Menu

ဘျံးကီးတွံၢ်လဲာ်အသး တၢ်ဘုၣ်ပလဲအလီၢ် ကတူၢ်လိာ်မုာ်တမှံၤဟဲဟး ဖဲလါအီးထိဘၢၣ်

...

ဘျံးကီးတွံၢ်လဲာ်အသး တၢ်ဘုၣ်ပလဲအလီၢ် ကတူၢ်လိာ်မုာ်တမှံၤဟဲဟး ဖဲလါအီးထိဘၢၣ်

Myanmar Times, 23 Aug 2018

URL: https://www.mmtimes.com/news/myeik-archipelago-pearl-farms-welcome-tourists-october.html
ကီၢ်ပူၤကီၢ်ချၢတမှံၤဟဲဟးတဖၣ် စးထီၣ်အိၣ်သကိးတၢ်ဘုၣ်ပလဲအလီၢ် လၢတနီသရံၣ်ကီၢ်ဒိၣ်သ့၀ဲ ဖဲလါအီးထိဘၢၣ်, ဒ်အမ့ၢ်တၢ်ရဲၣ်တၢ်ကျဲၤလၢ အဆီၣ်ထွဲ တမှံၤတၢ်ဟဲဟးတခါအသိးန့ၣ်လီၤ, အဂ့ၢ် ကီၢ်ပယီၤတမှံၤတၢ် ဟဲဟးကရၢစၢဖှိၣ်စံး၀ဲလီၤ.

တၢ်ဘုၣ်ပလဲအလီၢ်လၢဘျံးကီးတွံၢ်လဲာ်အသး ညီနုၢ်တအိးထီၣ်လၢကမျၢၢ် တၢ်အိၣ်သကိးအဂီၢ်ဘၣ်ဆၣ်, ပှၤမၤပနံာ်တၢ်မၤဘၣ်ဃး တမှံၤတၢ်ဟဲ ဟးတဖၣ် တဲန့ၢ်ဆူၣ်ပဒိၣ်ပှၤဘၣ်မူဘၣ်ဒါလၢ ကပျဲတမှံၤတၢ်ဟဲအိၣ်သ ကိးအ ၀ဲသ့ၣ်န့ၣ်လီၤ, အဂ့ၢ် အူမၠိသဲ, လၢအမ့ၢ်ကရၢစၢဖှိၣ် လီၢ်ခၢၣ်သးက မံးတံာ်ကရၢဖိတဂၤ စံး၀ဲလီၤ.

တၢ်ဘုၣ်ပလဲအလီၢ် ၁၁ ခါအကျါ လၢတၢ်ကအိးထီၣ်လၢကမျၢၢ်တၢ်ဟဲအိၣ်သကိးအဂီၢ် မ့ၢ်နီၢ်သဘျ့တၢ်ဘုၣ်ပလဲအလီၢ် လၢကိလ် တဲၣ်ကီး, ငလိလဲၤဖဲၤကီး, ကၠလဲဒီးကၠိစူၢ်ကီး, ဒီးကီၢ်ပဒိၣ်ကွၢ်ထွဲ တၢ်ဘုၣ်ပလဲအလီၢ်လၢ ဘိၣ်ပၠ့ကီၢ်ဆၣ်န့ၣ်လီၤ.

တၢ်ဘုၣ်ပလဲအလီၢ် တၢ်ကအိးထီၣ်တနွံသၢသီ, ဒီးတၢ်တပာ်အဆၢတမှံၤအနီၣ်ဂံၢ်နီၣ်ဒွးဘၣ်. တၢ်လဲၤဟးကွၢ်ကီတၢ်ဘုၣ်ပလဲအ လီၢ် လိၣ်ဒၣ်ထဲတနံၤတၢ်လဲၤကျဲလီၤ.

တမှံၤလၢလဲၤကွၢ်ကီတဘုၣ်ပလဲအလီၢ် ကထံၣ်ဘၣ်ကျဲလၢတၢ်မၤအီၤ လၢတၢ်ထုးထီၣ်ပလဲ, ဒ်အမ့ၢ်တၢ်ပာ်ချိၣ်တံာ်လၢဟံၣ်ထီၣ်ဖီ အပူၤ ဒီးတၢ်ဒုးဖးထီၣ်အလီၢ်တဖၣ်, ဖဲချိၣ်တံာ်ကအိၣ်၀ဲတုၤလၢအ၀ဲသ့ၣ်ထုးထီၣ် ပလဲသၣ်ဖျၢၣ်လီၤ. တမှံၤပှ့ၤပလဲအဖျၢၣ်လၢအ ဟးထီၣ်သ့စ့ၢ်ကီး ဖဲတၢ်ဘုၣ်ပလဲအလီၢ်လီၤ. တမှံၤဟဲဟးတဖၣ်လဲၤယူၤလိၣ်ကွဲထံဖဲဘူးဒီး ကီးတဖၣ်သ့စ့ၢ်ကီးလီၤ.

တမှံၤအါဒၣ်တက့ၢ် လၢဟဲအိၣ်သကိးဘျံးကီးတွံၢ်လဲာ်အသး ဟဲလၢကီၢ်ကၠီၣ်တဲၣ်, ဘၣ်ဆၣ်အပူၤကွံာ်တယံာ်ဘၣ် ကီၢ်ပူၤတမှံၤ ဟဲဟးအါထီၣ်စ့ၢ်ကီး၀ဲလီၤ.