ဂံၢ်ခီၣ်ထံးတၢ်ကူၣ်ဘၣ်ကူၣ်သ့ကၠိဒီး တၢ်ကူၣ်ဘၣ်ကူၣ်သ့လၢတၢ်သိၣ်လိလၢဖၠၢ်တၢ်ဘါလီၢ် လၢကီၢ်ပယီၤအပူၤ
တဖၣ်, ကဒိးန့ၢ်ဘၣ် ကျိၣ်စ့တၢ်ဆီၣ်ထွဲမၤစၢၤ ခီဖျိတၢ်တိာ်ကျဲၤတခါလၢဟီၣ်ခိၣ်ဒီဘ့ၣ်စ့တၢးဆီၣ်ထွဲ၀ဲအဂ့ၢ်,
ခိၣ်နၢ်ဘၣ်မူဘၣ်ဒါတဂၤ လၢတၢ်ကူၣ်ဘၣ် ကူၣ်သ့ကိတိၤ, စံး၀ဲဖဲမဟါတနံၤလီၤ.

ကျိၣ်စ့တၢ်မၤစၢၤလၢတၢ်ကဟ့ၣ်လီၤအအါအစှၤ ကလီၤဆီလိာ်အသးလၢ ကၠိဖိနီၢ်ဂံၢ်အဖီခိၣ်, လၢပဒိၣ်ကၠိဂ့ၤ
ဒီးလၢဖၠၢ်တၢ်ကူၣ်ဘၣ်ကူၣ်သ့ကၠိဂ့ၤလီၤ. ဘၣ်ဆၣ်ကၠိခဲလၢာ် ကဒိးန့ၢ်ဘၣ်တၢ်ဆီၣ်ထွဲမၤစၢၤအဂ့ၢ်, ဂံၢ်ခီၣ်ထံး
တၢ်ကူၣ် ဘၣ်ကူၣ်သ့၀ဲၤကျိၤ ပှၤနဲၣ်တၢ်ခံဂၤတဂၤလၢ တၢ်ကူၣ်ဘၣ်ကူၣ်သ့ကိတိၤစံး ၀ဲဒၣ်လီၤ.

လၢတၢ်ဆီၣ်ထွဲမၤစၢၤကၠိတၢ်ရဲၣ်တၢ်ကျဲၤအဖီလာ်, ကၠိလၢပှၤကၠိဖိအိၣ်အဂၤ ၅၀ ကဒိးန့ၢ်ဘၣ်စ့ ၄၀၀,၀၀၀ ကၠး,
ကၠိလၢပှၤကၠိဖိအိၣ်အဂၤ ၁၀၀ ကဒိးန့ၢ် ဘၣ်စ့ ၈၀၀,၀၀၀ ကၠး, ကၠိလၢပှၤကၠိဖိအိၣ် ၂၀၀ ဂၤ ကဒိးန့ၢ်ဘၣ်စ့
၁ က ကွဲၢ်ကၠး, ကၠိလၢပှၤကၠိဖိအိၣ် ၃၀၀ ဂၤ ကဒိးန့ၢ်ဘၣ် ၁.၂ ကကွဲၢ်ကၠး, ကၠိလၢပှၤကၠိဖိအိၣ် ၄၀၀ ဂၤ ကဒိးန့ၢ်
ဘၣ် ၁.၄ ကကွဲၢ်ကၠး, ကၠိလၢအိၣ်ဒီးကၠိဖိ ၅၀၀ ဂၤ ကဒိးန့ၢ်ဘၣ် ၁.၆ ကကွဲၢ်ကၠး, ကၠိလၢအိၣ်ဒိးကၠိဖိ ၇၀၀ ဂၤ
ကဒိးန့ၢ်ဘၣ် ၁.၈ ကကွဲၢ်ကၠး, ကၠိလၢအိၣ်ဒီးကၠိဖိ ၉၀၀ ဂၤ ကဒိးန့ၢ်ဘၣ် ၂.၂ ကကွဲၢ်ကၠး, ကၠိလၢအိၣ်ဒီးကၠိဖိ
၁,၁၀၀ ဂၤ ကဒိးန့ၢ်ဘၣ် ၂.၆ ကကွဲၢ်ကၠး, ကၠိလၢအိၣ်ဒီးကၠိဖိ ၁,၅၀၀ ဂၤ ကဒိးန့ၢ်ဘၣ် ၃ ကကွဲၢ်ကၠး, ကၠိလၢ
အိၣ်ဒီးကၠိဖိ ၂,၀၀၀ ဂၤ ကဒိးန့ၢ်ဘၣ် ၃.၄ ကကွဲၢ်ကၠး, ဒီးကၠိလၢအိၣ်ဒီးကၠိဖိ ၂,၅၀၀ ဂၤ ကဒိးန့ၢ်ဘၣ် ၃.၈
ကကွဲၢ်ကၠးန့ၣ်လီၤ. တၢ်တိၤကျဲၤအ၀ဲအံၤ ကလဲၤသးယံာ်၀ဲလွံၢ်နံၣ် ဒီးတၢ်စးထီၣ်မၤတ့ၢ်လံအီၤ ဖဲ ၂၀၁၄-၂၀၁၅
ကၠိနံၣ်တီၢ်ပူၤအဂ့ၢ်, ဂံၢ်ခီၣ်ထံးတၢ်ကူၣ်ဘၣ်ကူၣ်သ့၀ဲၤကျိၤ စံး၀ဲဒၣ်လီၤ.