ကီၢ်စၢဖှိၣ်ပဒိၣ်ခၢၣ်စးတဲကျဲၤသကိးတၢ်ဒီးကလုာ်ဒူၣ်ဖီၣ်စုကဝဲၤကရူၢ်တဖၣ်ကထံၣ်လိာ်အိၣ်ဖှိၣ်သကိးလၢဝ့ၢ်တကူၣ်ဖဲလါယူၤလံ(၂၂)သီအနံၤ
န့ၣ်လီၤ.အဝဲသ့ၣ်အတၢ်ပညိၣ်မ့ၢ်ဝဲဒ်သိးကမၤတၢ်အၢၣ်လီၤအီလီၤဘၣ်ဃးတၢ်ဆဲးလီၤစုမုၢ်ကျၢၢ်ကီၢ်ဒီတဘ့ၣ်တၢ်ပတုာ်တၢ်ခးအတၢ်အၢၣ်လီၤအီ
လီၤ(NCA)အဂ့ၢ်ကီၢ်ပယီၤတၢ်မုာ်တၢ်ခုၣ်ဝဲၤဒၢးအပှၤဟ့ၣ်ကူၣ်တၢ်စံးဝဲဖဲမုၢ်လ့ဧိၤအနံၤဒ်လၢ(Global New Light of Myanmar)တၢ်ကစီၣ်ပာ်ဖျါ
ဝဲဖဲလါယူၤလံထီၣ်(၁၇)သီအနံၤအသိးန့ၣ်လီၤ.

တၢ်ထံၣ်လိာ်အိၣ်သကိးလၢတၢ်တိာ်ပာ်မၤအီၤဖဲဝ့ၢ်တကူၣ်အံၤကပၣ်ဃုာ်ဒီးကီၢ်ပဒိၣ်အကီၢ်စၢဖှိၣ်တၢ်မုာ်တၢ်ခုၣ်ကမံးတံာ်ဒီးခၢၣ်စးဒိၣ်ထီလၢက
လုာ်ဒူၣ်ဖီၣ်စုကဝဲၤကရူၢ်တဖၣ်န့ၣ်အဂ့ၢ်အူလၣ်မီၣ်ရွှ့ၣ်လၢအထံၣ်လိာ်ကတိၤသကိးတၢ်ဒီးကလုာ်ဒူၣ်ခၢၣ်စးလၢဘၣ်တၢ်တီခိၣ်ရိာ်မဲအီၤခီဖျိနီၢ်
စံၣ်ဖိၣ်ရၣ်စ့ၣ်ဖဲဝ့ၢ်ကံၢ်မဲဖဲလၢအပူၤကွံာ်တနံၤန့ၣ်လီၤ.

ဒ်လၢတၢ်ကစီၣ်ပာ်ဖျါဝဲအသိးခဲကိာ်တနွံတၢ်အိၣ်ဖှိၣ်အံၤတၢ်ကမၤအီၤလၢခံသီအတီၢ်ပူၤဒီးတၢ်ကပာ်တၢ်သးစဲလၢကပာ်ဂၢၢ်ပာ်ကျၢၤက့ၤဝဲ(NCA)
အလံာ်ပတြီာ်ဒီးကတိၤသကိးဘၣ်ဃးကလုာ်ဒူၣ်အတၢ်ဃ့ထီၣ်ဒ်အမ့ၢ်ကလုာ်ဒူၣ်ကရူၢ်ခဲလၢာ်(ဃုာ်ဒီးကရူၢ်သ့ၣ်တဖၣ်လၢတနုာ်လီၤပၣ်ဃုာ်ဘၣ်
ဝဲဖဲခဲကနံၣ်အံၤတၢ်တဲကျဲၤသကိးတၢ်အပူၤ)သ့ၣ်တဖၣ်အတၢ်နုာ်လီၤပၣ်ဃုာ်ဖဲတၢ်ဆဲးလီၤစုမုၢ်ကျၢၢ်အတၢ်ရဲၣ်တၢ်ကျဲၤအပူၤန့ၣ်လီၤ.တၢ်ကတၢၣ်ပီၣ်
သကိးစ့ၢ်ကီးဘၣ်ဃးမတဂၤသ့ၣ်တဖၣ်ကဘၣ်ဆဲးလီၤစုမုၢ်ကျၢၢ်လဲၣ်ဒီးထံဂုၤကီၢ်ဂၤပှၤအုၣ်သးမတဂၤသ့ၣ်တဖၣ်ကဘၣ်ဆဲးလီၤစ့ၢ်ကီးစုမုၢ်ကျၢၢ်
လဲၣ်န့ၣ်လီၤ.