ကီၢ်ပယီၤကလုာ်ဒူၣ်ဖီၣ်စုကဝဲၤကရူၢ်တဖၣ်မၤကတၢၢ်ကွံာ်အတၢ်အိၣ်ဖှိၣ်ဖးဒိၣ်သၢသီဖဲကညီကီၢ်စဲၣ်ဝံၤအလီၢ်ခံ,ကလုာ်ဒူၣ်ခိၣ်နၢ်တဖၣ်ထံၣ်လိာ်သကိးသးဒီးပဒိၣ်ပှၤတၢၣ်ပီၣ်တဲကျဲၤသကိး
တၢ်အခိၣ်,ကိတိာ်ခိၣ်အီၣ်မ့ဖဲမုၢ်ပျဲာ်အနံၤန့ၣ်လီၤ.
ဖဲကံၢ်မဲတၢ်အိၣ်ဖှိၣ်အပူၤ,(NCCT)ကရူၢ်လၢအမ့ၢ်ကလုာ်ဒူၣ်ကရူၢ်ခၢၣ်စးအံၤဟ့ၣ်နီၤလီၤဝဲထံကီၢ်ဒီဘ့ၣ်တၢ်ပတုာ်တၢ်ခးအံၤဒီးအီၣ်မ့န့ၣ်လီၤ.
ကီၢ်ပယီၤကလုာ်ဒူၣ်ဖီၣ်စုကဝဲၤကရူၢ်အါဒၣ်တက့ၢ်,လၢအကစၢ်ဒၣ်ဝဲအကရူၢ်တကရူၢ်စုာ်စုာ်ဆဲးလီၤစုမုၢ်ကျၢၢ်ဘၣ်ဃးတၢ်ပတုာ်တၢ်ခးအတၢ်အၢၣ်လီၤအီလီၤဒီးကီၢ်ပယီၤပဒိၣ်ဖဲအပူၤကွံာ် စှၤကိာ်နံၣ်န့ၣ်လီၤ.ဒီးန့ၣ်ပၠံၣ်ဒီၣ်ဂုာ်ကျဲးစၢးဝဲဒ်သိးဒီးကရူၢ်ခဲလၢာ်ကဆဲးလီၤသကိးစုမုၢ်ကျၢၢ်ဘၣ်ဃးထံကီၢ်ဒီဘ့ၣ်တၢ်ပတုာ်တၢ်ခးအတၢ်အၢၣ်လီၤအီလီၤအံၤတပူၤဃီအဂီၢ်န့ၣ်လီၤ.
ခဲကိာ်တဝီတၢ်ကတိၤသကိးတၢ်လၢအပတီၢ်ထီ(လၢဘၣ်တၢ်မၤယံာ်မၤနီၣ်တ့ၢ်အီၤခံဘျီလံ)အံၤ,တၢ်ကမၤက့ၤအီၤဖဲလါ ဖ့ၣ်ြဘူၤအါရံၤအသီ၂၀အနံၤဖဲကညီဝ့ၢ်ခိၣ်,ဝ့ၢ်ဖါအၣ်အပူၤန့ၣ်လီၤ.
အူအီၣ်မ့စံးဝဲ,တၢ်မုာ်တၢ်ခုၣ်ကရူၢ်အိၣ်ခိးလၢကဒိးန့ၢ်ဘၣ်ဝဲကလုာ်ဒူၣ်ကရူၢ်တၢ်ပတုာ်တၢ်ခးအတၢ်အၢၣ်လီၤအီလီၤအလံာ်ပတြီာ်ဒီးကဒိကနၢ်အဝဲသ့ၣ်အတၢ်ပာ်ဖျါဘၣ်ဃးလံာ်ပတြီာ်
အဆၢတတီၤဘၣ်တတီၤအဂီၢ်န့ၣ်လီၤ.
ကလုာ်ဒူၣ်ခိၣ်နၢ်တဖၣ်စံးဝဲ,ခိၣ်နၢ်သ့ၣ်တဖၣ်ကမၤတၢ်အိၣ်ဖှိၣ်ဒ်အံၤတကလုာ်တဘျီကဒီးဖဲဝ့ၢ်တကူၣ်အပူၤဖဲလါဖ့ၣ်ြဘူၤ အါရံၤလီၤတဝာ်,တချုးလၢဝ့ၢ်ဖါအၣ်တၢ်အိၣ်ဖှိၣ်အံၤအိၣ်ထီၣ်ဒံး
ဘၣ်န့ၣ်လီၤ.
လၣ်မီၣ်ရွှ့ၣ်,ကီၢ်ပယီၤပဒိၣ်တၢ်မုာ်တၢ်ခုၣ်လီၢ်ခၢၣ်သးအပှၤဟ့ၣ်ကူၣ်တၢ်လီၤဆီစံးဝဲလၢတၢ်ကကွဲမုာ်ဝဲအီၣ်စါစူးကၠံၣ်ဖဲတၢ်ကတိၤသကိးတၢ်မုာ်တၢ်ခုၣ်ဖဲဝ့ၢ်ဖါအၣ်အပူၤဒီးလီၤဂာ်လၢအဝဲ
ကဟဲထီၣ်ဝဲတၢ်အိၣ်ဖှိၣ်အံၤန့ၣ်လီၤ.
အီၣ်မ့စံးဝဲ,ဖဲဝ့ၢ်ဖါအၣ်တၢ်အိၣ်ဖှိၣ်အပူၤပဒိၣ်ဒီးကလုာ်ဒူၣ်ခိၣ်နၢ်တဖၣ်ကသ့ၣ်နံၤဖးသီဝဲမုၢ်နံၤမုၢ်သီလၢတၢ်ကဆဲးလီၤသကိးစု မုၢ်ကျၢၢ်ဘၣ်ဃးထံကီၢ်ဒီဘ့ၣ်တၢ်ပတုာ်တၢ်ခးဖဲန့ၣ်ပၠံၣ်ဒီၣ်
အဂီၢ်န့ၣ်လီၤ.