တၢ်တဲကျဲၤသကိးတၢ်ခီဖျိပှၤပူထီၣ်ထီဒါတၢ်သ့ၣ်တဖၣ်လၢ(၁၈)လါအတီၢ်ပူၤအံၤဝံၤအလီၢ်ခံကီၢ်ပဒိၣ်ဆှၢနုာ်လီၤဝဲတနံၤဂီၢ်တၢ်မၤအဘူးအလဲအစှၤ
ကတၢၢ်ကဘၣ်မ့ၢ်ဝဲ(၃၆၀၀)ကၠးန့ၣ်လီၤ.တၢ်ဆှၢနုာ်လီၤတၢ်မၤအဘူးအလဲဒ်အံၤအဖီခိၣ်ပှၤလၢမ့ၢ်တအိၣ်ဒီးတၢ်သူၣ်မံသးမံဘၣ်သ့ၣ်တဖၣ်အဂီၢ်
တၢ်ကဟ့ၣ်လီၤစ့ၢ်ကီးဝဲတၢ်ဆၢကတီၢ်(၁၄)သီလၢကဆှိးထီၣ်ဝဲအတၢ်ဂ့ၢ်သ့ၣ်တဖၣ်န့ၣ်လီၤ.

စဲးဖီကဟၣ်တၢ်မၤလီၢ်အါန့ၢ်အဖျၢၣ်(၂၀၀)လၢရွှ့ၣ်ပၠံၣ်သၣ်ဒီးလဲၣ်သၣ်ယၣ်စဲးဖီကဟၣ်လီၢ်ကဝီၤတဖၣ်,ဒီးတၢ်ဖံးတၢ်မၤ စၢဖှိၣ်ကရၢ(၂၁)ကရူၢ်ထီ
ဒါဝဲဒၣ်တၢ်မၤအဘူးအလဲအံၤန့ၣ်လီၤ.တၢ်မၤအကစၢ်အါဒၣ်တက့ၢ်လၢပၢဘၣ်ဝဲတၢ်ထုးထီၣ်တၢ်ကူတၢ်သိးပနံာ်အတၢ်မၤလီၢ်သ့ၣ်တဖၣ်စံးဝဲလၢတၢ်
မၤအဘူးအလဲအစှၤကတၢၢ်လၢတၢ်ဆှၢနုာ်လီၤအီၤအံၤမ့ၢ်တၢ်မၤအါထီၣ်တၢ်မၤအဘူးအလဲလၢတအိၣ်ဒီးတၢ်ဂၢၢ်တၢ်ကျၢၤဘၣ်ဒီးကမၢဆူၣ်အဝဲသ့ၣ်ဒ်
သိးကဘၣ်ပတုာ်ကွံာ်အဝဲသ့ၣ်အတၢ်မၤလီၢ်တဖၣ်န့ၣ်လီၤ.

အူမၠံၣ်စိလၢအမ့ၢ်ကီၢ်ပယီၤတၢ်ကူတၢ်သိးပနံာ်အကရၢခိၣ်စံးဝဲ,ပဟ့ၣ်တၢ်မၤအဘူးအလဲအစှၤကတၢၢ်(၃,၆၀၀)ကၠးတန့ၢ်ဝဲဘၣ်န့ၣ်လီၤ.

လီၢ်ခၢၣ်သးကမံးတံာ်မ့ၢ်ပာ်ပနီၣ်ဝဲတၢ်မၤအဘူးအလဲအစှၤကတၢၢ်ကဘၣ်မ့ၢ်(၃၆၀၀)ကၠးန့ၣ်ဒီးပကဘၣ်ကွၢ်ထံဆိကမိၣ်က့ၤပတၢ်ကူၣ်လဲမၤကၤ
တၢ်ဘၣ်ဃးတၢ်ကူတၢ်သိးစဲးဖီကဟၣ်တၢ်မၤလီၢ်တဖၣ်အံၤန့ၣ်လီၤ.ပကဘၣ်ဃ့ထီၣ်ကီၢ်ပဒိၣ်လၢကဟ့ၣ်လီၤပှၤကျဲသနူလၢအယံာ်ဝဲထၢဝဲဒ်သိးဒီး
ပကဆဲးကူၣ်လဲမၤကၤတၢ်ဆူညါကသ့အဂီၢ်န့ၣ်လီၤ.

တၢ်မၤအါထီၣ်တၢ်မၤအဘူးအလဲအစှၤကတၢၢ်အံၤကမၢန့ၢ်ဆူၣ်စဲးဖီကဟၣ်တၢ်မၤလီၢ်အကစၢ်သ့ၣ်တဖၣ်လၢကဆိကတီၢ်ကွံာ်ပှၤမၤတၢ်ဖိအတၢ်ဘၣ်
ဘျုးလၢအဝဲသ့ၣ်ဟ့ၣ်လီၤတ့ၢ်ဝဲခဲကနံၣ်အံၤသ့ၣ်တဖၣ်ဒ်အမ့ၢ်တၢ်ဟ့ၣ်အီၣ်တၢ်အီ,တၢ်ဝံစိာ်တီဆှၢဒီးလီၢ်မံသ့ၣ်တဖၣ်အဂ့ၢ်,အူမၠံၣ်စိစံးဝဲန့ၣ်လီၤ.

