ကညီကီၢ်စဲၣ်အပူၤတၢ်မၤတၢ်ဃုထၢလၢတၢ်ကမၤပှဲၤဘျီၣ်ဒိၣ်တၢ်လီၢ်လီၤဟိအဂီၢ်ထံရူၢ်ကီၢ်သဲးပၣ်တံၣ်တဖၣ်မၤ တၢ်ကတဲာ်ကတီၤ

...

ကညီကီၢ်စဲၣ်အပူၤတၢ်မၤတၢ်ဃုထၢလၢတၢ်ကမၤပှဲၤဘျီၣ်ဒိၣ်တၢ်လီၢ်လီၤဟိအဂီၢ်ထံရူၢ်ကီၢ်သဲးပၣ်တံၣ်တဖၣ်မၤ တၢ်ကတဲာ်ကတီၤ

Karen News, 19 Aug 2014

URL: http://karennews.org/2014/08/political-parties-prepare-for-by-election-in-karen-state.html/
ထံရူၢ်ကီၢ်သဲးပၣ်တံၣ်လွံၢ်ဖုကနုာ်လီၤပြၢဝဲတၢ်မၤပှဲၤဘျီၣ်ဒိၣ်တၢ်လီၢ်လီၤဟိအဂီၢ်တၢ်ဃုထၢဖဲကညီကီၢ်စဲၣ်ဖဲနံၣ်ကတၢၢ်န့ၣ်လီၤ.ပၣ်တံၣ်လၢအနုာ်လီၤပြၢတၢ်တဖၣ်မ့ၢ်ဝဲဖလိၤ-စှီၤဒံၣ်မိၣ်ြခ့ၣ်တံးပၣ်တံၣ်(PSDP),ကညီဒံၣ်မိၣ်ြခ့ၣ်တံးပၣ်တံၣ်(KDP), ဒီကလုာ်ဒံၣ်မိၣ်ြခ့ၣ်စံၣ်အဂီၢ်တၢ်မၤသကိးတၢ်ပၣ်တံၣ်(NLD)ဒီးစၢဖှိၣ်ကရၢတၢ်မၤသကိးတၢ်ဒီးတၢ်ဂုၤထီၣ်ပသီထီၣ်ပၣ်တံၣ်(USDP)တဖၣ်န့ၣ်လီၤ.

“ခဲကနံၣ်အံၤလၢတၢ်ကတဲာ်ကတီၤဆိပာ်စၢၤတၢ်အဂီၢ်(PSDP)ပၣ်တံၣ်ဃုထၢထီၣ်ဝဲခၢၣ်စးတဖၣ်အဖၢမုၢ်ဒီးမၤဝဲပျီပူၤတၢ်လီၤဃုထံၣ်သ့ၣ်ညါတၢ်,တၢ်ရဲၣ်သဲကတီၤဒီးတၢ်ဟးအိၣ်သကိးလီၢ်ကဝီၤကမျၢၢ်တဖၣ်ဒ်သိးကဒိးန့ၢ်ဘၣ်အဝဲသ့ၣ်တၢ်သး စဲလၢကနုာ်လီၤပြၢတၢ်ဖဲတၢ်ဃုထၢအပူၤအဂီၢ်န့ၣ်လီၤ.ဒ်လဲၣ်ဂ့ၤခဲကနံၣ်အံၤပဘၣ်မၤတၢ်လၢတၢ်အိၣ်သးဃံးဃီၣ်ဒီၣ်အပူၤမ့ၢ်လၢတၢ်တဟ့ၣ်ဒုးသ့ၣ်ညါပှၤမူးမူးနီၢ်နီၢ်လၢမ့ၢ်တၢ်ကမၤဝဲတၢ်ဃုထၢအံၤ(မ့)တမၤဘၣ်လဲၣ်အဂ့ၢ်”မါအီၣ်ပၠံၣ်စိလၢအမ့ၢ် (PSDP)ပှၤပၢၤလီၢ်ဆ့ၣ်နီၤခိၣ်ခံစံးဝဲဖဲတၢ်သမံသမိးအီၤလၢကညီတၢ်ကစီၣ်အခါန့ၣ်လီၤ.

ပဒိၣ်မ့ၢ်တဘိးဘၣ်ရၤလီၤဝဲလၢတၢ်ဃုထၢအံၤတၢ်ကမၤအီၤအခါဖဲလဲၣ်ဘၣ်ဆၣ်ပၣ်တံၣ်လွံၢ်ဖုအိၣ်ကတဲာ်ကတီၤထီၣ်အသးလၢကနုာ်လီၤပြၢတၢ်န့ၣ်လီၤ.

