၀့ၢ်တကူၣ်စးထီၣ် ဘးစ်ကါတၢ်လဲၤတၢ်က့ၤ အကျိၤအကွာ်အသီ

...

၀့ၢ်တကူၣ်စးထီၣ် ဘးစ်ကါတၢ်လဲၤတၢ်က့ၤ အကျိၤအကွာ်အသီ

The Irrawaddy, 16 Jan 2017

URL: http://www.irrawaddy.com/news/rangoon-launches-new-bus-system.html
၀့ၢ်တကူၣ်ဘးစ်ကါတၢ်လဲၤတၢ်က့ၤအကျိၤအကွာ်အသီ Yangon Bus Service (YBS) ကဟံးန့ၢ်အလီၢ် လၢအပူၤကွံာ်ဘးစ် ကါတၢ်လဲၤတၢ်က့ၤအကျိၤအကွာ်လီၢ်လံၤ - လၢအမ့ၢ်
၀့ၢ်တကူၣ်တၢ်ကွၢ်ထွဲမီထိၣ်ကါကမံးတံာ် လၢဘၣ်တၢ်ကိးစ့ၢ်ကီးလၢ မးထး သး, လၢဘးစ်ကါစံၣ်ကျိၤအိၣ်၀ဲ ၆၉ ကျိၤလီၤ.

ကီၢ်ခီပဒိၣ်ဘိးဘၣ်သ့ၣ်ညါ၀ဲမဟါတနွံလၢ ကမျၢၢ်တၢ်လဲၤတၢ်က့ၤအကျိၤအကွာ်အသီအံၤ ကစိာ်ဆှၢပှၤလဲၤတၢ်ဖိစးထီၣ် ဂီၤ ၅ နၢ်ရံၣ် တုၤ ဟါ ၉ နၢ်ရံၣ် ကိးနံၤဒဲး, ဒီးဘးစ်ကါလၢ
အစံၣ်အိၣ်၀ဲအခိၣ် ၄,၀၀၀ လီၤ.

ဒ်သိးတၢ်ဂ့ၢ်တၢ်ကျိၤကရၤလီၤအသးဒီးပှၤအါဂၤကသ့ၣ်ညါအ ဂီၢ်, မုာ်သးမၤကလီပှၤအဂၤ ၄၀၀၀ လၢဟဲလၢပှၤတ၀ၢဒီး တၢ် ကရၢကရိလၢသးအိၣ်မၤစၢၤတၢ် ဘၣ်တၢ်တီခိၣ်ရိၣ်မဲ
အီၤလၢ သဲးစးဘျီၣ်ဒိၣ်ခၢၣ်စးတဖၣ် လဲၤဆူဘးစ်ကါပတုာ်အလီၢ် ၂,၀၀၀ တီၤ, လၢ၀့ၢ်ဒီတဖျၢၣ်, မုၢ်ဆၣ်အနံၤ, ဒီးဟ့ၣ်နီၤလီၤ၀ဲ လံာ်က့လဲၢ်က့လၢအပၣ်ဃုာ် ဘးစ်ကါတၢ်လဲၤကျဲ
အဂ့ၢ်အကျိၤ, ဒီးမၤစၢၤအ့ၣ်စတီလီၤ၀ဲ YBS mobile application တဖၣ်လီၤ.

မုာ်သးမၤကလီတဖၣ် ကအိၣ်၀ဲတုၤမုၢ်ဖီဖးအနံၤ ဒီးကမၤစၢၤပှၤလဲၤတၢ်က့ၤတၢ်တဖၣ် ဒ်သိးကသ့ၣ်ညါဆီတလဲသူ တၢ်လဲၤတၢ် က့ၤအကျိၤအကွာ်အသီအဂီၢ်န့ၣ်လီၤ.

ဘးစ်ကါအလဲအိၣ်၀ဲ ၁၀၀-၃၀၀ ကၠး, ဒိးသန့ၤထီၣ်အသးလၢ တၢ်လဲၤတၢ်ဒ့ၣ်စၢၤအဖီခိၣ်လီၤ.

ကီၢ်ခီပဒိၣ်မုၢ်လၢ်၀ဲလၢ တၢ်အကျိၤအကွာ်အသီအံၤ ကမၤကိညၢ်ထီၣ်ကါတၢ်လဲၤကတံာ်လၢ ၀့ၢ်ခၢၣ်သးတၢ်လီၢ်တနီၤ ဒီးကပျဲ ဘးစ်ကါကျိၤလဲၤတၢ်ထဲလၢ၀့ၢ်ခၢၣ်သးပူၤတဖၣ်ဧိၤလီၤ.

ဘးစ်ကါတၢ်လဲၤလၢ တၢ်အကျိၤအကွာ်သီ၀ဲအံၤအပူၤ, လၢတၢ်ဟ့ၣ်ဘးစ်ကါလဲလၢ ဒ့ကၠ့ထၢၣ်ကျဲအဂီၢ် တၢ်တဆီလီၤပာ်လီၤ ဘၣ်ဒံးဘၣ်, တၢ်ကမၤအီၤလၢဆူညါသၢလါတီၢ်ပူၤလီၤ.
အဂ့ၢ် ၀့ၢ်တကူၣ်ကိတိာ်ခိၣ်ကျၢၢ် အူဖၠိမ့သ့ စံးဘၣ်တၢ်ကစီၣ်သန့ ဖဲတၢ်ၡဲ လဲပၠးတၢ်ဂ့ၢ်တၢ်ကျိၤ အတၢ်အိၣ်ဖှိၣ်, မုၢ်ဘူၣ်အနံၤလီၤ.

ဒ်ကီၢ်ယပၣ်တၢ်လဲၤထီၣ်လဲၤထီ တၢ်မၤသကိးတၢ်ကရၢ ၂၀၁၄ အတၢ်ဃုထံၣ်သ့ၣ်ညါ ဘၣ်ဃးကမျၢၢ်တၢ်လဲၤတၢ်က့ၤလၢ ၀့ၢ်တ ကူၣ် ပာ်ဖျါ၀ဲအသိး, ၀့ၢ်တကူၣ်ပှၤနီၢ်ဂံၢ် ၆၁ မျးကယၤ
ဒိးသန့ၤထီၣ်အသးလၢ ကမျၢၢ်တၢ်စိာ်ဆှၢအကျဲ ဒီး ပှၤလဲၤတၢ်က့ၤတၢ် ၄၉ မျးကယၤ စူးကါ၀ဲဘးစ်ကါ - လၢပှၤနီၢ်ဂံၢ်တပၤအိၣ်၀ဲ ပှၤ ၂.၆ ကကွဲၢ်ဂၤ,လၢတၢ်လဲၤထီၣ်က့ၤလီၤအဂီၢ်လီၤ.