ငါးခူမွေးမြူရေးစီမံကိန်းသည် ဧရာဝတီတိုင်း၊ ပန်းတနော်မြို့နယ်ရှိ မြေဧက ၉၀၀ ပေါ်တွင် တည်ရှိပြီး ငွေကျပ် ၂၀၀ ဘီလီယံဖြင့်စတင်မည်ဖြစ်ပြီး စီမံကိန်းတွင် တစ်နှစ်လျှင်ငွေကျပ် ယူအက်စ်ဒေါ်လာ ၁၅၀ သန်း ရရှိရန် မျှော်မှန်းထားကြောင်း မြန်မာနိုင်ငံငါးလုပ်ငန်းအဖွဲ့အစည်းမှ ဥက္ကဌဖြစ်သူဦးဌေးမြင့်က ပြောသည်။

ကျွန်တော်တို့က ဧက ၉၀၀ မြေပေါ်မှာ စတင်ဆောင်ရွက်ခဲ့ပါတယ်။ ကနဦးရင်းနှီးမြှုပ်နှံငွေကျပ် ၂၀၀ ဘီလီယံနဲ့စတင်လုပ်ဆောင်ဖို့ စီစဉ်ထားပါတယ်။ ပြည်ပတင်ပို့ဖို့အတွက် တစ်နှစ်မှာ ယူအက်စ်ဒေါ်လာ သန်း ၁၅၀ ရရှိအောင် ငါး ၁၅၀၀၀၀ မွေးမြူမှာပါ။အခုကျွန်တော်တို့ ၆၀ ရာခိုင်နှုန်းလောက် ရွေးထားပါပြီ၊ နိုင်ငံတကာကို ယှဉ်ပြိုင်နိုင်အောင် ကျွန်တော်တို့ ကြိုးစားနေပါတယ် ဟု ၎င်းက ပြောခဲ့သည်။

စီမံကိန်းကို မြန်မာနိုင်ငံငါးဖမ်းအဖွဲ့မှ တည်ထောင်ထားသည့် global Earth Public ကုမ္ပဏီလိမိတက်မှ အကောင်အထည်ဖော်မည်ဖြစ်သည်။ ယခုအခါ ငါးမွေးမြူရေးခြံများနှင့် အဆောက်အဦးများကို ဆောက်လုပ်နေပြီဖြစ်သည်။

အားလုံးဆောက်လုပ်ပြီးစီးဖို့ ရှစ်လကျော်လောက် ကြာပါမယ်။ ဒီနှစ်ထဲ ပြီးမယ်လို့တော့ ကျွန်တော်ထင်ပါတယ်။ ဒါပေမယ့် ကျွန်တော်တို့ထုတ်ကုန်တွေကိုတော့ နောင်နှစ်ထဲမှာပဲ ပြုလုပ်နိုင်မှာပါ။ စျေးကွက်အ ရောင်းမြှင့်တင်ရေးတွေ ပြုလုပ်ဖို့လည်း ကျွန်တော်တို့ စီစဉ်နေပါတယ် ဟု အဖွဲ့၏ ဒုဥက္ကဌ တိုးနန္ဒတင်က ပြောခဲ့သည်။

စီမံကိန်းတွင် သားဖောက်ခြင်း၊ ငါးမွေးမြုရေးခြံ ၊ တိရစ္ဆာန်အစာစက်ရုံ၊ အအေးသိုလှောင်စက်ရုံနှင့် ဝန်ထမ်းအိမ်ရာများ စသည်တို့ပါဝင်သည်။ global Earth Public ကုမ္ပဏီလိမိတက်သည် စီမံကိန်းအကောင် အထည်ပေါ်လာသောအခါ ဆိုင်ရာအဖွဲ့အစည်းများကို ဖိတ်ခေါ်သွားမည်ဖြစ်သည်။