တၢ်ဟ့ၣ်သဆၣ်ထီၣ်ပိာ်မုၣ်တဖၣ်ဒ်သိးကနုာ်လီၤပၣ်ဃုာ်ဖဲတၢ်မုာ်တၢ်ခုၣ်အကျိၤအကျဲအပူၤ

...

တၢ်ဟ့ၣ်သဆၣ်ထီၣ်ပိာ်မုၣ်တဖၣ်ဒ်သိးကနုာ်လီၤပၣ်ဃုာ်ဖဲတၢ်မုာ်တၢ်ခုၣ်အကျိၤအကျဲအပူၤ

Democratic Voice of Burma, 12 Feb 2014

URL: http://english.dvb.no/news/women-urged-to-take-part-in-peace-process-burma-myanmar/37141
အူအီၣ်မ့လၢအမ့ၢ်ကီၢ်ပယီၤပဒိၣ်မၤတၢ်မုာ်တၢ်ခုၣ်အခိၣ်,ဟ့ၣ်ကူၣ်ဟ့ၣ်ဖးဝဲဒၣ်လၢတၢ်ကအိၣ်ဒီးပိာ်မုၣ်တဖၣ်အတၢ်နုာ်လီၤပၣ်ဃုာ်ဖဲတၢ်မၤတၢ်မုာ်တၢ်ခုၣ်အကျိၤအကျဲအပူၤန့ၣ်လီၤ.ပိာ်မုၣ်ကအိၣ်ဒီး
တၢ်နုာ်လီၤပၣ်ဃုာ်ဖဲတၢ်တၢၣ် ပီၣ်သကိးတၢ်မုာ်တၢ်ခုၣ်အတၢ်ရဲၣ်တၢ်ကျဲၤလၢတၢ်ကမၤအီၤဖဲတယံာ်တမီၢ်အံၤအပူၤန့ၣ်လီၤ.
အပူၤကွံာ်မုၢ်ဘူၣ်အနံၤဖဲလၢတၢ်နဲၣ်ဖျါဒွဲလၤအတၢ်သ့တၢ်ဘၣ်ဖဲဝ့ၢ်တကူၣ်ပူၤအကတီၢ်,ကိတိာ်ခိၣ်ကတိၤတၢ်ဒီး DVB တၢ်ကစီၣ်ဒီးစံးဝဲလၢခါဆူညါတၢ်ထံၣ်လိာ်အိၣ်သကိးဒီးကလုာ်ဒူၣ်ဖီၣ်စုကဝဲၤ ကရူၢ်တဖၣ်,လၢတၢ်ဂုာ်ကျဲးစၢးမၤန့ၢ်ထံကီၢ်ဒီဘ့ၣ်တၢ်ပတုာ်တၢ်ခးဒီးတၢ်ဒိးန့ၢ်ဘၣ်ထံရူၢ်ကီၢ်သဲးတၢ်ဘၣ်လီၢ်ဘၣ်ဆးလၢယံာ်ဝဲထၢဝဲအဂီၢ်အံၤအပူၤကဘၣ်ပၣ်ဃုာ်ဝဲဒီးပိာ်မုၣ်အကလုၢ်န့ၣ်လီၤ. ဖဲလၢအပူၤကွံာ်တၢ်တၢၣ်ပီၣ်သကိးတၢ်သ့ၣ်တဖၣ်အပူၤပိာ်မုၣ်အကလုၢ်ဘူးလၢတပၣ်ဃုာ်ဝဲဘၣ်န့ၣ်လီၤ.
ကီၢ်ပယီၤပိာ်မုၣ်မၤသကိးတၢ်ကရၢ(WLB)လၢအအိၣ်သူၣ်ထီၣ်အသးဒီးပိာ်မုၣ်တၢ်ခွဲးတၢ်ယာ်တၢ်ကရၢကရိ၁၃ဖုအံၤတူၢ်လိာ်မုာ်ဝဲကိတိာ်ခိၣ်အတၢ်တိာ်သူၣ်ပာ်သးန့ၣ်လီၤ.ဒ်လဲၣ်ဂ့ၤWLBစံးဝဲလၢ
ပိာ်မုၣ်သ့ၣ်တဖၣ်လၢအနုာ်လီၤပၣ်ဃုာ်ဖဲတၢ်မုာ်တၢ်ခုၣ်အကျိၤအကျဲအပူၤအံၤကြၢးဘၣ်မ့ၢ်ပှၤသ့ၣ်တဖၣ်လၢအဆၢထၢၣ်ဝဲဒၣ်လၢပိာ်မုၣ်အိၣ်ဖဲထံလီၢ်ကီၢ်ပူၤသ့ၣ်တဖၣ်အခၢၣ်စးန့ၣ်လီၤ.

