“လဲၤဒီးသမံသမိးကွၢ်ပှၤဟ့ၣ်တၢ်ဖးအမံၤစရီသ့ၣ်တဖၣ်တက့ၢ်”အံၤမ့ၢ်တၢ်ကတိၤလၢပှၤဟူးဂဲၤထီဒါတၢ်တဖၣ်တဲဝံၤတဲက့ၤဝဲဖဲလၢအဝဲသ့ၣ်လဲၤ
ဟ့ၣ်ဒုးသ့ၣ်ညါဘၣ်က့ၤကမျၢၢ်ဖဲဟံၣ်တဖျၢၢ်ဘၣ်တဖျၢၢ်အကတီၢ်န့ၣ်လီၤ.စံးဝဲလၢပှၤဟ့ၣ်တၢ်ဖးအမံၤစရီအံၤအိၣ်ဒီးတၢ်လီၤတူာ်လီၤကာ်အါမး
အဃိဘၣ်သ့ၣ်သ့ၣ်ကတြီဃာ်ဝဲပှၤအါဂၤလၢတၢ်ဒိးန့ၢ်ဘၣ်တၢ်ဟ့ၣ်တၢ်ဖးအတၢ်ခွဲးတၢ်လၢတၢ်စံၣ်စိၤတဲစိၤဘျီအဝဲအံၤန့ၣ်လီၤ.

ပထံၣ်ဘၣ်လၢတၢ်ကမၣ်အိၣ်ဝဲအါမး,မံၤသၣ်သ့ၣ်တဖၣ်ကမၣ်,အိၣ်ဖျဲၣ်မုၢ်နံၤမုၢ်သီသ့ၣ်တဖၣ်ကမၣ်ဝဲအဂ့ၢ်,အီၣ်စါစူးကၠံၣ်အ(NLD)ကရၢခိၣ်
နၢ်သီထိၣ်စံးဝဲဒၣ်န့ၣ်လီၤ(NLD)ကရၢအံၤဘၣ်ယိၣ်ဝဲဒၣ်လၢတၢ်ကဘှီဘၣ်က့ၤတၢ်ဟ့ၣ်တၢ်ဖးအမံၤစရီအံၤအဂီၢ်တၢ်ဆၢကတီၢ်တအိၣ်လၢၤဘၣ်
န့ၣ်လီၤ.

အဝဲသ့ၣ်သမံသမိးကွၢ်ဝဲစရီလၢပဒိၣ်ဟ့ၣ်လီၤဝဲဒီးဟ့ၣ်လီၤလံာ်ကွဲးဒိလၢပှၤလီၢ်ကဝီၤဖိဖဲန့ၣ်သ့ၣ်တဖၣ်ဒ်သိးကဃ့ထီၣ်က့ၤတၢ်ဘှီဘၣ်န့ၢ်က့ၤအ
ဝဲသ့ၣ်အမံၤစရီဖဲလၢအဝဲသ့ၣ်မ့ၢ်ထံၣ်လၢတၢ်ကမၣ်အိၣ်တမံၤမံၤအခါန့ၣ်လီၤ.

တၢ်ရဲၣ်တၢ်ကျဲၤဘၣ်ဃးတၢ်ထၢနုာ်လီၤပှၤဟ့ၣ်တၢ်ဖးအမံၤအဖျၢၣ်(၃၀)ကကွဲၢ်ဆူခီၣ်ဖၠူထၢၣ်ဖဲအဆိကတၢၢ်တဘျီအံၤမ့ၢ်တၢ် ဂ့ၢ်ကီအကါဒိၣ်တ
မံၤလၢအတၤတၢ်ဒီးထံကီၢ်အံၤန့ၣ်လီၤ.အဂ့ၢ်ဒ်လဲၣ်ထံကီၢ်အံၤဘၣ်စးထီၣ်ဒုးအိၣ်ထီၣ်ဝဲတၢ်ဃုထၢအကျိၤအကျဲလၢအခီၣ်ထံးခီၣ်ဘိအဃိန့ၣ်လီၤ.
ပှၤဟ့ၣ်တၢ်ဖးအမံၤစရီခဲလၢာ်ကဘၣ်တၢ်ဘိးဘၣ်ရၤလီၤအီၤလၢကီၢ်ဒီတဘ့ၣ်ဖဲလါအီကူးအတီၢ်ပူၤဒီးတၢ်ဘှီဘၣ်က့ၤတၢ်ကမူးကမၣ်သ့ၣ်တဖၣ်
အဂီၢ်တၢ်ဆၢကတီၢ်အိၣ်ဝဲတုၤဖဲလါအီးကထိဘၢၣ်န့ၣ်လီၤ.

