လါနိၣ်ဝ့ဘၢၣ် ၁၈ သီအနံၤ, ဝ့ၢ်တကူၣ်ပူၤတၢ်ထုးထီၣ်ရၤလီၤတၢ်ကစီၣ်ခီဖျိအမဲရကၣ်မီၢ်သီအံၤပာ်ဖျါထီၣ်ဝဲဒၣ်လၢကီၢ်အမဲရ ကၣ်ပဒိၣ်အၢၣ်လီၤဝဲလၢကဟ့ၣ်မၤစၢၤစ့ ၂၅ ကကွဲၢ်ဒီလၣ်ဆူကီၢ်ပယီၤဒ်သိးကမၤစၢၤပှၤဂ့ၢ်ဝီဘၣ်ထွဲအတၢ်အိၣ်သးလၢပှၤ လီၢ်အိၣ်ကမှံအပှၤတဝၢအိၣ်ဆိးဝဲဖဲရခၢၣ်ကီၢ်စဲၣ်,ကခၠ့ၣ်ကီၢ်စဲၣ်ဒီးကီၢ်ပယီၤမုၢ်ထီၣ်ကလံၤထံးဟီၣ်ကဝီၤအပူၤတဖၣ်ဘၣ်ကွၢ်ဆၢၣ်မဲာ်ဝဲတဖၣ်န့ၣ်လီၤ.

တၢ်ဘိးဘၣ်သ့ၣ်ညါအံၤဘၣ်တၢ်ရၤလီၤအီၤဖဲလၢကီၢ်အမဲရကၣ်,ကီၢ်စွံၣ်စလဲၤ,ဒီးကီၢ်ဘီမုၢ်စၢဖှိၣ်ကရၢမၤဝဲတၢ်ရ့လိာ်မုာ်လိာ်အဂီၢ်တၢ်ဟဲဟးဆူရခၢၣ်ကီၢ်စဲၣ်ဖဲလါနိၣ်ဝ့ဘၢၣ် ၁၁-၁၂ သီအနံၤဒီးဖဲလၢကီၢ်အမဲရကၣ်မီၢ်သီဟဲဟးဝဲဆူကခၠ့ၣ်,ကညီဒီးတ လၢၤကီၢ်စဲၣ်ဖဲလါအီးကထိဘၢၣ်ဒီးလါနိၣ်ဝ့ဘၢၣ်အတီၢ်ပူၤန့ၣ်လီၤ.

စ့လၢတၢ်ဟ့ၣ်လီၤမၤစၢၤအံၤကဆီၣ်ထွဲမၤစၢၤဝဲတၢ်ဒိးန့ၢ်ဘၣ်တၢ်အီၣ်တၢ်အီ,ထံလၢအကဆှီ,တၢ်ကဆှဲကဆှီ,တၢ်ကွၢ်ထွဲ လီၤဆီဖိသၣ်အိၣ်ဖျဲၣ်သီတဖၣ်ဒီးပှၤလၢတၢ်အီၣ်လီၤထုးတဖၣ်ဒီးမၤဂ့ၤထီၣ်က့ၤတၢ်ပျၢ်လီၤထံအကျိၤအကျဲတဖၣ်န့ၣ်လီၤ.

စ့လၢတၢ်ဟ့ၣ်လီၤမၤစၢၤအံၤကမၤကိညၣ်လီၤက့ၤအပူၤကွံာ်တၢ်ဂ့ၢ်ကီလၢဘၣ်တၢ်ယၢၤထီၣ်တ့ၢ်အီၤတဖၣ်ဃုာ်ဒီးတၢ်သူၣ်ထီၣ်ဘှီထီၣ်ဝဲတၢ်အိၣ်ကဒုအလီၢ်တဖၣ်ဒီးတၢ်သူၣ်ထီၣ်ဘှီထီၣ်က့ၤဟံၣ်ဃီဖဲကခၠ့ၣ်ကီၢ်စဲၣ်အပူၤတဖၣ်န့ၣ်လီၤ. ဒီးကဆီၣ်ထွဲလီၤဆီ စ့ၢ်ကီးဝဲထံလီၢ်ကီၢ်ပူၤပှၤလီၢ်အိၣ်ကမှံတဖၣ်,ပှၤတဝၢတၢ်ရဲၣ်တၢ်ကျဲၤတဖၣ်ဒီးကတဲာ်ကတီၤပာ်စၢၤတၢ်အိၣ်သးအဂၢၢ်အကျၢၤလၢနီၢ်ကစၢ်တၢ်သးအိၣ်က့ၤကဒါက့ၤဆူထံလီၢ်ကီၢ်ပူၤအဂီၢ်န့ၣ်လီၤ.