ကီၢ်ယပၣ်ဟ့ၣ်ခွဲးကီၢ်ပယီၤလၢကဒိးန့ၢ်ဘၣ်တၢ်နုာ်လီၤဆူထံလီၢ်ကီၢ်ပူၤအါဘျီအဂီၢ်လံာ်ခီကီၢ်

...

ကီၢ်ယပၣ်ဟ့ၣ်ခွဲးကီၢ်ပယီၤလၢကဒိးန့ၢ်ဘၣ်တၢ်နုာ်လီၤဆူထံလီၢ်ကီၢ်ပူၤအါဘျီအဂီၢ်လံာ်ခီကီၢ်

Bangkok Post, 15 Jan 2014

URL: http://www.bangkokpost.com/news/asia/389735/japan-issues-multiple-entry-visas-for-myanmar
ကီၢ်ယပၣ်ထံရုၤကီၢ်ဂၤကိတိာ်ဝဲၤကျိၤစံးဝဲလၢကီၢ်ယပၣ်ထုးထီၣ်ဟ့ၣ်လီၤဝဲတၢ်နုာ်လီၤဆူအဝဲသ့ၣ်ထံလီၢ်ကီၢ်ပူၤအါဘျီအဂီၢ် လံာ်ခီကီၢ််အံၤဆူပှၤကီၢ်ပယီၤဖိသ့ၣ်တဖၣ်ဒ်အမ့ၢ်တၢ်ထဲးဂံၢ်ထဲးဘါမၤအါထီၣ်ပှၤကီၢ်ပယီၤဖိ်တဖၣ်အတၢ်ဟဲဟးဝဲဆူကီၢ်ယပၣ်ဒီးမၤလဲၢ်ထီၣ်ထံကီၢ်ခံခီယၢ်ဘးအတၢ်လဲလိာ်သ့ၣ်တဖၣ်အဂီၢ်န့ၣ်လီၤ.

တၢ်နုာ်လီၤဆူထံလီၢ်ကီၢ်ပူၤအါဘျီအဂီၢ်လံာ်ခီကီၢ်( multiple visa)အံၤတၢ်ကစးထီၣ်ဟ့ၣ်လီၤအီၤဖဲမုၢ်ပျဲာ်အနံၤဒီးတၢ်ဆိးကါ အီၤန့ၢ်တုၤလၢသၢနံၣ်န့ၣ်လီၤ.ပှၤစိာ်လံာ်ခီကီၢ်သ့ၣ်တဖၣ်အံၤ,လၢအတၢ်လဲၤဟးတဘျီအဂီၢ်အိၣ်ဝဲဖဲကီၢ်ယပၣ်အပူၤန့ၢ်တုၤ လၢ ၁၅ သီန့ၣ်လီၤ.

တၢ်ရဲၣ်တၢ်ကျဲၤအံၤအိၣ်ထီၣ်ဝဲဒ်ထံကီၢ်ခံဘ့ၣ်အံၤမၤဝဲအတၢ်ရ့လိာ်မုာ်လိာ်နံၣ်ဆဲးဆၢက့ၤ ၆၀ နံၣ်အသိးန့ၣ်လီၤ.

တၢ်အိၣ်ဖှိၣ်ထံၣ်လိာ်သကိးသးဒီးကီၢ်ပယီၤကီၢ်ခိၣ်သ့စ့ၣ်ဖဲလါဒံၣ်စဲဘၢၣ်,ဖဲထိၣ်ကယိၣ်အကတီၢ်ကီၢ်ယပၣ်ကိတိာ်ခိၣ်ကျၢၢ် Shinzo Abe အၢၣ်လီၤလၢကဟ့ၣ်ဒုးလိၣ်ဝဲစ့ ၆၃ ဘံ
လံယၢၣ်ယဲ(63 billion yen)ဆူကီၢ်ပယီၤလၢတၢ်ကဒုးအိၣ်ထီၣ်မုၢ်ကျိၤဝဲၤ ကွာ်ဟီၣ်ကဝီၤလီၤဆီအဂီၢ်,မၤဂ့ၤထီၣ်က့ၤလ့ၣ်မ့ၣ်အူကျိၤအပှာ်ဘျးစဲဒီးမၤဂ့ၤထီၣ်တၢ်သူၣ်ထီၣ်ဘှီထီၣ်တၢ်တိာ်ကျဲၤလၢ
အဂၤသ့ၣ်တဖၣ်အဂီၢ်န့ၣ်လီၤ.

ထံကီၢ်ခံဘ့ၣ်အပဒိၣ်အံၤဆဲးလီၤစ့ၢ်ကီးစုမုၢ်ကျၢၢ်ဘၣ်ဃးထံကီၢ်ခံခီယၢ်ဘးအတၢ်ဘျၢလီၤစ့ဒ်သိးကမၤဂ့ၤထီၣ်က့ၤကီၢ်ယပၣ်အတၢ်ဘျၢလီၤစ့ဖဲအ့ရှၢၣ်မုၢ်ထီၣ်ကလံၤထံးထံကီၢ်တဖၣ်အပူၤန့ၣ်လီၤ.