၀့ၢ်တကူၣ်ဘျီၣ်ဒိၣ်ခၢၣ်စး သဆၣ်ထီၣ်တၢ်ကဆီၣ်ထွဲအါထီၣ် ကၠိဖိမဲာ်တထံၣ်တၢ်

...

၀့ၢ်တကူၣ်ဘျီၣ်ဒိၣ်ခၢၣ်စး သဆၣ်ထီၣ်တၢ်ကဆီၣ်ထွဲအါထီၣ် ကၠိဖိမဲာ်တထံၣ်တၢ်

Frontier Myanmar, 13 Sep 2017

URL: https://frontiermyanmar.net/en/yangon-mp-urges-more-support-for-blind-students
၀့ၢ်တကူၣ် - လီၢ်က၀ီၤဘျီၣ်ဒိၣ်ခၢၣ်စး အူယဲၤၡ့ (NLD, Mayangone – 1), သဆၣ်ထီၣ်ကီၢ်ဒိၣ်ပဒိၣ်လၢ ကဆဲးဆီၣ်ထွဲကျိၣ်စ့ တၢ်မၤစၢၤလၢကၠိဖိလၢ ကၠိလၢမဲာ်တထံၣ်တၢ်အဂီၢ် လၢအ၀ဲဒၣ်တၢ်ဖး
လီၢ်က၀ီၤအပူၤ, စံး၀ဲလၢတၢ်ဆီၣ်ထွဲ မၤစၢၤလၢပှၤသးစၢ် လၢက့ၢ်ဂီၤတလၢပှဲၤအဂီၢ်, တအိၣ်ဘၣ်အဂ့ၢ်လီၤ.

ကၠိအခဲအံၤ, ကၠိဖိမဲာ်တထံၣ်တၢ်အိၣ်၀ဲ ၁၅၂ ဂၤဒီးဒိးသန့ၤ ထီၣ်အသးအါဒၣ်တက့ၢ်လၢ ပှၤသးအိၣ်မၤဘူၣ် တၢ်လီၤ တၢ်တဖၣ်လီၤ. တုၤလၢတနံၣ်ညါအံၤစးထီၣ် ဒိးန့ၢ်၀ဲတၢ်မၤ စၢၤလၢကၠိဖိတဂၤအဂီၢ်
သးနံၣ် ၂၁ နံၣ်ဆူဖီလာ်, လၢတ နံၣ်အဂီၢ်, စ့ ၇၉,၀၀၀ ကၠး လီၤ. တၢ်ပာ်ပနီၣ်သးနံ ၣ်အံၤတၢ်မၤစှၤလီၤ၀ဲဖဲလါအ့ြဖ့ၣ် ၁ သီ, ကၠိဖိ ၁၉ နံၣ်ဆူဖီ လာ်တဖၣ် ဧိၤလီၤ.

ဖဲ၀့ၢ်တကူၣ်တၢ်အိၣ်ဖှိၣ် မုၢ်ပျဲအနံၤအဆၢကတီၢ်, ယဲၤၡ့စံး၀ဲ လၢကီၢ်ပဒိၣ်ကဘၣ်ဟံးဃာ်၀ဲ တၢ်ပာ်ပနီၣ်သးနံၣ်လၢအခဲ အံၤ, မ့ၢ်လၢကၠိဖိမဲာ်တထံၣ်တၢ်တဖၣ် ဘၣ်ကွၢ်ဆၢၣ်မဲာ်ဒီး တၢ်မၤတံာ်တာ်လၢ
အဒိၣ် လၢကဖျိထီၣ်တီၤထီကၠိတၢ်ဒိးစဲး အဂီၢ်, ဒီးကဆဲးမၤလိတၢ်ကူၣ်ဘၣ်ကူၣ်သ့ဆူညါ လၢဖၠၣ်ဆိ မိၤကၠိအဃိလီၤ.

အ၀ဲဒၣ်စံးကဒီး၀ဲလၢ ပှၤလၢနီၢ်ခိက့ၢ်ဂီၤတလၢပှဲၤတဖၣ် ဘၣ်ကိၢ်ဘၣ်ဂီၤ၀ဲလၢ ပဒိၣ်ကမၤစှၤလီၤဒံးတၢ်မၤစၢၤလၢဆူ ညါအဂ့ၢ်အ ဃိလီၤ.

၀့ၢ်တကူၣ်ကိတိာ်ခိၣ်ဘၣ်ဃး ပှၤဂ့ၢ်၀ီကိတိာ်, တစံးဆၢကဒါ ၀ဲယဲၤၡ့အတၢ်ဃ့ထီၣ်ဘၣ် ဒီးတဲဖျါအါထီၣ်၀ဲလၢ ပဒိၣ်ဆီၣ်ထွဲ၀ဲၤလီၢ် လၢတဃုနီၢ်ကစၢ်အဘျုး လၢကီၢ်ဒိၣ်တဘ့ၣ်န့ၣ်လီၤ.

အ၀ဲဒၣ်စံး၀ဲလၢ ပဒိၣ်မၤစၢၤကမျၢၢ်တၢ်မၤဂ့ၤ၀ဲၤလီၢ် ဒီးပှၤနီၢ်ခိက့ၢ်၀ီၤတလၢပှဲၤ၀ဲၤလီၢ် လၢတၢ်စှၤလီၤအစက့တခီ, ၀ဲၤလီၢ်လၢအ ကွၢ်ထွဲပှၤနီၢ်ဂံၢ် ၅၀ ဂၤဆူဖီလာ် ဒိးန့ၢ်ဘၣ်တၢ်မၤစၢၤ ၁၀၀ မျးကယၤ
လၢပဒိၣ်အအိၣ်,

ဒီး၀ဲၤလီၢ်လၢအကွၢ်ထွဲပှၤနီၢ်ဂံၢ် ၃၀၀ ဂၤ ဒီးဆူဖီခိၣ်တဖၣ်, ဒိးန့ၢ်ဘၣ်၀ဲပဒိၣ်တၢ်မၤစၢၤ ၂၅ မျးကယၤလီၤ.

နဲၤနဲၤ၀့စံး၀ဲလၢ လၢ ၂၀၁၇-၁၈ တၢ်သူစ့နံၣ်အဂီၢ်, တၢ်ဟ့ၣ်လီၤမၤစၢၤ၀ဲကၠိအံၤ ၈.၆ ကကွဲၢ်ကၠးလီၤ.

ယဲၤၡ့ဃ့ထီၣ်၀ဲဆူပဒိၣ်အိၣ်တလီၢ်လီၢ် လၢကကွၢ်ဆိကမိၣ်ကဒီးတၢ်ဆၢတဲာ်၀ဲအံၤအသီတဘျီ, ဘၣ်ဆၣ်တၢ်တကနၣ် ၀ဲန့ၣ်ဘၣ်.

"ကၠိဖိမဲာ်တထံၣ်တၢ်တဖၣ်အံၤ ကိးနံၤဒဲးကဘၣ်ဒိးသန့ၤထီၣ်အသးလၢပှၤတဂၤဂၤလီၤ." အ၀ဲဒၣ်စံး. "ပဒိၣ်ကဘၣ်မၤစၢၤအ၀ဲ သ့ၣ်လၢအပတီၢ်တပတီၢ်, မ့တမ့ၢ်ဒၣ်လဲာ်တၢ်လၢအအါဘၣ်န့ၣ်လီၤ."