ကီၢ်ပယီၤကမၤ ကလုာ်ဒူၣ်ဆဲးလၤအဘူၣ် အ ဆိကတၢၢ်တဘျီ, လၢ၀့ၢ်တကူၣ် ဒ်သိးကပာ်ဖျါ ကလုာ်ဒူၣ်ကလုာ် အဃူတၢ်ဖိးအဂီၢ်,
အဂ့ၢ် ပဒိၣ်တၢ်ကစီၣ်သန့ Global New Light of Myanmar စံး၀ဲဖဲ မုၢ်ပျဲၤအနံၤလီၤ.

ဃုသီယံာ်အဘူၣ် ဘၣ်တၢ်ကရၢကရိမၤအီၤလၢ ကီၢ်ပယီၤက လုာ်ဒူၣ် ပနံာ်တၢ်မၤဖိကရၢ, ကစးထီၣ်လၢ ၂၅-၃၀ လါယနူၤအါ ရံၤ,
စးထီၣ်ဂီၤ ၈ နၣ်ရံၣ်, ဖဲကၠဲၣ်ကစဲၤပျီ ဖျၢၣ်ထူတၢ်ကွၢ်ကီအ လီၢ်, လၢ၀့ၢ်တကူၣ်, ဒီးတၢ်နုာ်လီၤကွၢ် အလဲ ကလီန့ၣ်လီၤ.

ဘူၣ်အတၢ်ပညိၣ်မ့ၢ် တၢ်ကပာ်ဖျါ တၢ်ရ့လိာ်မုာ်လိာ်ဒီး တၢ်ဃူတၢ် ဖိး လၢကီၢ်ပယီၤကလုာ်ဒူၣ်ကလုာ်သ့ၣ်တဖၣ်အကျါ, ကဆီၣ်ထွဲ
တၢ်မုာ်တၢ်ခုၣ် လၢထံကီၢ်ကမျၢၢ်တဖၣ်မိၣ်န့ၢ်သးလီ၀ဲလီၤ. ကမၤ စၢၤဒုးသ့ၣ်ညါ မိၢ်လုၢ်ပၢ်လၢ်တၢ်ဆဲးတၢ်လၤ ဒီးန့ၢ်ဆၢၣ်တၢ်ဃံ လၤလၢကလုာ်
ဒူၣ်ဟီၣ်က၀ီၤ လၢကီၢ်ပူၤကီၢ်ချၢတမှံၤအဂီၢ် ဒီးဟ့ၣ်ဂံၢ်ဟ့ၣ်ဘါ တၢ်လဲၤတၢ်က့ၤ ပနံာ်တၢ်မၤအဂီၢ်လီၤ.

တၢ်ကွၢ်ကီအလီၢ် ကဒုးနဲၣ် မိၢ်လုၢ်ပၢ်လၢ်တၢ်ဆဲးတၢ်လၤ, ဒီးကလုာ်ဒူၣ်ကလုာ် စုတ့တၢ်ဖိတၢ်လ့ၤတဖၣ်လီၤ. ကအိၣ်စ့ၢ်ကီးဒီး က
လုာ်ဒူၣ်မုၢ်နၤအဖၠါ, ဖဲကလုာ်ဒူၣ်ကလုာ် ဒီးတၢ်ဘူၣ်တၢ်ဘါခဲလၢာ် ကဆါအ၀ဲသ့ၣ်အတၢ်အီၣ်တၢ်အီ အကလုာ်ကလုာ်န့ၣ်လီၤ.

ပှၤသး၀ံၣ်တၢ်ဖိလၢအမံၤဟူသၣ်ဖျါ ကမၤမုာ်ပှၤဂီၢ်မုၢ်ဒီးတၢ်သူၣ်၀ံၣ်သးဆၢ, ဒီးကလုာ်ဒူၣ်ကလုာ်တကလုာ်စုာ်စုာ် ကဂဲၤအတၢ် ဂဲၤကလံၣ်လီၤ.

အါန့ၢ်အန့ၣ်, အိၣ်စ့ၢ်ကီးဒီးတၢ်ြပၢ ကီၢ်ပယီၤကလုာ်ဒူၣ်မုၣ်ဒွဲလာ် ၂၀၁၉, ဒီးပှၤလၢအနၢၤတၢ် တၢ်ကဃုထၢအီၤဒ်သိး ကကဲ ထီၣ်ခၢၣ်စး
လၢတၢ်ကရၢကရိအဂီၢ် ဒ်မီၣ်သီအသိး ဒ်သိးတၢ်ကဆီၣ်ထွဲ တၢ်ရ့လိာ်မုာ်လိာ်ဒီး တၢ်မုာ်တၢ်ခုၣ်လၢ ကလုာ်ဒူၣ်ကလုာ် တဖၣ်အကျါလီၤ.

ပှၤလၢအနၢၤတၢ် ကမၤန့ၢ်စ့ပယီၤ ၁၅ ကကွဲၢ်ကၠး (အမဲရကၤဒီလၣ် ၁၀,၀၀၀ ကၠး), ဒီးခိၣ်သလုးထူတဖျၢၣ် လၢအိၣ်ဒီးတၢ်မျၢ်ပ လဲ
ဃိးဖျၢၣ်လီၤ. ပှၤလၢအနၢၤတၢ်ခံဂၤတဂၤ ကန့ၢ်ဘၣ်စ့ပယီၤ ၇ ကကွဲၢ်ကၠး, ဒီးခိၣ်ဖးလၢအဂၤလီၤ. ပှၤလၢအနၢၤတၢ်သၢဂၤ တဂၤကန့ၢ်ဘၣ်
စ့ပယီၤ ၃ ကကွဲၢ်ကၠးလီၤ.

တၢ်ကဟ့ၣ်လီၤဒံး တၢ်လၤကပီၤလၢအဂၤခဲလၢာ်အခါ ၁၀, အဂ့ၢ် တၢ်ပာ်ဖျါစံး၀ဲလီၤ.