ဟီၣ်က၀ီၤပဒိၣ်လၢ ကီၢ်ပယီၤကလံၤထံးတၢ်ပၢတကပၤ စံး၀ဲလၢတထုးထီၣ်ဟ့ၣ် တၢ်ခူၣ်စၢၢ်ထး အလံာ်တၢ်ပျဲလၢအသီဘၣ် တုၤ
လၢခိၣ်ဃၢၤန့ဆၢၣ်တၢ်ဘၣ်ယိၣ် ဒီးတၢ်တဲးလိာ်ဃိလိာ်လၢအိၣ်ထီၣ်ခီဖျိ တၢ်ခူၣ်စၢၢ်ထးတၢ်မၤလၢဟီၣ်က၀ီၤ လၢပှဲၤဒီးန့ဆၢၣ်တၢ်
ထူးတီၤတဖၣ် ဘၣ်တၢ်ဘှါၡဲတစုလီၤ.

တၢ်ခူၣ်စၢၢ်ထးတၢ်မၤလၢ တနီသရံၣ်ကီၢ်ခီတဘျုးခါ ဘၣ်တၢ်ထီဒါအီၤလၢဟီၣ်က၀ီၤကမျၢၢ်တဖၣ် စံး၀ဲပှၤခူၣ်စၢၢ်ထးတဖၣ်မၤ
ဘၣ် အၢဘၣ်သီထံနိလၢကမျၢၢ်သူ၀ဲ ဒီးမၤဟးဂူာ်ဟးဂီၤ စံာ်လီၢ်နးလီၢ်တဖၣ်လီၤ.

အူမၠံၣ်မီၣ်, လၢအမ့ၢ်တနီသရံၣ်ကီၢ်ခီကိတိၤ ဘၣ်ဃးတၢ်ကွၢ်ကတီၤန့ဆၢၣ်အဂံၢ်အစီဒီး ခိၣ်ဃၢၤန့ဆၢၣ်အတၢ်ဂ့ၤတဖၣ်, ဒီးမ့ၢ်စ့ၢ်
ကီးကရူၢ်အခိၣ်လၢ အကွၢ်ထံသမံသမိးတၢ်ခူၣ်စၢၢ်ထးအတၢ်မၤ, စံး၀ဲလၢခီပနံၣ်တဘျုးဖျၢၣ်မၤဟးဂီၤအ၀ဲသ့ၣ်လံာ်တၢ်အၢၣ်လီၤ
ဘၣ်ဃး တၢ်ခူၣ်စၢၢ်ထးတၢ်မၤ, မၤကမၣ်တၢ်ခူၣ်စၢၢ်ထးတၢ်သိၣ်တၢ်သီ ဒီးမၤဘၣ်ဒိ၀ဲခိၣ်ဃၢၤ န့ဆၢၣ်န့ၣ်လီၤ.

ခီပနံၣ်သ့ၣ်တဖၣ်အံၤ မ့တမၤထွဲဒ်တၢ်သိၣ်တၢ်သီအတၢဘၣ်ဒီး, အ၀ဲသ့ၣ်ကထံၣ်ဘၣ်တၢ်ကီ လၢတၢ်ကမၤထီထီၣ်န့ၢ် အ၀ဲသ့ၣ်
တၢ် ခူၣ်စၢၢ်ထးတၢ်ပျဲအဂ့ၢ်, အူမၠံၣ်မီၣ်စံး၀ဲလီၤ. အါန့ၢ်အန့ၣ်, ကီၢ်ခီပဒိၣ်တပျဲ တၢ်ခူၢ်စၢၢ်ထးတၢ်မၤလၢအသီဘၣ် တုၤလၢခီၣ်ပနံၣ်
လၢအ မၤပာ်စၢၤ၀ဲတဖၣ် ၡဲလဲကွံာ်အ၀ဲသ့ၣ်တၢ်မၤတစုလီၤ.

"ပသးလီတၢ်ဟဲဘျၢလီၤစ့ဒၣ်ခီ, ဒီးပသ့ၣ်ညါလၢတၢ်အ၀ဲအံၤမ့ၢ်တၢ်အရ့ဒိၣ်မး လၢဟီၣ်က၀ီၤတၢ်လဲၤထီၣ်လဲၤထီအဂီၢ်လီၤ." အ၀ဲ
ဒၣ်စံး, "ပတကွၢ်ထဲလၢတၢ်ကွၢ်ကတီၤခိၣ်ဃၢၤန့ဆၢၣ်တၢ်ဂ့ၢ်တခါဧိၤဘၣ်, ဘၣ်ဆၣ်တၢ်ခူၣ်စၢၢ်ထးတၢ်မၤ လၢဟီၣ်က၀ီၤအပူၤခဲလၢာ်
ကဘၣ်မၤဆံးလီၤစှၤလီၤ တၢ်ဘၣ်ဒိလၢခိၣ်ဃၢၤန့ဆၢၣ် တအါဖဲအအါကတၢၢ်လီၤ." အ၀ဲဒၣ်စံး၀ဲလီၤ.

ခီပနံၣ်အါန့ၢ်ဒံးအဖျၢၣ်တဆံ ဃ့တၢ်ပျဲလၢကမၤတၢ်ခူၣ်စၢၢ်ထးတၢ်မၤလီၤ, အ၀ဲဒၣ်စံး, ဘၣ်ဆၣ်လၢအဆၢကတီၢ်ခဲအံၤ ကီၢ်ခီပဒိၣ်
တထုးထီၣ်ဟ့ၣ်အ၀ဲသ့ၣ် လံာ်တၢ်ပျဲလၢကမၤ၀ဲဒံးဘၣ်. မ့မ့ၢ်တခီ, ဂုာ်ဘှါၡဲတၢ်ဂ့ၢ်ကီလၢအိၣ်တ့ၢ်ယံာ်မး၀ဲ ဘၣ်ဃးတၢ်မၤအ၀ဲအံၤ
လီၤ.