ကခၠ့ၣ်တၢ်သဘျ့သုးမုၢ်ဒိၣ်ဆှၢနုာ်တၢ်တိာ်ကျဲၤလၢကစးထီၣ်က့ၤတၢ်ကတိၤသကိးတၢ်မုာ်တၢ်ခုၣ်

...

ကခၠ့ၣ်တၢ်သဘျ့သုးမုၢ်ဒိၣ်ဆှၢနုာ်တၢ်တိာ်ကျဲၤလၢကစးထီၣ်က့ၤတၢ်ကတိၤသကိးတၢ်မုာ်တၢ်ခုၣ်

Democratic Voice of Burma, 29 Apr 2014

URL: http://www.dvb.no/news/kio-proposes-restarting-peace-talks-burma-myanmar/40062
ကခၠ့ၣ်တၢ်သဘျ့သုးမုၢ်ဒိၣ်( KIO)ဆှၢနုာ်ဝဲတၢ်တိာ်ကျဲၤဆူကီၢ်ပယီၤပဒိၣ်အအိၣ်ဒ်သိးဒီးကစးထီၣ်မၤက့ၤတၢ်ကတိၤသကိးတၢ်မုာ်တၢ်ခုၣ်အဂီၢ်န့ၣ်လီၤ.ဒီးအဝဲသ့ၣ်စံးဝဲလၢကတူၢ်လိာ်မုာ်ဝဲခဲကိာ် တဝီတၢ်တၢၣ်ပီၣ်သကိးတၢ်အံၤဖဲမၠံၣ်ကၠံနါဝ့ၢ်အပူၤဖဲလါမ့ၤထီၣ်အသီ(၁၀)အနံၤန့ၣ်လီၤ.

တၢ်ခွဲးတၢ်ယာ်အံၤအိၣ်ထီၣ်ဝဲဖဲအပူၤကွံာ်စှာ်ကိာ်နွံ,ဖဲလၢကရူၢ်ခံခီယၢ်ပၤအဘၢၣ်စၢၤတၢ်ဒုးတၢ်ယာ်ဟဲအါထီၣ်ဝဲအကတီၢ်န့ၣ်လီၤ.ဖဲ(KIO)ခိၣ်နၢ်(Sumlut Gam)အလံာ်ပရၢဆူ(UPWC)အပှၤပၢၤလီၢ်ဆ့ၣ်နီၤ အူအီၣ်မ့အိၣ်အပူၤ,အဝဲစံးဝဲ,“တၢ်ဆီတလဲလိာ်ဝဲတၢ်ထံၣ်တဖၣ်ဒီးတၢ်တၢၣ်ပီၣ်သကိးတၢ်ဂ့ၢ်တၢ်ကျိၤဘၣ်ထွဲဘၣ်ဃးဒီးအပူၤကွံာ်လါအီးကထိဘၢၣ်တၢ်အိၣ်ဖှိၣ်ဝံၤအလီၢ်ခံတၢ်အိၣ်သးတဖၣ်အံၤကဒုးဘၣ်ဘျိး
ဘၣ်ဒါဒိၣ်ထီၣ်ဝဲတၢ်မုာ်တၢ်ခုၣ်အကျိၤအကျဲန့ၣ်လီၤ.

(KIO)တၢ်တၢၣ်ပီၣ်သကိးတၢ်ကရူၢ်ခိၣ်အံၤစံးဝဲလၢအဲၣ်ဒိးကွဲမုာ်ဝဲဘီမုၢ်စၢဖှိၣ်ကရၢနဲၢ်ရွဲၢ်ခိၣ်ကျၢၢ်အပှၤဟ့ၣ်ကူၣ်ဟ့ၣ်ဖးတၢ်လီၤဆီ(Vijay Nambiar)ဒီး(Wang Yingan)လၢတရူးကီၢ်,ဃုာ်ဒီးက လုာ်ဒူၣ်ခိၣ်နၢ်အဂၤတဖၣ်ဒ်သိးကဟဲကနၢ်ထွဲတၢ်အိၣ်သးဖဲတၢ်အိၣ်ဖှိၣ်ပူၤအဂီၢ်န့ၣ်လီၤ.

(Gun Maw)စံးဝဲ,“တၢ်ဒုးတၢ်ယာ်ဖဲကခၠ့ၣ်ကီၢ်စဲၣ်ဒီးယိၤဒိၣ်ကီၢ်စဲၣ်ကလံၤထံးအံၤဟဲဆူၣ်ထီၣ်ဝဲဒၣ်န့ၣ်လီၤ.တၢ်အံၤကဒုးကဲထီၣ်တၢ်သူၣ်ကိၢ်သးဂီၤလၢတၢ်ကတိၤသကိးကီၢ်ဒီတဘ့ၣ်တၢ်ပတုာ်တၢ်ခးအဂီၢ်န့ၣ်လီၤ.
လၢတၢ်န့ၣ်အဃိပအဲၣ်ဒိးတီခိၣ်ရိာ်မဲမၤတၢ်အိၣ်ဖှိၣ်လၢအိၣ်ဒီးတၢ်ပညိၣ်လၢကပာ်ဂၢၢ်ပာ်ကျၢၤတၢ်ကတိၤသကိးတၢ်မုာ်တၢ်ခုၣ်ဒီးကွဲမုာ်ဝဲပဒိၣ်တဖၣ်လၢတၢ်အိၣ်ဖှိၣ်အံၤအပူၤန့ၣ်လီၤ.”