ဟီၣ်ခိၣ်ကပံာ်သၢအ့ကၢၣ်စုာ်စုာ်လၢတၢ်ဟံးန့ၢ်ဆူၣ်ကွံာ်အီၤတဖၣ်အဂီၢ်တနီသရံၣ်ကီၢ်ခီပဒိၣ်ဟ့ၣ်လီၤက့ၤထဲဒၣ်“ဟံၣ်တဖျၢၣ်အဂီၢ်”ဟီၣ်ခိၣ်လီၢ်တကဝီၤဆူပှၤမၤစံာ်ဖိလၢတၢ်ဟံးန့ၢ်ဆူၣ်ကွံာ်အဟီၣ်ခိၣ်က
ပံာ်တဖၣ််န့ၣ်လီၤ.ဖဲလၢအပူၤကွံာ်တနံၣ်စံာ်လီၢ်သ့ၣ်တဖၣ်အံၤဘၣ်တၢ်ဟံးန့ၢ်ဆူၣ်အီၤခီဖျိတနီသရံၣ်ပဒိၣ်,လၢတၢ်ကဒုးအိၣ်ထီၣ်တၢ်တိာ်ကျဲၤလၢတၢ်သူၣ်ထီၣ်ဘှီထီၣ်အဂီၢ်ဖဲဒဝဲၢ်အဝ့ၢ်ပူၤပၣ်ဃုာ်ဒီး နီၢ်ကစၢ်ပၢဘၣ်တၢ်ဆါဟံၣ်,ပဒိၣ်တၢ်သူၣ်ထီၣ်ဒီးဟံၣ်ဃီတနီၤလၢလီၢ်ကဝီၤဖိတဖၣ်အဂီၢ်န့ၣ်လီၤ.

ဟီၣ်ခိၣ်ကပံာ်လၢတၢ်ဟံးန့ၢ်ဆူၣ်အီၤ(၃၀၀)အ့ကၢၣ်အံၤအဖီခိၣ်တၢ်စူးကါဝဲထဲဒၣ်(၁၀၀)အ့ကၢၣ်လၢတၢ်တိာ်ကျဲၤအဂီၢ်န့ၣ်လီၤ.တနီသရံၣ်ပဒိၣ်အိၣ်ဒီးတၢ်တိာ်ပာ်လၢကဟ့ၣ်လီၤက့ၤဝဲဟီၣ်ခိၣ်ကပံာ်
လၢအအိၣ်တ့ၢ်ဒံး(၁၀၀)အ့ကၢၣ်အံၤဆူပှၤမၤစံာ်ဖိလၢတၢ်ဟံးန့ၢ်ဆူၣ်ကွံာ်အဟီၣ်ခိၣ်တဖၣ်န့ၣ်လီၤ.ဒ်ပဒိၣ်အတၢ်ရဲၣ်တၢ်ကျဲၤအိၣ်လၢကဟ့ၣ်နီၤလီၤက့ၤဝဲဟီၣ်ခိၣ်ကပံာ်အိၣ်တ့ၢ်သ့ၣ်တဖၣ်အံၤ
အဖီခိၣ်တၢ်နီၤဖးလီၤက့ၤဝဲဟီၣ်ခိၣ်ကပံာ်သ့ၣ်တဖၣ်အံၤလၢတၢ်ကသူၣ်ထီၣ်ဟံၣ်ဃီအလီၢ်တဖၣ်လၢအလဲၢ်အိၣ်ဝဲ(၄၀x၆၀)ခီၣ်ယီၢ်စုာ်စုာ်န့ၣ်လီၤ.

ပှၤမၤစံာ်ဖိတနီၤနီၤလၢတၢ်ဟံးန့ၢ်ဆူၣ်ကွံာ်အဟီၣ်ခိၣ်ကပံာ်တဖၣ်တဒိးန့ၢ်ဘၣ်ဝဲ“ဟံၣ်တဖျၢၣ်အဂီၢ်”ဟီၣ်ခိၣ်ကပံာ်လီၢ်ဒံးဘၣ်န့ၣ်လီၤ.လၢတၢ်န့ၣ်အဃိဒုးအိၣ်ထီၣ်ဝဲတၢ်ဂ့ၢ်လိာ်ဘှီလိာ်
တဖၣ်ဒီးပှၤန့ၢ်စိန့ၢ်ကမီၤတဖၣ်န့ၣ်အဂ့ၢ်,အူထိထိဝ့လၢဒဝဲၢ်ပှၤမၤစံာ်ဖိဒီးပှၤသူၣ်အီၣ်ဖျးအီၣ်တၢ်စၢဖှိၣ်ကရၢစံးဝဲန့ၣ်လီၤ.

အူထိထိဝ့စံးဝဲ,“ပှၤမၤစံာ်ဖိတဖၣ်အံၤတၢ်တဟ့ၣ်လီၤအီၤအခွဲးလၢကဖံးအီၣ်မၤအီၣ်တၢ်ဖဲအဝဲသ့ၣ်အစံာ်လီၢ်လီၢ်လံၤတဖၣ်အပူၤအံၤဘၣ်န့ၣ်လီၤ.ပှၤမၤစံာ်ဖိအဟီၣ်ခိၣ်
ကပံာ်လၢတၢ်ဟံးန့ၢ်ကွံာ်တဖၣ်အံၤတၢ်ဒုးကဲထီၣ်က့ၤအီၤလၢ“ဟံၣ်တဖျၢၣ်အဂီၢ်”ဟီၣ်ခိၣ်လီၢ်တဖၣ်န့ၣ်လီၤ.ဘၣ်ဆၣ်ဒီးပှၤမၤစံာ်ဖိသ့ၣ်တဖၣ်တတူၢ်လိာ်တၢ်အံၤဘၣ်န့ၣ်လီၤ.အဝဲသ့ၣ်တဖၣ်တ
အဲၣ်ဒိးလၢတၢ်ကဒုးကဲထီၣ်က့ၤအစံာ်ပျီတဖၣ်လၢဟံၣ်အလီၢ်အကျဲဘၣ်န့ၣ်လီၤ.

အူထိထိဝံစံးစ့ၢ်ကီးဝဲဒၣ်လၢပှၤမၤစံာ်ဖိတဖၣ်အံၤဆှၢထီၣ်လံာ်ပတံသကွံၢ်ကညးတၢ်ဆူပဒိၣ်ဝဲၤကျိၤဘၣ်ထွဲဘၣ်ဃးတဖၣ်ဒီးကီၢ်ခိၣ်သ့စ့ၣ်ဘၣ်ဆၣ်အဝဲသ့ၣ်တဒိးန့ၢ်ဘၣ်
တၢ်စံးဆၢနီတမံၤဒံးဘၣ်န့ၣ်လီၤ.