ကခၠ့ၣ်တၢ်သဘျ့ကရၢ ပှၤပၢၤလီၢ်ဆ့ၣ်နီၤခံဂၤတဂၤ သုးခိၣ်ကျၢၢ်ကိၤမီၤစံး၀ဲ, အ၀ဲဒၣ်ဟဲထီၣ် ၂၁ ယၤဖှိၣ်ပ့ၢ်လိၢ်တၢ်အိၣ်ဖှိၣ်သၢ ဘျီတဘျီ မ့ၢ်ဒ်သိးကအိးထီၣ်ကဒါက့ၤ ခံခီယၢ်ပၤတၢ်တဲသကိးန့ၣ်လီၤ.

အ၀ဲဒၣ်စံးဘၣ်တၢ်ကစီၣ်သန့ ဘၣ်ဃးတၢ်ဂ့ၢ်အံၤဖဲလါ ယူၤလံ ၁၀, ဖဲအ၀ဲဒၣ်ဟဲတုၤဖဲန့ၢ်ပၠံၣ်ဒီၣ် ဒ်သိးကထီၣ်တၢ်အိၣ်ဖှိၣ်အဂီၢ်န့ၣ်လီၤ.

"ယနာ်လၢ တၢ်ဒုးအိၣ်ထီၣ်ကဒါက့ၤပတၢ်ဆဲးကျိး မ့ၢ်တၢ်အရ့ဒိၣ် န့ၢ်ဒံးပတၢ်တၢၣ်ပီၣ်သကိးလၢ တၢ်အိၣ်ဖှိၣ်၀ဲအံၤန့ၣ်လီၤ." အ၀ဲ ဒၣ်စံး.

သုးခိၣ်ကျၢၢ်ကိၤမီၤ တီခိၣ်ရိၣ်မဲကခၠ့ၣ်တၢ်သဘျ့ကရၢခၢၣ်စး လၢ အဟဲထီၣ် ၂၁ ယၤဖှိၣ်ပ့ၢ်လိၢ်တၢ်အိၣ်ဖှိၣ်န့ၣ်လီၤ.

ခၢၣ်စးလၢ ဖဲဒရဲၣ်တၢ်စံးကတိၤထံရူၢ်ကီၢ်သဲး ဒီးတၢ်ကူၣ်လိာ်သး ကမံးတံာ်တဖၣ် Federal Political Negotiation and Consultative Committee (FPNCC) ဟဲထီၣ်တၢ်အိၣ်ဖှိၣ်၀ဲအံၤ အိၣ်ဒီးတၢ်မၤစၢၤလၢတ ရူးကီၢ် န့ၣ်လီၤ. အ၀ဲသ့ၣ်ဟဲ၀ဲဒီးကဘီ ယူၤလၢခိၤမ့ ဆူန့ၢ်ပၠံၣ်ဒီၣ်တပူၤဃီဒီး Mr Sun Guoxing, လၢအမ့ၢ်ထံကီၢ်ခၢၣ်စးတၢ်ဟ့ၣ်မူဒါလီၤဆီဘၣ်ဃး အ့ၡၢၣ်ဂ့ၢ်၀ီ, လၢ တရူးကီၢ် ထံဂုၤကီၢ်ဂၤကိတိာ်, ဒီးတရူးခိၣ်နၢ် ဒိၣ်ထီလၢအ ဂၤတဖၣ်လီၤ.

ကီၢ်ပဒိၣ်ကွဲမုာ်၀ဲခိၣ်နၢ်တဖၣ် လၢကဟဲထီၣ်တၢ်အိၣ်ဖှိၣ် ခီဖျိတရူးမီၣ်သီ၀ဲၤဒၢးအကျဲန့ၣ်လီၤ.

ကီၢ်စၢဖှိၣ်တၢ်မုာ်တၢ်ခုၣ်တၢ်အိၣ်ဖှိၣ် - ၂၁ ယၤဖှိၣ်ပ့ၢ်လိၢ် သၢဘျီတဘျီ တၢ်ကမၤအီၤဃုသီ စးထီၣ်လါယူၤလံ ၁၁ တုၤ ၁၆ လီၤ.