ကီၢ်ပယီၤကဂံၢ်ဃုာ်ဝဲပှၤဘၣ်ကီဘၣ်ခဲဖိအိၣ်လၢကီၢ်ကၠီၣ်တဲၣ်ပူၤဖဲ ၂၀၁၄ နံၣ်တၢ်ထၢထံဖိကီၢ်ဖိနီၣ်ဂံၢ်စရီ

...

ကီၢ်ပယီၤကဂံၢ်ဃုာ်ဝဲပှၤဘၣ်ကီဘၣ်ခဲဖိအိၣ်လၢကီၢ်ကၠီၣ်တဲၣ်ပူၤဖဲ ၂၀၁၄ နံၣ်တၢ်ထၢထံဖိကီၢ်ဖိနီၣ်ဂံၢ်စရီ

Democratic Voice of Burma, 31 Oct 2013

URL: http://english.dvb.no/news/burma-to-count-thailand-refugees-in-2014-census/34045
ကီၢ်ပယီၤတိာ်ကျဲၤဝဲဒၣ်လၢကတၢၣ်ပီၣ်မၤန့ၢ်တၢ်အၢၣ်လီၤဒီးကီၠၣ်တဲၣ်ပှၤန့ၢ်စိန့ၢ်ကမီၤတဖၣ်ဘၣ်ဃးဒီးတၢ်ဒုးပၣ်ဃုာ်ပှၤဘၣ်ကီဘၣ်ခဲဖိလၢအအိၣ်လၢထံဂုၤကီၢ်ဂၤသ့ၣ်တဖၣ်ဖဲတၢ်ထၢထံဖိကီၢ်ဖိနီၣ်အဂီၢ်န့ၣ်လီၤ.

ထံဖိကီၢ်ဖိနီၣ်ဂံၢ်ဒီးထံလီၢ်ကီၢ်ပူၤတၢ်နုာ်လီၤအိၣ်ဆိးကိတိာ်ဝဲၤကျိၤစံးဝဲလၢအဲၣ်ဒိးဒုးပၣ်ဃုာ်ဝဲကီၢ်ပယီၤပှၤဘၣ်ကီဘၣ်ခဲဖိ ၁၃၀,၀၀၀ ဂၤဃၣ်ဃၣ်လၢအအိၣ်ဆိးဖဲကီၢ်ကၠီၣ်တဲၣ်ပူၤတဖၣ်ဖဲ ၂၀၁၄ နံၣ်တၢ်မၤတၢ်ထၢ ထံဖိကီၢ်ဖိနီၣ်ဂံၢ်အဂီၢ်န့ၣ်လီၤ.

မၠံၣ်ခဲၣ်လၢအမ့ၢ်ပှၤပၢဆှၢတၢ်မူဒါခိၣ်ကျၢၢ်လၢထံဖိကီၢ်ဖိနီၣ်ဂံၢ်အဝဲၤကျိၤစံးဘၣ် DVBလၢကီၢ်ပယီၤထံဖိကီၢ်ဖိသ့ၣ်လၢအိၣ်လၢ ထံဂုၤကီၢ်ဂၤတဖၣ်တၢ်ကဂံၢ်ဃုာ်အီၤဖဲတၢ်ထၢဝဲထံဖိကီၢ်ဖိနီၣ်ဂံၢ်လၢကဘၣ်တၢ်မၤအီၤအံၤန့ၣ်လီၤ.

မၠံၣ်ခဲၣ်စံးဝဲ,“ပကသူဝဲဒၣ်ကျိၤကျဲခံဘိလၢပကဂံၢ်ကီၢ်ပယီၤထံဖိကီၢ်ဖိအိၣ်လၢထံဂုၤကီၢ်ဂၤသ့ၣ်တဖၣ်အနီၣ်ဂံၢ်ခီဖျိတၢ်ဃုထံၣ် ပာ်ဖှိၣ်တၢ်ဂ့ၢ်တၢ်ကျိၤလၢအဝဲသ့ၣ်အဟံၣ်ဖိဃီဖိအိၣ်လၢကီၢ်ပယီၤအပူၤသ့ၣ်တဖၣ်အအိၣ်ဒီးလၢထံကီၢ်မီၢ်သီဖဲထံကီၢ်လၢအဝဲ သ့ၣ်အိၣ်ဆိးဝဲအပူၤတဖၣ်အအိၣ်န့ၣ်လီၤ.”

