ထံကီၢ်ပှၤကူၣ်လိာ်တၢ် သဆၣ်ထီၣ်ကီၢ်ခီဒိၣ်ဒီးကီၢ်စဲၣ်ပဒိၣ်တဖၣ် လၢကမၤတၢ်ဘူးဘူးတံၢ်တံၢ်ဒီးကမျၢၢ်, စံး၀ဲလၢတၢ်သံကွၢ်လၢက မျၢၢ်သံကွၢ်ထီၣ်၀ဲ
ဖဲအပူၤကွံာ်တယံာ်ဘၣ် အတၢ်လဲၤအိၣ်သကိးကီၢ်ခီဒိၣ်ဒီးကီၢ်စဲၣ်တဖၣ်အဆၢကတီၢ်, တၢ်ဘှါၡဲအီၤလၢပဒိၣ်ဘၣ်မူ ဘၣ်ဒါဘၣ်ထွဲတဖၣ် သ့န့ၣ်လီၤ.

"တၢ်လိၣ် တၢ်ရ့လိာ်ဘူးဘူးတံၢ်တံၢ်လၢ ဟီၣ်က၀ီၤပဒိၣ်ဒီးဟီၣ်က၀ီၤကမျၢၢ်အဘၢၣ်စၢၤလီၤ." ဒီၢ်အီၣ်ဆါစူးကၠံၣ် စံး၀ဲလီၤ. လၢခံ၀ံၤ ဒီး, ထံကီၢ်ပှၤကူၣ်လိာ်တၢ်
ကနၣ်၀ဲဟီၣ်က၀ီၤကမျၢၢ်တဖၣ်အကလုၢ် ဒီးၡဲပၠးတၢ်မၤလၢ ပဒိၣ်ကဘၣ်မၤထွဲထီၣ်၀ဲ ဒီးတၢ်အိၣ်သး တၢ် ကဘၣ်မၤသကိးအီၤလၢ ကမျၢၢ်န့ၣ်လီၤ.

ဖဲတၢ်ထံၣ်လိာ်အိၣ်ဖှိၣ်ဒီးကမျၢၢ်အဆၢကတီၢ်, ဟီၣ်က၀ီၤကမျၢၢ်တဖၣ် ပာ်ဖျါထီၣ်၀ဲ, တၢ်ကဘၣ်ဒီသဒၢထံလုၢ်ဘၢတၢ်, တၢ်ကမၢန့ၢ်မၤထွဲဟီၣ် ခိၣ်ဒီ
ဘ့ၣ်ဆူၣ်ချ့တၢ်ကွၢ်ထွဲတၢ်သိၣ်တၢ်သီ, တၢ်ကမၢဆူၣ်မၤထွဲ တၢ်ငါ လီၤဟီၣ်ခိၣ်ခိသွဲ, တၢ်ကတ့ထီၣ်တၢ်ဟးလီၢ် လၢဟီၣ်က၀ီၤကမျၢၢ်ဒီး ကီၢ်ချၢပှၤလဲၤ
တၢ်ဖိအဂီၢ် လၢကီးလၢဟီၣ်က၀ီၤအပူၤ, တၢ်ကအိးထီၣ် ကဒါက့ၤ တၢ်ကိးဆါညၣ်အဖၠါ, တၢ်ကအိးထီၣ်မီၤထီကီၢ်ဆၢြတဲၤ, တၢ် ကမၤထွဲထီၣ်
တၢ်တ့ထီၣ်ထံဂံၢ်ဘါလီမ့ၣ်အူစဲး လၢတနီသရံၣ်ကီၢ်ခီဒိၣ်, တၢ်ကဟ့ၣ်တၢ်စုသ့ခီၣ်ဘၣ်တၢ်သိၣ်လိ, တၢ်ကသိၣ်လိကလုာ်ဒူၣ်အ ကျိာ်တၢ်ရဲၣ်တၢ်ကျဲၤ,
တၢ်ကဆဲးကျိးမၤသကိးတၢ် လၢတၢ်ကဒုးအိၣ် ထီၣ်ကီၢ်ဆၣ်ပတီၢ် တၢ်မၤသကိးတၢ်ကမံးတံာ် လၢကီၢ်ပယီၤဒီးကီၢ်ကၠီၣ်တဲၣ်အဘၢၣ်စၢၤ, တၢ်ကကွၢ်ထွဲ
ကတီၤထံနံၤသ့ၣ်ပှၢ်, တၢ်က ဘှါၡဲဟီၣ်ခိၣ်ကပံာ်တၢ်ဂ့ၢ် လၢ ဘျံးစဲးဖီကဟၣ်တၢ်သ့ၣ်ညါ ဖၠၣ်စိမိၤကၠိ, တၢ်ကမၤစၢ်လီၤတၢ်ြတီတနီၤလၢ တၢ်လဲၤတၢ်လၢပီၣ်လဲၣ်,
တၢ်ကပာ်အါထီၣ်ကၠိသရၣ် လၢဟီၣ်က၀ီၤပူၤ, ဒီးတၢ်ကဘှါၡဲတဂ့ၢ်ကီတနီၤ လၢကမျၢၢ်လၢဘၣ်ကွၢ်ဆၢၣ်မဲာ်ဒီးတၢ်ဆှိးကွီၢ်တဖၣ်လီၤ.

ကီၢ်စၢဖှိၣ်ကိတိာ်ခိၣ် ဒီးတနီသရံၣ်ကီၢ်ခီဒိၣ်ကိတိာ်ခိၣ်ကျၢၢ် ၡဲပၠး၀ဲဘၣ်ဃး တၢ်မၤလၢကိတိာ်ဘၣ်ထွဲ ဒီးကီၢ်ခီဒိၣ်ပဒိၣ်တဖၣ် ကဘၣ် မၤပိာ်ထွဲထီၣ်၀ဲ ဒ်သိး
ကဘှါၡဲတၢ်ဂ့ၢ်ကီလၢ ကမျၢၢ်ပာ်ဖျါထီၣ်၀ဲတဖၣ်လီၤ.

ထံကီၢ်ပှၤကူၣ်လိာ်တၢ် အၢၣ်လီၤစ့ၢ်ကီးလၢကဘှါၡဲတၢ်ဂ့ၢ်ကီ လၢတၢ်ဘှါၡဲအီၤသ့လၢအဆိအချ့ ဒီးသဆၣ်ထီၣ်ပဒိၣ်ဘၣ်မူဘၣ်ဒါ ဒ်သိးကမၤနီၣ်မၤဃါ
တၢ်ဂ့ၢ်ကီတနီၤလၢတၢ်ဘှါၡဲအီၤတသ့တဖၣ်လီၤ.