အံၤမ့ၢ်ကမၤယံာ်မၤနီၣ်ဝဲတၢ်အိၣ်ဖှိၣ်အံၤ(မ့)တမၤယံာ်မၤနီၣ်ဝဲဘၣ်န့ၣ်လီၤ.

ဖဲလၢသုးခိၣ်ကျၢၢ်ကီမီ(Gwan Maw)လၢကခၠ့ၣ်တၢ်သဘျ့သုးမုၢ်ဒိၣ်(KIA)လဲၤဟးဆူကီၢ်အမဲရကၣ်အကတီၢ်အဝဲမၢန့ၢ်ဆီၣ်ခံဝဲကီၢ်အမဲရကၣ်လၢကနုာ်လီၤပၣ်ဃုာ်ဝဲဖဲတၢ်မုာ်တၢ်ခုၣ်အကျိၤအကျဲအပူၤန့ၣ်လီၤ.

ဖဲမုၢ်ဆၣ်အနံၤကီမီစံးဘၣ်(Reuters)တၢ်ကစီၣ်,“ပအဲၣ်ဒိးလၢကီၢ်အမဲရကၣ်ကနုာ်လီၤပၣ်ဃုာ်ဖဲတၢ်မုာ်တၢ်ခုၣ်အကျိၤအကျဲအပူၤဒ်အမ့ၢ်ပှၤအုၣ်သးတဂၤအသိး,ဒ်သိးဒီးတၢ်အၢၣ်လီၤအီလီၤအံၤ
ကဂၢၢ်ကျၢၤထီၣ်ဝဲအဂီၢ်န့ၣ်လီၤ.”

သုးခိၣ်ကျၢၢ်အံၤစံးဝဲ,တၢ်ခိးကွၢ်တၢ်အိၣ်သးအဂီၢ်တၢ်လိၣ်ဘၣ်ဒုးအိၣ်ထီၣ်ကရူၢ်သဘျ့ခီဖျိထံဂုၤကီၢ်ဂၤဒီးလီၢ်ကဝီၤပှၤခိးကွၢ်တၢ်အိၣ်သးတဖၣ်ဒ်သိးဒီးတၢ်ကမၤလီၤတံၢ်ဝဲလၢတၢ်ပတုာ်တၢ်ခးအံၤ
တၢ်ကယူးယီၣ်ပာ်ကဲအီၤလၢကရူၢ်ခဲလၢာ်အဂီၢ် န့ၣ်လီၤ.

ကီမီစံးဝဲ,“ပမုၢ်လၢ်လၢထံကီၢ်လၢစိဒိၣ်ကမီၤဒိၣ်တဖၣ်ဟ့ၣ်ထီၣ်ဝဲတၢ်ဟ့ၣ်ကူၣ်ဟ့ၣ်ဖးဒီးတၢ်ဆီၣ်ထွဲမၤစၢၤလၢတၢ်လိၣ်ဘၣ်အီၤတဖၣ်ဒီးနုာ်လီၤပၣ်ဃုာ်ဖဲတၢ်ရဲၣ်တၢ်ကျဲၤဒီတကတီၢ်အပူၤကသ့ဝဲ
န့ၣ်လီၤ.”