စူးကၠံၣ်လၢဘၣ်အိၣ်ဝဲလၢဟံၣ်တၢ်ဒုးဃာ်(၁၅)နံၣ်ဖဲလၢသုးမီၤစိရိၤတၢ်ပၢအကတီၢ်အံၤပာ်ဖျါထီၣ်ဝဲလၢအတၢ်ဘၣ်ယိၣ်အိၣ်မ့ၢ်လၢပှၤမံၤစရီတ
ဖၣ်လၢဘၣ်တၢ်ကတဲာ်ကတီၤဆိပာ်စၢၤလၢဝ့ၢ်တကူၣ်အဂီၢ်အံၤအိၣ်ဒီးတၢ်ကမူးကမၣ်(၃၀-၈၀)မျးကယၤအဘၢၣ်စၢၤန့ၣ်လီၤ.

ပကမၤဘၣ်က့ၤပှၤအမံၤစရီခဲလၢာ်လၢအချုးဆၢချုးကတီၢ်တၢ်ဃုထၢအမူးအံၤကသ့ဒ်လဲၣ်.ပစံးတၢ်အဒိ,တၢ်သ့ၣ်တဖၣ်မ့ၢ်ကီၢ်ခဲလၢဝ့ၢ်တကူၣ်
အပတီၢ်ထဲအံၤန့ၣ်ဒီးမ့မ့ၢ်လၢကီၢ်ဆၢလီၢ်ကဝီၤသ့ၣ်တဖၣ်အဂီၢ်ကကဲထီၣ်အသးဒ်လဲၣ်အဂ့ၢ်,အဝဲစံးဝဲဖဲဝၣ်ရှ့ၣ်တၣ်တၢ်ကစီၣ်မၤတၢ်သမံသ
မိးဒီးအီၤဖဲလါယူၤအခါန့ၣ်လီၤ.

ဖဲလၢနိၣ်ဘၢၣ်ခိၣ်ဖး(Nobel laureate)ကစၢ်တဂၤအံၤလဲၤထီၣ်ဘျီၣ်ဒိၣ်တၢ်အိၣ်ဖှိၣ်အကတီၢ်ဟးဝဲဆူဟံၣ်တဖျၢၣ်ဘၣ်တဖျၢၣ်ဖဲကီၢ်မူဒီးန့ၣ်
ပၠံၣ်ဒီၣ်ဝ့ၢ်ခိၣ်သ့ၣ်တၢ်ဟ့ၣ်တၢ်ဖးလီၢ်ကဝီၤဒီးဟ့ၣ်သဆၣ်ထီၣ်ကမျၢၢ်သ့ၣ်တဖၣ်ဒ်သိးကအိၣ်ဒီးတၢ်ပလီၢ်ပဒီဘၣ်ဃးပှၤန့ၢ်စိန့ၢ်ကမီၤသ့ၣ်တဖၣ်
ဒီးကွၢ်ထံသမံသမိးက့ၤပှၤဟ့ၣ်တၢ်ဖးအမံၤစရီတဖၣ်န့ၣ်လီၤ.

ပှၤမံၤပှၤသၣ်စရီလၢဘၣ်တၢ်ကျးလီၤအီၤလၢဝ့ၢ်တကူၣ်အကျဲဖီခိၣ်သ့ၣ်တဖၣ်အံၤလီၤကမၢကမၣ်ဒိၣ်မးမ့ၢ်လၢပှၤဟ့ၣ်တၢ်ဖးအါဒံအါဂၤအအိၣ်
ဖျဲၣ်မုၢ်နံၤမုၢ်သီမ့ၢ်ဝဲဖဲလါယူၤ(၃၀)သီအနံၤအဃိန့ၣ်လီၤ.တၢ်ဃုထၢခီၣ်မ့ရှၢၣ်စံးဝဲ,ပှၤအိၣ်ဖျဲၣ်မုၢ်နံၤမုၢ်သီသ့ၣ်တဖၣ်အံၤဘၣ်တၢ်ပာ်ပနီၣ်န့ၢ်ပှၤ
လၢအတသ့ၣ်ညါလၢၤအအိၣ်ဖျဲၣ်မုၢ်နံၤဘၣ်တဖၣ်အဂီၢ်န့ၣ်လီၤ.