WLBခိၣ်နၢ်ဖးဒိၣ်မံၣ်စူၣ်ပွံၣ်စံးဝဲ,“တၢ်အဝဲအံၤမ့ၢ်တၢ်ကစီၣ်အဂ့ၤလၢပဂီၢ်န့ၣ်လီၤ.ဒ်လဲၣ်ဂ့ၤပသူၣ်ကိၢ်သးဂီၤလၢပိာ်မုၣ်လၢဘၣ်တၢ်ကွဲမုာ်အီၤဆူတၢ်အိၣ်ဖှိၣ်တဖၣ်ကမ့ၢ်ဘၣ်ဖုးထဲလၢတၢ်ပာ်ဖျါထီၣ်အ
ဝဲသ့ၣ်အတၢ်ဟဲပာ်ဖျါထီၣ်အသးဖဲတၢ်အိၣ်ဖှိၣ်အပူၤ(လၢတအိၣ်ဒီးတၢ်နုာ်လီၤပၣ်ဃုာ်ဘၣ်တၢ်)အဂီၢ်န့ၣ်လီၤ.”
WLBကရၢဖိသ့ၣ်တဖၣ်အံၤဟ့ၣ်တၢ်သိၣ်လိဆူပိာ်မုၣ်သ့ၣ်တဖၣ်ဒ်သိးပိာ်မုၣ်သ့ၣ်တဖၣ်ကနၢ်ပၢၢ်အါထီၣ်ထံရူၢ်ကီၢ်သဲးအဂီၢ်န့ၣ်လီၤ.တၢ်သ့တၢ်ဘၣ်အတၢ်သိၣ်လိအတၢ်ရဲၣ်တၢ်ကျဲၤအံၤကမၤစၢၤအဝဲ
သ့ၣ်ဒ်သိးကဒိးန့ၢ်ဘၣ်ဝဲမူဒါဘၣ်ဃးထံကီၢ်ဂ့ၢ်ဝီတဖၣ်န့ၣ်လီၤ.
NCCTကမံးတံာ်ဖိခူၣ်အူကၣ်နာ်ဝဲဒၣ်လၢပိာ်မုၣ်အတၢ်နုာ်လီၤပၣ်ဃုာ်အံၤကဒုးအိၣ်အါထီၣ်တၢ်မၤနၢၤလၢတၢ်တၢၣ်ပီၣ်သကိးတၢ်အပူၤန့ၣ်လီၤ.ဒ်လဲၣ်ဂ့ၤအဝဲဟ့ၣ်ကူၣ်ဟ့ၣ်ဖးဝဲဒၣ်လၢပိာ်မုၣ်တဖၣ်အ
တၢ်နုာ်လီၤပၣ်ဃုာ်ဖဲခါဆူညါတၢ်အိၣ်ဖှိၣ်အပူၤအံၤကြၢးဒိးသန့ၤထီၣ်အသးလၢပိာ်မုၣ်ကရူၢ်တကရူၢ်စုာ်စုာ်အတၢ်ဆၢတဲာ်လၢအဝဲသ့ၣ်ကဃုထၢထီၣ်မတဂၤလၢကလဲၤထီၣ်တၢ်အိၣ်ဖှိၣ်လဲၣ်န့ၣ်လီၤ.