သုးခိၣ်ကျၢၢ်ဒိၣ်စိစီၤတၢ်မျၢ်ဘီမ့ၢ်ကညီခိၣ်နၢ်လၢဘၣ်တၢ်ပာ်ကဲအီၤအါကတၢၢ်တဂၤလဲၤပူၤကွံာ်ဝဲလံန့ၣ်လီၤ.အသးသမူဘၣ်ဟးထီၣ်ကွံာ်ဝဲဖဲမုၢ်လ့ဧိၤအနံၤလါယူၤ၂၆သီမုၢ်နၤခီ(၉.၂၄)နၣ်ရံၣ်အဆၢကတီၢ်ဖဲကီၢ်ကၠီၣ်တဲၣ်ကီၢ်ဆၢဝ့ၢ်မုၢ်ယုၢ်န့ၣ်လီၤ.

သုးခိၣ်ကျၢၢ်ဒိၣ်စိစီၤတၢ်မျၢ်ဘီမ့ၢ်ကညီခိၣ်နၢ်လၢဘၣ်တၢ်ပာ်ကဲအီၤအါကတၢၢ်တဂၤလၢအံၤပူၤကွံာ်လံန့ၣ်လီၤ.အသးသမူဘၣ်ဟးထီၣ်ကွံာ်ဝဲဖဲမုၢ်လ့ဧိၤအနံၤလါယူၤ၂၆သီမုၢ်နၤခီ(၉.၂၄)နၣ်ရံၣ်အဆၢကတီၢ်ဖဲကီၢ်ကၠီၣ်တဲၣ်ကီၢ်ဆၢဝ့ၢ်မုၢ်ယုၢ်န့ၣ်လီၤ.

သုးခိၣ်ကျၢၢ်ဒိၣ်စိစီၤတၢ်မျၢ်ဘီမ့ၢ်ပှၤတဂၤလၢဟ့ၣ်လီၤသးဒုးတၢ်လၢကဒိးန့ၢ်ဘၣ်က့ၤတၢ်သဘျ့,နီၢ်ကစၢ်တၢ်ပၢလီၤက့ၤသးလၢကညီဖိသ့ၣ်တဖၣ်အဂီၢ်ဒီးပှၤလၢအိၣ်လၢကီၢ်ပယီၤအပူၤသ့ၣ်တဖၣ်ခဲလၢာ်အဂီၢ်န့ၣ်လီၤ.ကီၢ်ပယီၤပှၤဂဲၤလိာ်တၢ်လၢအိၣ် လၢကီၢ်အဲကလံးအပူၤဘိးဘၣ်ရၤလီၤဝဲလၢကမျၢၢ်အမဲာ်ညါဒီးစံးဝဲ,“သုးခိၣ်ကျၢၢ်ဒိၣ်စိစီၤတၢ်မျၢ်ဘီမ့ၢ်အတၢ်အိၣ်မူမ့ၢ်တၢ်ဂ့ၢ်မိၢ်ပှၢ်လၢတၢ်သဘျ့ဒီးနီၢ်ကစၢ်တၢ်ဒိးပၢလီာ်သးအဂီၢ်န့ၣ်လီၤ.နာ်ဝဲလၢလကလုာ်ဒူၣ်ဖိကိးကလုာ်ဒဲးလၢအိၣ်လၢကီၢ်ပယီၤ အပူၤကအိၣ်ဃူအိၣ်ဖိးဘၣ်ဝဲန့ၣ်လီၤ.အဝဲဆၢတဲာ်လီၤအသးလၢကဒုးအိၣ်ထီၣ်တၢ်ထဲသိးတုၤသိးလၢကီၢ်ပယီၤအပူၤန့ၣ်လီၤ.အဝဲမ့ၢ်ပှၤကူၣ်တၢ်သ့လၢထံရူၢ်ကီၢ်သဲးအကျိၤအကျဲဒီးတလီၤထွံလီၤယွၤလၢထံရူၢ်ကီၢ်သဲးတၢ်ကွဲန့ၢ်လွဲန့ၢ်ခီဖျိမီၤစိရိၤအ တၢ်ပၢတၢ်ြပးဘၣ်န့ၣ်လီၤ..”

သုးခိၣ်ကျၢၢ်ဒိၣ်စိစီၤတၢ်မျၢ်ဘီအတၢ်အၢၣ်လီၤဒီးပှၤကလုာ်ကညီဖိဖဲအဝဲမ့ၢ်ကညီဒီကလုာ်စၢဖှိၣ်ကရၢကီၢ်ခိၣ်အကတီၢ်န့ၣ်လီၤ.ကီၢ်ပယီၤပှၤဂဲၤလိာ်တၢ်လၢအိၣ်လၢကီၢ်အဲကလံးအပူၤဟ့ၣ်တၢ်ယူၤယီၣ်ဆူသုးခိၣ်ကျၢၢ်ဒိၣ်စိစီၤတၢ်မျၢ်ဘီတချုးဒံးလၢ အဝဲမၤတၢ်လၢတၢ်ကညီတၢ်ဂဲၤလိာ်လၢတၢ်သဘျ့အဂီၢ်ဒံးဘၣ်အကတီၢ်သုးခိၣ်ကျၢၢ်ဒိၣ်စိစီၤတၢ်မျၢ်ဘီမ့ၢ်တ့ၢ်အဲကလံးအသုးတဂၤဖဲကီၢ်ပယီၤန့ၢ်တၢ်သဘျ့ဝံၤအလီၢ်ခံန့ၣ်လီၤ.သုးခိၣ်ကျၢၢ်ဒိၣ်စိစီၤတၢ်မျၢ်ဘီ“ထီဘိဒုးသ့ၣ်နီၣ်ထီၣ်ဝဲကီၢ်ပယီၤပှၤ ဂဲၤလိာ်တၢ်လၢအိၣ်လၢကီၢ်အဲကလံးအပူၤတဖၣ်ဒ်အမ့ၢ်ဒ့ၣ်ကမၢ်လီၤဆီလၢကိၢ်အဲကလံးကဘၣ်ဟ့ၣ်ဆၢက့ၤပှၤကညီဖိသ့ၣ်တဖၣ်ဒ်အမ့ၢ်ထံကီၢ်မၤသကိးတၢ်ဖဲတၢ်ဒုးခံဘျီတဘျီအကတီၢ်န့ၣ်လီၤ.အဝဲတတ့ၢ်စၢ်လီၤအတၢ်မုၢ်လၢ်နီတဘျီဘၣ်မုၢ် ကအိၣ်ဝဲတနံၤအဲကလံးပဒိၣ်ကