ဒူသ၀ီကၠိတနီၤနီၤလၢ၀့ၢ်တကူၣ်ကီၢ်ခီ တၢ်ကသိၣ်လိကညီကျိာ်

...

ဒူသ၀ီကၠိတနီၤနီၤလၢ၀့ၢ်တကူၣ်ကီၢ်ခီ တၢ်ကသိၣ်လိကညီကျိာ်

Karen News, 18 Aug 2016

URL: http://karennews.org/2016/08/selected-village-schools-in-rangoon-to-be-taught-karen-language.html/
ကညီပှၤကၠိဖိလၢ သ၀ီကၠိလၢကိခၠၤကိကီၢ်ဆၣ်, ၀့ၢ်တကူၣ်ကီၢ်ခီတဖၣ် တၢ်ကသိၣ်လိအ၀ဲသ့ၣ်ကညီကျိာ်, ဘၣ်
ဆၣ်ကမ့ၢ်လၢတၢ်ပာ် ပနီၣ်တၢ်သိၣ်လိတီၤ ၀ံၤအလီၢ်ခံလီၤ.

ကၠိလၢတၢ်ကသိၣ်လိကညီပှိၢ်ကျိာ်တဖၣ် မ့ၢ် တၣ်ကၠံ, စူၤကျၤ, တီၣ်ကၠီ, ၀ါကိၣ်တီၤ, မါကလ့ၣ်, ကယဲ, ဆၣ်ကၠံ,
ကမါပၤ, ဒီးနီငုၣ် သ၀ီတဖၣ်လီၤ. တၢ်ဆၢတဲာ်ဘၣ်ဃးတၢ်ကသိၣ်လိ ကညီကျိာ်အံၤ ဘၣ်တၢ်ဆၢတဲာ်အီၤဖဲ တၢ်
အိၣ်ဖှိၣ်တၢၣ်ပီၣ်သကိးဘၣ်ဃး တၢ် သိၣ်လိကညီကျိာ် လၢတၢ်မၤအီၤဖဲ ကိခၠၤကိတၢ်ကူၣ်ဘၣ်ကူၣ်သ့၀ဲၤဒၢး
လါအီကူး ၁၀, ၂၀၁၆ အဆၢကတီၢ်န့ၣ်လီၤ.

ကညီပှိၢ်ကျိာ် တၢ်ကသိၣ်လိ၀ဲလၢ ပဒိၣ်ကၠိလၢသ၀ီခွံဖျၢၣ်လၢ တီကၠံတါ ကီၢ်ဆၣ် စးထီၣ်ဖဲ လါအီကူး ၁၉ န့ၣ်
လီၤ. တၢ်ကသိၣ်လိ၀ဲ တနွံသၢသီ ဒီးကယံာ်၀ဲ ၄၅ မံးနံး အဂ့ၢ်, မါစိသ့လၢအမ့ၢ် ကိခၠၤကိကညီလံာ်လဲၢ်ဒီး တၢ်
ဆဲးတၢ်လၤကမံးတံာ် အပှၤပၢၤလီၢ်ဆ့ၣ်နီၤ, စံး၀ဲလီၤ.

ကတိၤတၢ်ဒီးကညီတၢ်ကစီၣ်, မါစိသ့ စံး၀ဲ, -

"တၢ်ကမူးကမၣ်သးအိၣ်အါမး ဘၣ်ဃးတၢ်သူ၀ဲ မီၤဒီးမၣ် (လၢအမ့ၢ်ပှၤပယီၤဖိ အမံၤဟဲဆိလၢပိာ်ခွါဒီးပိာ်မုၣ်အ
ဂီၢ်) လၢကညီတ ဖၣ် လၢတၢ်ကသူ၀ဲနၣ်ဒီး စၣ်, မ့တမ့ၢ် နီၢ်ဒီးစီၤ (လၢအမ့ၢ်ကညီဖိအမံၤဟဲဆိလၢ ပိာ်မုၣ်ဒီးပိာ်
ခွါအဂီၢ်) အလီၢ်န့ၣ်လီၤ. ပမ့ၢ်ထိၣ်သ ြတီၤပ၀့ၢ်တကူၣ်ကီၢ်ခီဒီး အ့ယၣ်၀တံၣ်ကီၢ်ခီ, လၢအ့ယၣ်၀တံၣ်ကီၢ်ခီ က
ညီဖိအိၣ်အါန့ၢ်ဒံး ပ၀ဲဖဲအံၤလီၤ. အ၀ဲသ့ၣ်မၤလိတ့ၢ်ကညီ ကျိာ် အါနံၣ်အါလါလံလီၤ. တချုးလၢကလံၤမုၢ်နါက့ၣ်စ်
ဘၣ်ဒံးအဆၢကတီၢ်, ပမၤလိကညီကျိာ်ထဲဒၣ်လၢ သ၀ီပူၤလီၤ. အခဲအံၤ ပပီးစးထီၣ်သိၣ်လိကညီကျိာ်လၢ ကီၢ်
ဆၣ်ဒီတဘ့ၣ်ညါလီၤ."

လၢတီကၠံတါကီၢ်ဆၣ်အပူၤ ကၠိအိၣ်၀ဲ ၂၄ ဖျၢၣ်, ပဒိၣ်ကၠိသရၣ်အိၣ်၀ဲ ၁၁ ဂၤ, ကၠိသရၣ်လၢတၢ်ချၢ ၁၃ ဂၤ, ဒီးကၠိ
ဖိအိၣ်၀ဲ ၁,၂၄၆ ဂၤန့ၣ်လီၤ. တၢ်ကသူ၀ဲကညီလံာ်တၢ်သိၣ်လိလၢ ပဒိၣ်ထုးထီၣ်၀ဲလီၤ. ကၠိသရၣ်တဂၤစုာ်စုာ် တၢ်
ကဟ့ၣ်အီၤ ၃၀,၀၀၀ ကၠးဒ်တၢ် ဟ့ၣ်လၤကပီၤအသိး အဂ့ၢ်, ပှၤဘၣ်မူဘၣ်ဒါလၢ ကညီလံာ်လဲၢ်ဒီး တၢ်ဆဲးတၢ်လၤ
ကမံးတံာ်, စံး၀ဲဒၣ်လီၤ.

လၢကတီၢ်ခဲအံၤ, ကညီဖိအိၣ်၀ဲ ၃၀,၀၀၀ ဂၤလၢ ကိခၠၤကိကီၢ်ဆၣ်အပူၤလီၤ. လၢအပူၤကွံာ် ကညီဖိအါဒၣ်တက့ၢ်
ကတိၤ၀ဲကညီ ကျိာ်ဘၣ်ဆၣ်, လၢအဆၢကတီၢ်ခဲအံၤ ကညီဖိထဲဒၣ် ၃၀ မျးကယၤဧိၤ, ကတိၤ၀ဲကညီကျိာ်န့ၣ်လီၤ.
ကီၢ်ဆၣ်ကညီလံာ်လဲၢ်ဒီး တၢ် ဆဲးတၢ်လၤကမံးတံာ်, ပာ်ဖျါ၀ဲလီၤ.