ကီၢ်ပယီၤကီၢ်ခိၣ်သ့စ့ၣ်စံးဝဲလၢပဒိၣ်ကီၢ်စၢဖှိၣ်အတၢ်မၤကျဲအံၤမ့ၢ်ဝဲတၢ်ပညိၣ်လၢခံကတၢၢ်လၢတၢ်ကထုးဂံၢ်ထုးဘါဒုးအိၣ်ထီၣ်ဝဲတၢ်မုာ်တၢ်ခုၣ်လီၤထူလီၤယိာ်ဃုာ်ဒီးကလုာ်ဒူၣ်ဖီၣ်စုကဝဲၤ
ကရူၢ်တဖၣ်အဂီၢ်န့ၣ်လီၤ.ဒီးစံးဝဲလၢကီၢ် စၢဖှိၣ်အတၢ်မၤကျဲအံၤမ့ၢ်ဝဲတၢ်စံၣ်စိၤတဲစိၤအတၢ်အၢၣ်လီၤအီလီၤလၢဟ့ၣ်လီၤအဝဲသ့ၣ်တၢ်အုၣ်ကီၤဒ်သိးကဒိးန့ၢ်ဘၣ်ဝဲနီၢ်ကစၢ်အတၢ်ပၢလီၤအသးဒၣ်
ဝဲအဂီၢ်န့ၣ်လီၤ.
ကီၢ်ခိၣ်အတၢ်ကစီၣ်လၢစံးဂၢၢ်စံးကျၢၤဝဲဖဲစၢဖှိၣ်ကရၢမုၢ်နံၤလၢအမ့ၢ် ၁၉၄၇ နံၣ်တၢ်မၤတၢ်အၢၣ်လီၤအီလီၤလၢပ့ၣ်လိၣ်လံာ်ဃံးဃာ်အနံၣ်ဆဲးဆၢက့ၤအကတီၢ်အံၤ,ဘၣ်တၢ်တူၢ်လိာ်မုာ်အီၤလၢ
ကလုာ်ဒူၣ်ခိၣ်နၢ်တဖၣ်လၢအဃ့ထီၣ်ဝဲတၢ်ဟ့ၣ်နီၤလီၤန့ၢ်အဝဲသ့ၣ်တၢ်စိတၢ်ကမီၤလၢအဟီၣ်ကဝီၤတဖၣ်အပူၤ,ခီဖျိဝဲဒၣ်ကီၢ်စၢဖှိၣ်အတၢ်မၤကျဲအံၤန့ၣ်လီၤ.
သ့စ့ၣ်အတၢ်ကစီၣ်စံးဝဲ,“ကလုာ်ဒူၣ်သ့ၣ်တဖၣ်ခဲလၢာ်ကဘၣ်သူၣ်ထီၣ်ဝဲဒီကလုာ်အတၢ်အိၣ်ဃူအိၣ်ပှိၤလိာ်သးဒိးသန့ၤထီၣ်အသးဒ်“ပ့ၣ်လိၣ်အသးသဟီၣ်”အိၣ်ဝဲအသိးဒီးဆဲးလဲၤ
ဆူညါဒ်သိးကဒိးန့ၢ်ဘၣ်ဒံၣ်မိၣ်ြခ့ၣ်တံးထံကီၢ်လၢအမုာ်အခုၣ်ဒီးချုးစိၤချုးခ့ခါဆၢကတီၢ်,ခီဖျိကီၢ်စၢဖှိၣ်အတၢ်မၤကျဲအပူၤအံၤန့ၣ်လီၤ.”
တၢ်ကစီၣ်အံၤဘၣ်တၢ်ဖးဖျါထီၣ်အီၤခီဖျိကီၢ်ခိၣ်ခံစဲမီၣ်ခါဖဲမူးလၢဘၣ်တၢ်မၤအီၤဖဲန့ၣ်ပၠံၣ်ဒီၣ်အပူၤန့ၣ်လီၤ.လၢမူးအဝဲအံၤကိတိာ်ခိၣ်,သုးမုၢ်သံၣ်ဘိခိၣ်နၢ်တဖၣ်ဒီးပှၤတမှံၤသ့ၣ်တဖၣ်ဟဲထီၣ်ဝဲဒၣ်
လၢအကထိန့ၣ်လီၤ.
ဖဲတၢ်ကစီၣ်အပူၤသ့စ့ၣ်(ပဒိၣ်တၢၣ်ပီၣ်သကိးတၢ်မုာ်တၢ်ခုၣ်ဒီးကလုာ်ဒူၣ်ထီဒါတၢ်ကရူၢ်တဖၣ်)အၢၣ်လီၤဝဲလၢအပဒိၣ်ကဂုာ်ကျဲးစၢးမၤဂၢၢ်ကျၢၤထီၣ်ဒီကလုာ်တၢ်မၤဃူမၤဖိးလိာ်က့ၤတၢ်
“ဃုာ်ဒီးတၢ်မၤသကိးတၢ်ဒီးကမျၢၢ်ဖဲထံကီၢ်ဒီဘ့ၣ်အပူၤန့ၣ်လီၤ.”