ကညီကီၢ်စဲၣ်ပဒိၣ် မၤတၢ်ထံၣ်လိာ်တၢၣ်ပီၣ်သကိးဘၣ်ဃး ဟီၣ်လာ်မ့ၣ်ပိၢ်အဂ့ၢ်

...

ကညီကီၢ်စဲၣ်ပဒိၣ် မၤတၢ်ထံၣ်လိာ်တၢၣ်ပီၣ်သကိးဘၣ်ဃး ဟီၣ်လာ်မ့ၣ်ပိၢ်အဂ့ၢ်

Democratic Voice of Burma, 23 Aug 2016

URL: http://www.dvb.no/news/karen-state-govt-hosts-landmine-workshop/69773
တၢ်ထံၣ်လိာ်တၢၣ်ပီၣ်သကိးဘၣ်ဃး ဟီၣ်လာ်မ့ၣ်ပိၢ်အဂ့ၢ် ဘၣ်တၢ်မၤအီၤအဆိကတၢၣ်တဘျီ ဖဲကညီကီၢ်စဲၣ်၀့ၢ်
ခိၣ်ဖၣ်အၣ် လၢဘၣ် တၢ်ရဲၣ်ကျဲၤအီၤလၢ ဟီၣ်က၀ီၤပဒိၣ်န့ၣ်လီၤ.

တၢ်ထံၣ်လိာ်တၢၣ်ပီၣ်သကိးအံၤ တၢ်မၤအီၤယံာ်၀ဲလွံၢ်သီ, စးထီၣ်ဖဲမုၢ် ဆၣ်အနံၤ ဖဲဖၣ်အၣ်တီ၀့ၤယတနၤဟိၣ်ထဲလ်
တၢ်လီၢ် ဒီးပှၤဟဲထီၣ် တၢ်ထံၣ်လိာ်တၢၣ်ပီၣ်သကိးအိၣ်၀ဲ ၆၀ ဂၤ ဒီးပၣ်ဃုာ်၀ဲ ဒၣ်ပဒိၣ်ပှၤမၤတၢ်ဖိအါဂၤလၢ ကညီ
ကီၢ်စဲၣ်ပဒိၣ်၀ဲၤကျိၤတဖၣ်လီၤ.

တၢ်ကရၢကရိလၢအဆီၣ်ထွဲမၤစၢၤ တၢ်ထံၣ်လိာ်တၢၣ်ပီၣ်သကိး မ့ၢ်၀ဲ ဒဲမးတၢ်အိၣ်ဖှိၣ် အတၢ်မၤစၢၤ Danish NGO
Dan Church Aid (DCA) ဒီး ဘီမုၢ်စၢဖှိၣ်ကရၢ ဖိသၣ်ဂ့ၢ်ဂီၢ်အူစ့ပာ်ကီၤ United Nations Children's Emergency
Fund (UNICEF) တဖၣ်လီၤ.

"ပဒိၣ်အပှၤမၤတၢ်ဖိလၢအဟဲထီၣ် တၢ်ထံၣ်လိာ်တၢၣ်ပီၣ်သကိးတဖၣ် မ့ၢ်၀ဲ ပဒိၣ်အပှၤမၤတၢ်ဖိလၢသ့ၣ်ပှၢ်, ဟီၣ်
ခိၣ်ကပံာ်တၢ်မၤနီၣ်မၤဃါ, ကီၢ်ဆၢတၢ်လဲၤထီၣ်လဲၤထီ, တၢ်ဆီၣ်ထွဲပှၤဂ့ၢ်၀ီတၢ်မၤ, တၢ်သူၣ်တၢ် ဖျးဒီး တၢ်ကူၣ်ဘၣ်
ကူၣ်သ့၀ဲၤကျိၤသ့ၣ်တဖၣ်လီၤ. အ၀ဲသ့ၣ်ဟဲထီၣ်တၢ်သိၣ်လိအံၤဒ်သိးဒီး တၢ်လၢမၤလိဘၣ်၀ဲတဖၣ် ကက့ၤဟ့ၣ်နီၤ
က့ၤဒီးထံကီၢ်ကမျၢၢ် ဖဲတၢ်လီၢ်လၢအ၀ဲသ့ၣ်အိၣ်သူၣ်လီၤသးအလီၢ်န့ၣ်လီၤ." အဂ့ၢ်, စီၤမ့လၢအမ့ၢ်ပှၤနဲၣ်တၢ်ခံဂၤ
တဂၤလၢ က ညီကီၢ်စဲၣ် ပှၤဂ့ၢ်၀ီတၢ်မၤစၢၤ၀ဲၤကျိၤ, စံး၀ဲလီၤ.

ပှၤလၢအရဲၣ်ကျဲၤ တၢ်ထံၣ်လိာ်တၢၣ်ပီၣ်သကိးအံၤစံး၀ဲ, ဖဲနံၣ်လၢအဆံတၢ်ထီဒုၣ်ဒါလိာ်သးအဆၢကတီၢ် ကီၢ်ပ
ဒိၣ်သုးမုၢ်ဒီး ကလုာ် ဒူၣ်ပၢၢ်ဆၢတၢ်တဖၣ် ဒိးလီၤ၀ဲမ့ၣ်ပိၢ်တၢ်လီၢ်အါတီၤ လၢကညီကီၢ်စဲၣ်အပူၤလီၤ.

"ခီဖျိတၢ်ရဲၣ်တၢ်ကျဲၤအ၀ဲအံၤ တၢ်မုၢ်လၢ်၀ဲလၢတၢ်ကဒုးအိၣ်ထီၣ် တၢ်လီၢ်လၢအပူၤဖျဲးဒီးမ့ၣ်ပိၢ်အတၢ်လီၤပျံၤ လၢ
ကီၢ်ပယီၤအပူၤ လီၤ. လၢအကတီၢ်ခဲအံၤ တၢ်လၢပမၤအါဒၣ်တက့ၢ် မ့ၢ်ဒၣ်ထဲလၢပဟ့ၣ်တၢ်သ့ၣ်ညါနၢ်ပၢၢ်ဧိၤန့ၣ်
လီၤ. ဘၣ်ဆၣ်လၢခါဆူညါ ပက ဟ့ၣ်တၢ်ဆီၣ်ထွဲမၤစၢၤလိၤလိၤ ဆူဟီၣ်က၀ီၤကမျၢၢ်တဖၣ်လီၤ." အဂ့ၢ်, DCA
ပှၤပၢဆှၢတၢ်တိာ်ကျဲၤ Matthew Richard Walsh စံး၀ဲလီၤ.