ယူအက်စ်မှ ပိတ်ဆို့မှုများဖြေလျော့ပေးခြင်းသည် အသစ်ပေါ်စ စက်မှုလုပ်ငန်းများအတွက် အခွင့်အရေးတစ်ရပ်ပင်ဖြစ်ပြီး
ယူအက်စ်မှ နိုင်ငံတကာအဝတ်အထည် ဝယ်ယူသူများသည် မြန်မာနိုင်ငံနှင့်အတူ စီးပွားရေးလုပ်ရာတွင် ပိုမိုစိတ်ချမှုများရှိ
လာလိမ့်မည်ဖြစ်ကာ ငွေရေးကြေးရေးနှင့် ပတ်သတ်သည့် လုပ်ငန်းများအပေါ် ဖိအားပေးခြင်းမှ ဖြေလျော့ပေးခြင်းသည်
ယူအက်စ်ကုန်သွယ်ရေးကိုလည်း ပိုမို အားပေးသမှု ပြုခြင်းပင်ဖြစ်ကြောင်း မြန်မာ့အထည်ချုပ် ထုတ်လုပ်မှုအသင်း(MGMA)
မှ ဥက္ကဌဖြစ်သူ ဦးမြင့်စိုးက မြန်မာတိုမ်းသို့ ရန်ကုန်မြို့ရှိ ကုန်သွယ်ထုတ်လုပ်မှုရေးရာတွင် ယမန်နေ့ကပြောကြားခဲ့သည်။

နိုင်ငံတွင်း အထည်ပြည်ပပို့ကုန်များအတွက် စျေးကွက်ကို ဂျပန်၊ ဥပရောပနှင့်တောင်ကိုရီးယားတို့မှ ဦးဆောင်နေပြီး ယူ
အက်စ်သည် ထိုနိုင်ငံများနောက်မှ လိုက်နေသည် ဟု ၎င်းကပြောခဲ့သည်။

၂၀၁၁ ခုနှစ်တွင် စုစုပေါင်း အထည်ပြည်ပတင်ပို့မှုသည် ယူအက်စ်ဒေါ်လာ(၈၁၇) သန်းရှိခဲ့သည် ဟု သူက ပြောပြခဲ့သည်။
ယင်းနောက်တွင် ရေနံဆီနှင့်ဓာတ်ငွေ့ မှ ဒုတိယ အကြီးဆုံး ပြည်ပပို့ကုန်ဖြစ်ပြီး အထည်အလိပ် တင်ပို့မှုတွင် ယူအက်စ်
စျေးကွက်သည် ၆၅ ရာခိုင်နှုန်းခန့် ရှိသည် ဟု သူကပြောခဲ့သည်။

“ဒီလိုအချိန်မှာ အဲ့လိုမျိုးစျေးကွက်သာ ကျွန်တော်တို့ ပြန်ရနိုင်မယ်ဆိုရင် အထည်အလိပ် ပြည်ပတင်ပို့မှုက ၂၀၁၇ ခုနှစ်
မှာ၃ ဘီလီယံထိ ရောက်ရှိနိုင်ပါတယ်”ဟု ဦးမြင့်စိုးက ခန့်မှန်းပြခဲ့သည်။

“အထူးသဖြင့် ပြည်တွင်းစက်ရုံတွေအတွက် အစိုးရ အခွန်စည်းနှုန်းတွေနဲ့ပတ်သတ်ပြီး ပံ့ပိုးမှုတွေလိုပါတယ်၊ ဒါမှမဟုတ်ရင်
နောင်ငါးနှစ်အတွင်းမှာ သူတို့စီးပွားရေးတွေ ရပ်ဆိုင်းကုန်လိမ့်မယ် ”ဟု ၎င်းကပြောခဲ့သည်။

ဤအခွင့်အရေးအပေါ် အမြတ်ထုတ်နိုင်မည်ဆိုလျှင် စက်မှုလုပ်ငန်းအတွက် စံချိန်စံညွှန်းများကို ပိုမိုဖြေလျော့ပေးရန်လိုအပ်
ကြောင်း သူကပြောခဲ့သည်။