ပှၤမၤတၢ်ဖိတဖၣ်အါဒၣ်တက့ၢ်ဒိးန့ၢ်ဘၣ်ဝဲတၢ်မၤအဘူးအလဲတလါ(၃၀,၀၀၀)ကၠးဒီးစံးဝဲလၢတၢ်မၤအဘူးအလဲတနံၤ(၃၆,၀၀၀)ကၠးအံၤတလၢ
လီၢ်ဝဲဒၣ်လၢဟံၣ်ဖိဃီဖိတဒူၣ်အတၢ်လုၢ်အီၣ်သးသမူအတၢ်လၢာ်ဘူၣ်လၢာ်စ့ဒီးတလၢလီၢ်ဝဲဒၣ်လဲာ်လၢနီၢ်တဂၤအဂီၢ်ဘၣ်န့ၣ်လီၤ.

ဒ်လၢတၢ်မၤအဘူးအလဲအစှၤကတၢၢ်အတၢ်ဘျၢသဲစးအဖီခိၣ်,လီၢ်ကဝီၤဒီးကီၢ်စဲၣ်ကမံးတံာ်သ့ၣ်တဖၣ်ကဘၣ်လူၤပိာ်ဒိကနၢ်ထွဲက့ၤတၢ်ဆှၢနုာ်လီၤ
တၢ်မၤအဘူးအလဲအစှၤကတၢၢ်အတၢ်ဂ့ၢ်လၢတၢ်တအၢၣ်လီၤတူၢ်လိာ်အီၤဘၣ်အံၤလၢအသီ(၃၀)အတီၢ်ပူၤန့ၣ်လီၤ.

ဒီၤမုၣ်မုၣ်စွ့ၤလၢအမ့ၢ်တၢ်ဖံးတၢ်မၤကိတိာ်ဝဲၤကျိၤအပှၤနဲၣ်တၢ်စံးဝဲလၢလီၢ်ခၢၣ်သးကမံးတံာ်စ့ၢ်ကီးထၢဖှိၣ်ဝဲကီၢ်စဲၣ်ဒီးလီၢ်ကဝီၤအဂၤတဖၣ်အပူၤပှၤ
နီၣ်ဂံၢ်လၢတအၢၣ်လီၤတူၢ်လိာ်ဝဲတၢ်မၤအဘူးအလဲအစှၤကတၢၢ်အံၤဘၣ်တဖၣ်န့ၣ်လီၤ.တၢ်ဃုထံၣ်သ့ၣ်ညါအံၤဝံၤအလီၢ်ခံအဝဲသ့ၣ်ကဘိးဘၣ်ရၤ
လီၤက့ၤဝဲမုၢ်နံၤမုၢ်သီလၢတၢ်ကမၤဝဲကမံးတံာ်အတၢ်အိၣ်ဖှိၣ်န့ၣ်လီၤ.

အူထ့လၢအမ့ၢ်ကီၢ်ပယီၤပှၤမၤတၢ်ဖိခဲလၢာ်စၢဖှိၣ်ပှာ်ဘျးစဲအပှၤပၢၤလီၢ်ဆ့ၣ်နီၤစံးဝဲလၢကမံးတံာ်တၢ်အိၣ်ဖှိၣ်အစၢအိၣ်ဖျါဘၣ်ဃးတၢ်မၤအဘူးအ
လဲအစှၤကတၢၢ်အံၤမ့ၢ်စှၤန့ၢ်ဒံးဝဲ(၃,၆၀၀)ကၠးန့ၣ်ဒီးပှၤမၤတၢ်ဖိသ့ၣ်တဖၣ်ကဆဲးမၤတၢ်ထီဒါတပယူာ်ဃီန့ၣ်လီၤ.

ဖဲလါယူၤလံ(၁၂)သီအနံၤပှၤမၤတၢ်ဖိအါန့ၢ်(၂၀၀)ဂၤလၢစဲးဖီကဟၣ်တၢ်မၤလီၢ်(၁၅)ဖျၢၣ်ပူထီၣ်ထီဒါတၢ်ဖဲလဲၣ်သၣ်ယၣ်ဒီးဃ့ထီၣ်ဝဲဒ်သိးတၢ်က
ပာ်ပနီၣ်ဝဲတၢ်မၤအဘူးအလဲအစှၤကတၢၢ်(၄,၀၀၀)ကၠးအဂီၢ်န့ၣ်လီၤ.