ပှၤလၢအသံသ့ၣ်တဖၣ်အမံၤအိၣ်ဖျါဝဲလၢစရီအပူၤဘၣ်ဆၣ်ပှၤလၢအအိၣ်မူသ့ၣ်တဖၣ်အမံၤတအိၣ်ဖျါဝဲဒၣ်ဘၣ်အဂ့ၢ်,နံၣ်လၣ်မၠံၣ်လၢအသး
အိၣ်ဝဲ(၅၃)နံၣ်လၢအိၣ်ဆိးဝဲဒၣ်ဖဲဘဟါကီၢ်ဆၣ်အပူၤတဂၤပာ်ဖျါထီၣ်ဝဲဖဲ(NLD)ကရၢဟဲဝဲဖဲတၢ်လီၢ်အံၤအကတီၢ်န့ၣ်လီၤ.

ထံကီၢ်အကီၢ်စၢဖှိၣ်တၢ်ဃုထၢခီၣ်မ့ရှၢၣ်အၢၣ်လီၤတူၢ်လိာ်တ့ၢ်ဝဲဒၣ်လၢပှၤဟ့ၣ်တၢ်ဖးနီၣ်ဂံၢ်စရီသ့ၣ်တဖၣ်အိၣ်ဒီးအကမူးကမၣ်အါမးန့ၣ်ဒီးပာ်
ဒ့ၣ်ပာ်ကမၣ်ဝဲစဲးဖီကဟၣ်ပီးလီအတၢ်ဂ့ၢ်ကီသ့ၣ်တဖၣ်န့ၣ်လီၤ.ဒ်လဲၣ်ဂ့ၤအဝဲသ့ၣ်စံးဝဲလၢတၢ်ကဘှီဘၣ်က့ၤတၢ်တလီၤတံၢ်လီၤဆဲးသ့ၣ်တဖၣ်
အံၤအဂီၢ်တၢ်ဆၢကတီၢ်အိၣ်ဒံးဝဲဒၣ်န့ၣ်လီၤ.

ပစးထီၣ်ထၢနုာ်လီၤစရီသ့ၣ်တဖၣ်အံၤလၢခီၣ်ဖၠူထၢၣ်အပူၤဖဲလၢလါနိၣ်ဝ့ဘၢၣ်(၂၀၁၄)နံၣ်အတီၢ်ပူၤန့ၣ်အဂ့ၢ်,သၣ်စ့ၤအီၤလၢတၢ်ဃုထၢခီၣ်မ့
ရှၢၣ်ဖဲဝ့ၢ်တကူၣ်အပူၤစံးဝဲန့ၣ်လီၤ.

ဟီၣ်ခိၣ်ဒီဘ့ၣ်တၢ်ဃုထၢအတၢ်ကရၢကရိလၢကီၢ်အမဲရကၣ်ဆီၣ်ထွဲမၤစၢၤအံၤဟ့ၣ်မၤဘူၣ်လီၤဝဲခီၣ်ဖၠူထၢၣ်(၂,၀၀၀)ဖျၢၣ် လၢကွဲးဟူဖျါအတၢ်
ဟူးတၢ်ဂဲၤဖဲလါအီကူးအံၤ,ဒ်သိးကဟ့ၣ်သဆၣ်ထီၣ်ပှၤဟ့ၣ်တၢ်ဖးလၢကသမံထံမၤလီၤတံၢ်က့ၤအဝဲသ့ၣ်အမံၤအသၣ်ဖဲတၢ်ဟ့ၣ်တၢ်ဖးအမံၤစရီ
ပူၤအဂီၢ်န့ၣ်လီၤ.

ဖဲတယံာ်တမီၢ်ဒံးဘၣ်အံၤခီၣ်မ့ရှၢၣ်ဒုးအိၣ်ထီၣ်စ့ၢ်ကီးဝဲအ့ထၢၣ်နဲးပှာ်ယဲၤသန့ဒီးဖ့း(စ်)ဘိးလၢဘၣ်တၢ်ကိးအမံၤလၢ“Let’s Check the Voter
List”-“မ်ပသမံသမိးလီၤတံၢ်က့ၤပှၤဟ့ၣ်တၢ်ဖးအမံၤစရီ”အံၤဒ်သိးဒီးတၢ်ကသမံသမိးတၢ်ဆဲးလီၤမံၤလၢအ့ထၢၣ်နဲးကျဲစၢၤအဖီခိၣ်န့ၣ်လီၤ.