“ပစးထီၣ်ကရၢကရိထီၣ်ဝဲကမံးတံာ်သ့ၣ်တဖၣ်လၢလီၢ်ခၢၣ်သး,ကီၢ်စဲၣ်,ကီၢ်ဆၣ်ဒီးသဝီအပတီၢ်တဖၣ်န့ၣ်လီၤ.ကမံးတံာ်လၢအကဲထီၣ်လိၣ်ထီၣ်ဝဲတဖၣ်ဟ့ၣ်လီၤဝဲတၢ်သိၣ်လိဒ်သိးကစးထီၣ်မၤတၢ်ဟူးတၢ်ဂဲၤလၢတၢ်မၤပှဲၤဘျီၣ်ဒိၣ်တၢ်လီၢ်လီၤဟိ အဂီၢ်တၢ်ဃုထၢန့ၣ်အဂ့ၢ်”နါခ့ၣ်ထွ့မၠံၣ်လၢအမ့ၢ်(NLD)ပၣ်တံၣ်ပှၤပၢၤလီၢ်ဆ့ၣ်နီၤလၢကညီကီၢ်စဲၣ်စံးဝဲန့ၣ်လီၤ.

စီထၤလိၤလၢအမ့ၢ်(USDP)ပၣ်တံၣ်ပှၤပၢၤလီၢ်ဆ့ၣ်နီၤလၢကညီကီၢ်စဲၣ်စံးဝဲ,“(USDP)ပၣ်တံၣ်ဃုထၢထီၣ်ဝဲခၢၣ်စးလၢကဒိးဃုထၢအသးန့ၣ်လီၤ.ဒ်လဲၣ်ဂ့ၤပတဘၣ်သးပာ်ဖျါခၢၣ်စးလၢကဒိးဃုထၢအသးအံၤအမံၤဒံးဘၣ်န့ၣ်လီၤ.အဝဲမ့ၢ်ကညီက လုာ်ဒူၣ်ဖိတဂၤလၢအိၣ်ဆိးဝဲဖဲတၢ်လီၢ်ဖဲန့ၣ်န့ၣ်လီၤ.အဝဲကဲဘၣ်တ့ၢ်စ့ၢ်ကီးဝဲပှၤဆီၣ်ထွဲမၤစၢၤကီၢ်ဆၣ်ကူၣ်သ့ဝဲၤကျိၤခိၣ်န့ၣ်လီၤ.ဘၣ်တၢ်ဃုထၢထီၣ်ဝဲဒၣ်အီၤန့ၣ်လီၤ.”

ခဲကနံၣ်အံၤဖဲကညီကီၢ်စဲၣ်အပူၤထံရူၢ်ကီၢ်သဲးပၣ်တံၣ်အိၣ်ဝဲဃုဖုန့ၣ်လီၤ.ဒ်လဲၣ်ဂ့ၤထံရူၢ်ကီၢ်သဲးပၣ်တံၣ်ဒ်အမ့ၢ်ကညီကီၢ်စဲၣ်ဒံၣ်မိၣ်ြခ့ၣ်စံၣ်ဒီးတၢ်ဂုၤထီၣ်ပသီထီၣ်ပၣ်တံၣ်(KSDDP)ဒီးဒီကလုာ်စၢဖှိၣ်ကရၢပၣ်တံၣ်(NUP)တဖၣ်တဲဖျါထီၣ်ဝဲဒၣ် လၢအဝဲသ့ၣ်တအိၣ်ဒီးတၢ်တိာ်ကျဲၤလၢကနုာ်လီၤပြၢတၢ်မၤပှဲၤဘျီၣ်ဒိၣ်တၢ်လီၢ်လီၤဟိအဂီၢ်တၢ်ဃုထၢလၢကဟဲအံၤဘၣ်န့ၣ်လီၤ.
တၢ်ကမၤဝဲဒၣ်တၢ်မၤပှဲၤဘျီၣ်ဒိၣ်တၢ်လီၢ်လီၤဟိအဂီၢ်တၢ်ဃုထၢမ့ၢ်လၢ(PSDP)ဘျီၣ်ဒိၣ်ပှၤမၤတၢ်ဖိလၢအမ့ၢ်ခၢၣ်စးလၢနီၣ်ဂံၢ်(၂)တၢ်ကြဲၢ်ကရူၢ်တၢ်ဟ့ၣ်တၢ်ဖးလီၢ်ကဝီၤစူးကွံာ်အသးဖဲတနံၣ်ညါအံၤလါယနူၤအါရံၤအဃိန့ၣ်လီၤ.