ကညီသီခါဒီးတၢ်အိၣ်ဖှိၣ်သရၣ်တဖၣ်ပာ်ဖျါထီၣ်အတၢ်ဆီၣ်ထွဲမၤစၢၤလၢတၢ်မုၢ်တၢ်ခုၣ်အကျိၤအကျဲအဂီၢ်

...

ကညီသီခါဒီးတၢ်အိၣ်ဖှိၣ်သရၣ်တဖၣ်ပာ်ဖျါထီၣ်အတၢ်ဆီၣ်ထွဲမၤစၢၤလၢတၢ်မုၢ်တၢ်ခုၣ်အကျိၤအကျဲအဂီၢ်

ီDemocratic Voice of Burma, 14 Mar 2014

URL: http://www.dvb.no/news/karen-monks-pastors-voice-support-for-peace-process-burma-myanmar/38434
တနွံညါအံၤအတီၢ်ပူၤကညီလုာ်ဒူၣ်တၢ်ဘူၣ်တၢ်ဘါခိၣ်နၢ်တဖၣ်(သီခါဒီးခရံာ်ဖိတၢ်ဘူၣ်တၢ်ဘါခံခါလၢာ်)ထံၣ်လိာ်အိၣ်ဖှိၣ်သကိးဝဲဖဲဝ့ၢ်ဖၣ်အၣ်ဒ်သိးကတၢၣ်ပီၣ်သကိးအဝဲသ့ၣ်အတၢ်နုာ်လီၤပၣ်ဃုာ်ဖဲ ကညီဖီၣ်စုကဝဲၤကရူၢ်ဒီးပယီၤပဒိၣ်အဘၢၣ်စၢၤတၢ်သူၣ်ထီၣ်တၢ်မုာ်တၢ်ခုၣ်အံၤန့ၣ်လီၤ.

သီခါစဲဟၤဝါရၣ်( Sandhawara)စံးဝဲလၢသီခါဒီးတၢ်အိၣ်ဖှိၣ်သရၣ်အါန့ၢ် ၉၀ ဂၤလၢကီၢ်ပယီၤဒီတဘ့ၣ်အပူၤ-ပၣ်ဃုာ်ဒီးဝ့ၢ်တကူၣ်,အ့ၣ်ယၣ်ဝတံၣ်,တနီသရံၣ်ဒီးမၠၣ်ဝတံၣ်ကီၢ်ခီတဖၣ်,တလၢၤဒီးကညီကီၢ်စဲၣ်တ ဖၣ်ဆ့ၣ်နီၤအိၣ်ဖှိၣ်သကိးဝဲဖဲသူၣ်မ့ၣ်ဟၣ်ရမၣ်(Thumaydharama)သီခါဖၠၣ်ဖဲကညီဝ့ၢ်ခိၣ်သ့ၣ်ဖဲလါမးရှး ၁၁-၁၂ သီအနံၤန့ၣ်လီၤ.

အဝဲစံးဝဲ,“ ဖဲတၢ်သူၣ်ထီၣ်တၢ်မုာ်တၢ်ခုၣ်အကျိၤအကျဲအပူၤကီၢ်ပယီၤပဒိၣ်ဒီးခ့ၣ်အဲၣ်ယူၣ်တုၤထီၣ်ထီၣ်ဘးဝဲဒၣ်လၢတၢ်မၤတၢ်ပတုာ်တၢ်ခးအတၢ်အၢၣ်လီၤအီလီၤလံန့ၣ်လီၤ.ဘၣ်ဆၣ်ဒီးပအဲၣ်ဒိးဃုကျဲဒ်သိးကဆီၣ်ထွဲမၤစၢၤဒီး ဟ့ၣ်တၢ်ဆီၣ်သနံးတၢ်ရဲၣ်တၢ်ကျဲၤအံၤကလဲၤအသးဆူညါဆူတၢ်မုၢ်လၢ်ကွၢ်စိလၢတၢ်ကသူၣ်ထီၣ်ဝဲတၢ်မုာ်တၢ်ခုၣ်နီၢ်နီၢ်အဂီၢ်န့ၣ်လီၤ.”

အဝဲတဲအါထီၣ်ဝဲ,“ပနာ်လၢထဲဒၣ်တၢ်ဘူၣ်တၢ်ဘါခိၣ်နၢ်အတၢ်နုာ်လီၤပၣ်ဃုာ်ဖဲတၢ်မုာ်တၢ်ခုၣ်အကျိၤအကျဲအပူၤ အံၤကမၤလီၤတံၢ်ဝဲတၢ်ဒိးန့ၢ်ဘၣ်တၢ်မုာ်တၢ်ခုၣ်နီၢ်နီၢ်လၢအဆိအချ့န့ၣ်လီၤ.”

တၢ်ဘူၣ်တၢ်ဘါခိၣ်နၢ်(၉၀)ဂၤမၤကတၢၢ်က့ၤတၢ်အိၣ်ဖှိၣ်ခီဖျိတၢ်ဘိးဘၣ်ရၤလီၤဝဲတၢ်ဂ့ၢ်ဃိးထံၣ်လၢအပာ်ဖျါထီၣ် တၢ်ဆီၣ်ထွဲမၤစၢၤတၢ်သူၣ်ထီၣ်တၢ်မုာ်တၢ်ခုၣ်အကျိၤအကျဲဒီးမၢန့ၢ်ဆီၣ်ခံဝဲတၢ်အိၣ်ဒီးတၢ်တီတၢ်လိၤဒီး တၢ်တကွၢ် မဲာ်တၢ်ဖဲတၢ်တၢၣ်ပီၣ်တဲကျဲၤသကိးတၢ်အပူၤဘၣ်တဂ့ၤအဂီၢ်န့ၣ်လီၤ.တၢ်ဃ့ထီၣ်စ့ၢ်ကီးဝဲလၢတၢ်အိၣ်ဒီးတၢ်ဟ့ၣ် တၢ်သ့ၣ်ညါဘၣ်ဃးတၢ်မုာ်တၢ်ခုၣ်အကျိၤအကျဲတၢ်ရဲၣ်တၢ်ကျဲၤဆူကမျၢၢ်န့ၣ်လီၤ.