မ့မ့ၢ်လၢပှၤဘၣ်ကီဘၣ်ခဲဖိအိၣ်လၢတအိၣ်ဖဲကီၢ်ပယီၤအပူၤဘၣ်တဖၣ်အဂီၢ်,ပကတၢၣ်ပီၣ်မၤန့ၢ်တၢ်အၢၣ်လီၤလၢထံကီၢ်တဘ့ၣ်စုာ်စုာ်အဟီၣ်ကဝီၤပှၤန့ၢ်စိန့ၢ်ကမီၤတဖၣ်အအိၣ်န့ၣ်လီၤ.

တၢ်ထၢထံဖိကီၢ်ဖိအနီၣ်ဂံၢ်အံၤတၢ်ကမၤအီၤဖဲ ၂၀၁၄ နံၣ်လါမးရှး ၂၉ သီ ဒီးလါအ့ြဖ့ၣ်အသီ ၁၀ အဘၢၣ် စၢၤန့ၣ်လီၤ. ဖဲန့ၣ် အဆၢကတီၢ်ပှၤအိၣ်ဖဲကီၢ်ပယီၤအပူၤတဂၤစုာ်စုာ်ကဘၣ်တၢ်ဂံၢ်အီၤလၢတအိၣ်ဒီးတၢ်ကွၢ်မဲာ်အဝဲသ့ၣ်အကလုာ်ဒူၣ်ဖိဒီးထံဖိကီၢ်ဖိဘၣ်န့ၣ်လီၤ. ကလုာ်ဒူၣ်ဖိဟီၣ်ကဝီၤတဖၣ်လၢအအိၣ်ဒံးလၢတၢ်ဒုးတၢ်ယာ်တဖၣ်အပူၤဒ်အမ့ၢ်ယိၤဒိၣ်ဒီးကခၠ့ၣ်ကီၢ်စဲၣ် သ့ၣ်တဖၣ်ဘၣ်သ့ၣ်သ့ၣ်ကပာ်ဖျါထီၣ်ဝဲဒၣ်တၢ်ဂ့ၢ်ကီသ့ၣ်တဖၣ်န့ၣ်လီၤ. ဘၣ်ဆၣ်ဒီးပဒိၣ်စံးဝဲလၢပှၤရဲၣ်ကျဲၤပၢဆှၢတၢ်ထၢထံ ဖိကီၢ်ဖိနီၣ်ဂံၢ်သ့ၣ်တဖၣ်အံၤကမၤသကိးဃုာ်တၢ်ဒီးပှၤတဝၢဒီးတၢ်ဘူၣ်တၢ်ဘါခိၣ်နၢ်တဖၣ်လၢကထၢပာ်ဖှိၣ်တၢ်ဂ့ၢ်တၢ်ကျိၤလီၤတံၢ်လီၤဆဲးအဂီၢ်န့ၣ်လီၤ.

လၢအပူၤကွံာ်ကီၢ်ပယီၤမၤတ့ၢ်တၢ်ထၢထံဖိကီၢ်ဖိနီၣ်ဂံၢ်ခံဘျီဖဲ ၁၉၇၃ နံၣ်(ထံဖိကီၢ်ဖိနီၣ်ဂံၢ်အိၣ်ဝဲ ၂၈.၉၂ ကကွဲၢ်)ဒီး ၁၉၈၃ နံၣ် (ထံဖိကီၢ်ဖိအါန့ၢ်ဒံး ၃၅ ကကွဲၢ်ဂၤ)န့ၣ်လီၤ. ဖဲန့ၣ်အခါတၢ်တဂံၢ်ဃုာ်ဝဲရိၣ်ဟံကၠၣ်ကလုာ်ဒူၣ်ဖိဘၣ်ဒီးတၢ်တဂံၢ်ဃုာ်ဝဲကမျၢၢ်တ ဖၣ်လၢအိၣ်ဆိးဖဲကလုာ်ဒူၣ်ဟီၣ်ကဝီၤလၢအိၣ်ဒီးတၢ်ဒုးတၢ် ယာ်သ့ၣ်တဖၣ်ဘၣ်န့ၣ်လီၤ.