တၢ်ရဲၣ်တၢ်ကျဲၤဖးဒိၣ်လၢ ကီၢ်ပယီၤတၢ်ကူၣ်လဲၤမၤကၤ၀့ၢ်ခိၣ်, ၀့ၢ်တကူၣ်အဂီၢ်, တၢ်ကမၤ၀ံၤဒီးတၢ်ကပာ်ဖျါထီၣ်
အီၤ ဖဲတနံၣ်အံၤ ကတၢၢ်, အဂ့ၢ် ဖၠိမ့သ့, လၢအမ့ၢ်၀့ၢ်တကူၣ်ကီၢ်ခီ ကိတိၤခိၣ်ကျၢၢ်, စံး၀ဲလီၤ.

ဖၠိမ့သ့စံး၀ဲ, ဖဲကီၢ်ခိၣ်ခံမၠံၣ်စွ့ၤထံၣ်လိာ်အသးဒီး ကီၢ်ပယီၤပှၤမၤပနံာ်တၢ်ကၤဖိ ဖဲမဟါတနွံတီၢ်ပူၤ, တၢ်မၤလၢတၢ်ရဲၣ်
တၢ်ကျဲၤဖး ဒိၣ်အပူၤပၣ်ဃုာ်၀ဲ, တၢ်တ့ထီၣ်ဘှီထီၣ်ထံယိာ်ကဘီသန့, တၢ်ဒုးအိၣ်ထီၣ်မုၢ်ကျိၤ၀ဲၤကွာ်ဟီၣ်က၀ီၤအသီ
တခါ, ၀့ၢ်တကူၣ်တၢ်တိၤ ကျဲၤအသီ, ဒီးတၢ်တ့ထီၣ်ဘှီထီၣ်ဟံၣ်တၢ်အိၣ်ဆိးလီၢ် အကလုာ်ကလုာ်, စးထီၣ်လၢအပှ့ၤ
ဘၣ်, အပှ့ၤဖဲြကၢး ဒီးပၢၢ်တုၤလၢအပ တီၢ်ထီတဖၣ်လီၤ.

"အခဲအံၤပကွၢ်ထံဆိကမိၣ် တၢ်လီၢ်လၢအြကၢးအဘၣ်ခဲလၢာ် လၢ၀့ၢ်တကူၣ်အပူၤလီၤ. ပကသူၣ်ထီၣ်ဘှီထီၣ် ဟံၣ်
လီၢ်အိၣ်လီၢ်ဆိး တၢ်တိာ်ကျဲၤလၢမူခိၣ်အနၢၢ်လွံၢ်လၢာ် - လၢ၀့ၢ်တကူၣ် မုၢ်ထီၣ်, မုၢ်နုာ်, ကလံာ်စိး, ဒီးကလံၤထံးတ
ဖၣ်လီၤ."

"ဖဲပစံး, ဟံၣ်အိၣ်ဆိးလီၢ်လၢအပှ့ၤဘၣ်, အခီပညီတမ့ၢ်လၢ အပတီၢ်ဖုၣ်ဘၣ်. ပဘၣ်ယိၣ်တၢ်၀ဲအံၤ, ဒီးအဲၣ်ဒိးမၤလီၤ
တံၢ် ထံဖိကီၢ်ဖိ ကမျၢၢ် ကပှ့ၤအိၣ်န့ၢ်ဟံၣ်လၢအပတီၢ်ထီၣ်ဘး ဒီးအလုၢ်ပှ့ၤဖဲအဘၣ်န့ၣ်လီၤ." အ၀ဲဒၣ်၀ံး၀ဲလီၤ.

"တုၤမ့ၢ် ပကွၢ်ထံဆိကမိၣ်တၢ်အိၣ်သးလၢ ဟီၣ်က၀ီၤပူၤ၀ံၤခဲလၢာ်ဒီး ပကကွဲမုာ်ပှၤမၤပနံာ်ဖိ လၢတၢ်တ့ထီၣ်ဘှီထီၣ်
တၢ်မၤသနၢၣ် ဒီးပကၡဲပၠးအ၀ဲသ့ၣ် ဘၣ်ဃးပတၢ်တိာ်ကျဲၤအဂ့ၢ်န့ၣ်လီၤ.

"ပကဒုးသ့ၣ်ညါအ၀ဲသ့ၣ် တၢ်ဂ့ၢ်တၢ်ကျိၤလၢအလိၣ်ခဲလၢာ် ဒ်သိးပကြတီပဒီတၢ်မၤနါစိၤတၢ်အဂီၢ်လီၤ. အခဲအံၤပ
ကျဲးစၢးလၢအဂ့ၤ ကတၢၢ် ဒ်သိးတၢ်မၤကကဲထီၣ်လီၤ. တုၤမ့ၢ်ပပာ်ဖျါလၢကမျၢၢ်အိၣ်, တၢ်တ့ထီၣ်ဘှီထီၣ်ပနံာ်တၢ်မၤ
တဖၣ် ကအိၣ်ဒီးတၢ်ခွဲးတၢ်ယာ် လၢအအါန့ၣ်လီၤ."

ကိတိၤခိၣ်ကျၢၢ်စံး၀ဲလၢ, ဘၣ်ဃးဟီၣ်ခိၣ်လီၢ် လၢတၢ်ကသူၣ်လီၤဆီလီၤ ၀့ၢ်တကူၣ်တၢ်တိာ်ကျဲအသီ, လၢအမ့ၢ်တၢ်
ရဲၣ်တၢ်ကျဲၤဖး ဒိၣ်အက့အခီတခါ, တၢ်ကရဲၣ်ကျဲၤကွၢ်ထွဲအီၤလၢကီၢ်ပဒိၣ်န့ၣ်လီၤ.

အ၀ဲဒၣ်စံး၀ဲလၢ, ဘၣ်ထွဲတၢ်တ့ထီၣ်ဘှီထီၣ်တၢ်လဲၤသးအပတီၢ်ခဲလၢာ် ဒီးတၢ်သူၣ်တၢ်ဘှီတၢ်လိၣ်တၢ်လဲၤတၢ်တိာ်
ကျဲၤတဖၣ်, တၢ် ကပျဲတၢ်ခွဲးတၢ်ယာ်လၢ ဟီၣ်က၀ီၤပနံာ်တၢ်မၤတဖၣ် ကနုာ်လီၤြပၢမၤန့ၢ်တၢ်မၤန့ၣ်လီၤ. အ၀ဲဒၣ်
အၢၣ်လီၤ၀ဲလၢ, ဘၣ်ဃးကျဲလၢ တၢ်ကဃုထၢပနံာ်တၢ်မၤ လၢကတ့ထီၣ်ဘှီထီၣ်တၢ်အဂီၢ်, တၢ်ကမၤအီၤကျဲလၢ
အိၣ်ဒီးတၢ်ထံၣ်သ့ကွၢ်ၡဲခံခီယၢ်ပၤ ဒီးတၢ်ကွၢ်ထံဆိ ကမိၣ်အကပၤကပၤန့ၣ်လီၤ.

ဖၠိမ့သ့တဲကဒု၀ဲလၢ, ဘၣ်ဃးဟီၣ်ခိၣ်အပှ့ၤကလံၤ လၢဒိၣ်လၢ်ကဲၢ်ဆိးလၢ၀့ၢ်ပူၤအဂ့ၢ်, ပဒိၣ်ကဖီၣ်ဂၢၢ်ဖီၣ်ကျၢၤ၀ဲ
သ့ၣ်သ့ၣ်န့ၣ်လီၤ.