ခၢၣ်စးလၢကလုာ်ဒူၣ်ဆူၣ်ချ့ကရၢခွံဖု လၢကီၢ်ပယီၤဒီတဘ့ၣ်, အပူၤကွံာ်မၤသၢသီတၢ်အိၣ်ဖှိၣ်တခါဖဲ ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ဒ်သိးကတၢၣ်ပီၣ်
သကိး တၢ်ဂ့ၢ်ကီလၢအ၀ဲသ့ၣ် ဘၣ်ကွၢ်ဆၢၣ်မဲာ်၀ဲ လၢကမၤစၢၤကမျၢၢ်လၢအလိၣ်ဘၣ် တၢ်ဟ့ၣ် ကသံၣ်တၢ်မၤစၢၤ, မ့ၢ်လၢထံဂုၤကီၢ်ဂၤကရူၢ်ဟ့ၣ်တၢ်မၤစၢၤတ ဖၣ်
ထုးကွံာ်တၢ်ရဲၣ်တၢ်ကျဲၤ လၢကီၢ်ကၠီၣ်တဲၣ်-ကီၢ်ပယီၤကီၢ်ဆၢ အဃိလီၤ.

ဆူၣ်ချ့ကရၢလၢ ကညီ, ယိၤဒိၣ်, မိၣ်, ကရနံၣ် ဒီးပယီၤပှၤတ၀ၢ - လၢ အပၣ်ဃုာ်ခၢၣ်စးလၢမဲၢ်တီတၢ်ဆါဟံၣ်တဖၣ်, ဒုးအိၣ်ထီၣ်ကရၢဂံၢ်ဘါ သဃဲၤတခါ
ပကိးလၢ တၢ်မၤဆူၣ်ထီၣ်ကလုာ်ဒူၣ်ဆူၣ်ချ့ အကျိၤအ ကွာ်ကရူၢ်လီၤ. ကရၢတဖၣ်မ့ၢ်ကရၢအိၣ်သူၣ်လီၤအသးလၢ ကီၢ်ကၠီၣ် တဲၣ်-ကီၢ်ပယီၤကီၢ်ဆၢခဲလၢာ်
ဒီးဟူးဂဲၤမၤကသံၣ်တၢ်ရဲၣ်တၢ်ကျဲၤလၢ အလိၣ် လၢအ၀ဲသ့ၣ်တၢ်ထီဒုၣ်ဒါအိၣ် ဟီၣ်က၀ီၤဒၣ်၀ဲအပူၤလီၤ. ဖဲတၢ် အိၣ်ဖှိၣ်၀ဲန့ၣ် တၢ်ဒုးအိၣ်ထီၣ်ကလုာ်ဒူၣ်ဆူၣ် ချ့ကမံး
တံာ်တဖု ဒ်သိး တၢ်ကပာ်လီၤဆူၣ်ချ့ဖီလ်စံၣ် ဒီးတၢ်ဂ့ၢ်တၢ်ကျိၤအကျိၤအကွာ် ဘၣ်ဃးဆူၣ်ချ့တၢ်အိၣ်သး လၢကလုာ်ဒူၣ်ပှၤတ၀ၢပူၤအဂီၢ်လီၤ.

ဆူၣ်ချ့ကရၢခၢၣ်စးတဖၣ် ပာ်ဖျါ၀ဲတၢ်တန့ၢ်ဘၣ်ကသံၣ်ကသီ, တၢ်ဘၣ်အိၣ်ခိးတၢ်ယံာ် လၢကန့ၢ်တၢ်မၤစၢၤလၢတၢ်ကရၢကရိသ့ၣ် တဖၣ် လၢအဆဲးမၤဒံးတၢ်လၢဟီၣ်က၀ီၤပူၤလီၤ.

လၢအပူၤကွံာ်, ကီၢ်ယူၣ်ခ့ၣ်တၢ်မၤစၢၤကရၢ UK Aid မ့ၢ်ကရၢခိၣ်သ့ၣ်လၢအဟ့ၣ် ကသံၣ်တၢ်မၤစၢၤဆူ ဆူၣ်ချ့တၢ်ကွၢ်ထွဲကရၢသ့ၣ် တဖၣ် လၢကီၢ်ကၠီၣ်တဲၣ်-ကီၢ်ပယီၤ
ကီၢ်ဆၢလီၤ. အ၀ဲသ့ၣ်ညီနုၢ်ဆီၣ်ထွဲ ဆူၣ်ချ့တၢ်ကရၢကရိသ့ၣ်တဖၣ်လိၤလိၤ, ဘၣ်ဆၣ်မုၢ်မဆါတ နံၤအံၤ အ၀ဲသ့ၣ်မၤတၢ်ခီဖျိဘီမုၢ်စၢဖှိၣ်ကရၢ၀ဲၤဒၢးလၢ တၢ်တိာ်
ကျဲၤတၢ်မၤန့ၢ်တၢ်အဂီၢ် United Nations Office for Project Services (UNOPS) အဂ့ၢ် တၢ်ကစီၣ်သန့လၢအဟဲလၢ တၢ်ကရၢကရိတဖၣ်စံး၀ဲလီၤ.

အခဲအံၤဆူၣ်ချ့ကရၢ လၢအမၤတၢ်လၢကီၢ်ဆၢတဖၣ် တဒိးန့ၢ်တၢ်မၤစၢၤနီတမံၤလၢကီၢ်ပယီၤပဒိၣ်ဘၣ် ဒီးဆဲးဒိးသန့ၤထီၣ်သးလၢ ထံဂုၤကီၢ်ဂၤကရၢလၢအဆံးလီၤစှၤလီၤန့ၣ်လီၤ.