ကီၢ်ခိၣ်ခံဂၤတဂၤ ဟဲနရ့ၣ်ဘဲးထံယိ စံးလီၤကထၢတၢ်လိၣ်လၢ ကီၢ်ပယီၤပှၤမၤစံာ်ဖိ ကမၤဂ့ၤထီၣ်ဘုအကံၢ်အစီဒီးအပှ့ၤကလံၤ ဒ် သိးြပၢဆါဒီး
ပှၤဂၤလၢဟီၣ်ခိၣ်ဒီဘ့ၣ် ကန့ၢ်အါထီၣ်အဂီၢ်လီၤ.

ကီၢ်ခိၣ်ခံဂၤတဂၤ, လၢအမ့ၢ်စ့ၢ်ကီး တၢ်ဒီသဒၢပှၤမၤစံာ်ဖိအခွဲးယာ် ဒီးတၢ်မၤဂ့ၤထီၣ်အ၀ဲသ့ၣ် တၢ်န့ၢ်ဘျုးန့ၢ်ဖှိၣ်ကရူၢ် အခိၣ်, စံး၀ဲဖဲ ကီၢ်ပယီၤတၢ်မၤဘု
ကရၢစၢဖှိၣ် နံၣ်ကတၢၢ်တၢ်အိၣ်ဖှိၣ်, လၢထံကီၢ်မၤ န့ၢ်စ့ K5 trillion (US$3.2 billion) ကိးနံၣ်ဒဲးလၢတၢ်သူၣ်ဘု တၢ်မၤ, ပၣ်ဃုာ်စ့လၢတၢ်မၤန့ၢ်လၢတၢ်
စိာ်ဆါဘုဆူကီၢ်ချၢ K2 trillion လီၤ.

အ၀ဲဒၣ်သဆၣ်ထီၣ် ပှၤမၤစံာ်ဖိလၢတၢ်အိၣ်ဖှိၣ်အပူၤ ဖဲနွံကတၢၢ် ဖဲကီၢ် ပယီၤတၢ်အိၣ်ဖှိၣ်ရိဖှိၣ်၀ဲၤလီၢ် လၢမါတလ့၀့ၢ်, လၢအ၀ဲသ့ၣ်ကဘၣ်ဟံး ဃာ်
မ့တမ့ၢ်ဒၣ်လဲာ်တၢ်မၤဂ့ၤထီၣ်ဘုအကံၢ်စီ လၢထံကီၢ်ထုးထီၣ်၀ဲ လီၤ.

အူအီၣ်သူၣ်, လၢအမ့ၢ်ကိတိာ်ခိၣ်ဘၣ်ဃး သူၣ်ဖျး, ဘုၣ်ဖီၣ်, ဒီးတၢ်ဟ့ၣ် ထံကိတိာ်, စံး၀ဲ, "ဒ်သိးပကြပၢလၢထံဂုၤကီၢ်ဂၤအဖၠါ လၢတၢ်အကံၢ်အ
စီဒီးတၢ်အပှ့ၤကလံၤအဂီၢ်, ပကဘၣ်ကွဲးပာ်လီၤ ဒီးထုးထီၣ်တၢ်သူၣ် တၢ်ဖျး တၢ်မၤအကျဲ, ဃုာ်ဒီးတၢ်ဘိးဘၣ်သ့ၣ်ညါ တၢ်သူၣ်တၢ် ဖျးအကျဲ
လၢန့ဆၢၣ်တၢ်မၤပတီၢ် အပူၤကွံာ်တလါန့ၣ်လီၤ."

ကီၢ်ပယီၤထုးထီၣ်ဘု အါန့ၢ်ဒံး ၉ ဘ့လယၢၢ်တၣ် ဖဲတၢ်သူစ့နံၣ် ၂၀၁၇-၂၀၁၈ ဒီးစိာ်ဆါ၀ဲဆူကီၢ်ချၢ ၃.၈၅ တၣ်, လီၤလၢစ့ US$1.1 billion
ဃၣ်ဃၣ်, လၢအမ့ၢ်အအါကတၢၢ်လၢ ၇၃ နံၣ်အတီၢ်ပူၤလီၤ. ဟဲနရ့ၣ်ဘဲၤထံယိ စံး၀ဲ, ကီၢ်ပဒိၣ်ကဆဲးတဲန့ၢ်တၢ် လၢကီၢ်ပယီၤအဘု ကန့ၢ်အပှ့ၤအဂ့ၤကတၢၢ်အဂီၢ်လီၤ.

ကီၢ်ခိၣ်ခံဂၤတဂၤစံး၀ဲ, လၢပဒိၣ်တၢ်ရဲၣ်တၢ်ကျဲမိၢ်ပှၢ် အရ့ဒိၣ်လၢကဟ့ၣ်ဂံၢ်ဟ့ၣ်ဘါတၢ်သူၣ်အါထီၣ်ဘုမ့ၢ်, ကဟ့ၣ်ဂံၢ်ဟ့ၣ်ဘါတၢ်မၤ စံာ်လၢခီထရဲးတၢ်အၢၣ်
လီၤဖီခိၣ်, ကမၤထွဲထီၣ် ဖီလ်စံၣ်လၢသံၣ်သဲဒီးညီတဖၣ်, ဒီးမၤဂ့ၤထီၣ်ထံဂုၤကီၢ်ဂၤတၢ်ဘျၢလီၤစ့ အတၢ်အိၣ် သးတဖၣ်လီၤ.