Menu

ဘၣ်ကီဘၣ်ခဲဘီမုၢ်စၢဖှိၣ်ကရၢသူၣ်ကိၢ်သးဂီၤဘၣ်ဃးကီၢ်ကၠီၣ်တဲၣ်တၢ်ဆှၢက့ၤကီၢ်ပယီၤပှၤဘၣ်ကီဘၣ်ခဲဖိတဖၣ်

...

ဘၣ်ကီဘၣ်ခဲဘီမုၢ်စၢဖှိၣ်ကရၢသူၣ်ကိၢ်သးဂီၤဘၣ်ဃးကီၢ်ကၠီၣ်တဲၣ်တၢ်ဆှၢက့ၤကီၢ်ပယီၤပှၤဘၣ်ကီဘၣ်ခဲဖိတဖၣ်

Democratic Voice of Burma, 16 Jul 2014

URL: http://www.voanews.com/content/unhcr-concerned-about-thai-repatriation-of-myanmar-refugees/1958931.html
ဘၣ်ကီဘၣ်ခဲဘီမုၢ်စၢဖှိၣ်ကရၢစံးဝဲလၢကီၢ်ပယီၤအပူၤတၢ်အိၣ်သးအံၤတအိၣ်ကတဲာ်ကတီၤအသးလၢဘၣ်ကီဘၣ်ခဲဖိအိၣ်ဆိးလၢကီၢ်ကၠီၣ်တဲၣ်ဒဲကဝီၤအပူၤယံာ်တ့ၢ်မးလံသ့ၣ်တဖၣ်အံၤအတၢ်က့ၤကဒါက့ၤဘၣ်န့ၣ်လီၤ.

လၢတၢ်ဟ့ၣ်ခီဆၢက့ၤ(VOA)ပယီၤတၢ်ကစီၣ်အတၢ်သံကွၢ်တဖၣ်အပူၤ,(Akahi Ito)ဘၣ်ကီဘၣ်ခဲဘီမုၢ်စၢဖှိၣ်ကရၢခၢၣ်စးလၢကီၢ်ပယီၤစံးဝဲလၢတၢ်ဂ့ၢ်အါမံၤအါမၠိတဖၣ်အကျါ,တၢ်ပတုာ်တၢ်ခးလၢအဂၢၢ်အကျၢၤတအိၣ်ဝဲဒံးဘၣ်,ဟီၣ်လးမ့ၣ် ပိၢ်အိၣ်ဒံးဝဲဒၣ်အဖၢမုၢ်ဒီးတၢ်သူၣ်ထီၣ်ဘှီထီၣ်လၢအကါဒိၣ်ဖဲလီၢ်ကဝီၤတနီၤနီၤအပူၤတအိၣ်ထီၣ်ဒံးဝဲဘၣ်အဃိတၢ်ဆၢကတီၢ်တဘၣ်ဒံးလၢဘၣ်ကီဘၣ်ခဲဖိအတၢ်က့ၤကဒါက့ၤဘၣ်န့ၣ်လီၤ.

အံၣ်ထိၣ်(Ito)တဲအါထီၣ်ဝဲဒၣ်လၢဘၣ်ကီဘၣ်ခဲဘီမုၢ်စၢဖှိၣ်ကရၢတအိၣ်ကတဲာ်ကတီၤအသးလၢကဆီၣ်ထွဲမၤစၢၤနီၢ်ကစၢ်အတၢ်သးအိၣ်က့ၤကဒါက့ၤလၢကအိၣ်ထီၣ်ဝဲလၢခံကတၢၢ်အံၤအဂီၢ်ဒံးဘၣ်န့ၣ်လီၤ.ဘၣ်ဆၣ်ဒီးဘၣ်ကီဘၣ်ခဲဘီမုၢ်စၢဖှိၣ် ကရၢကဟ့ၣ်တၢ်ဆီၣ်ထွဲမၤစၢၤဖဲဒၣ်လၢပှၤဘၣ်ကီဘၣ်ခဲဖိအနီၢ်ကစၢ်ဒၣ်ဝဲမၤတၢ်ဆၢတဲာ်လၢကက့ၤကဒါက့ၤဝဲဒ်အနီၢ်ကစၢ်ဒၣ်ဝဲတၢ်သးအိၣ်က့ၤအသိးဒီးဒ်လၢတၢ်မၤတၢ်ဆၢတဲၤအဂီၢ်ဒိးန့ၢ်ဘၣ်ဝဲတၢ်ဂ့ၢ်တၢ်ကျိၤတၢ်ကစီၢ်လၢလၢပှဲၤပှဲၤလံအကတီၢ်န့ၣ်လီၤ.


တၢ်ထံၣ်လၢအဝဲဟ့ၣ်ထီၣ်ဝဲသ့ၣ်တဖၣ်အံၤပာ်ဖျါထီၣ်က့ၤဝဲပှၤဟီၣ်ခိၣ်ဖိခွဲးယာ်ကရူၢ်တဖၣ်အတၢ်သူၣ်ကိၢ်သးဂီၤလၢဘၣ်တၢ်ပာ်ဖျါထီၣ်တ့ၢ်အီၤဖဲနွံအဝဲအံၤအတီၢ်ပူၤန့ၣ်လီၤ.

ကီၢ်ကၠီၣ်တဲၣ်သုးမုၢ်စံးဝဲဒၣ်လၢအဝဲသ့ၣ်အိၣ်ဒီးတၢ်တိာ်သူၣ်ပာ်သးလၢကဆှၢက့ၤဝဲကီၢ်ပယီၤဘၣ်ကီဘၣ်ခဲဖိ(၁၃၀,၀၀၀)ဂၤန့ၣ်လီၤ.

ဖဲလၢတနွံညါအံၤအတီၢ်ပူၤသုးခိၣ်ကျၢၢ်စိပရၣ်ယူၣ်ကၠါန်အိခၠါစံးဝဲဒၣ်လၢအပဒိၣ်မၤန့ၢ်တၢ်အၢၣ်လီၤအီလီၤဒီးကီၢ်ပယီၤလၢကမၤသကိးတၢ်ဘၣ်ဃးပှၤဘၣ်ကီဘၣ်ခဲဖိအဂၤလၢအလးတဖၣ်လၢအအိၣ်ဖဲကီၢ်ဆၢဒီတကျိၤအတၢ်က့ၤကဒါက့ၤအဂီၢ်အံၤန့ၣ်လီၤ.

အဝဲစံးဝဲလၢထံကီၢ်ခံဘ့ၣ်အံၤကဆီၣ်ထွဲမၤစၢၤဝဲပှၤဘၣ်ကီဘၣ်ခဲဖိတဖၣ်အ‘တၢ်က့ၤလၢအအိၣ်ဒီးတၢ်ပူၤဖျဲး’ဒ်အဘၣ်လိာ်ဖိးမံဝဲဒၣ်ဒီးပှၤဟီၣ်ခိၣ်ဖိခွဲးယာ်အတၢ်ပာ်ပနီၣ်အပတီၢ်အိၣ်ဝဲအသိးန့ၣ်လီၤ.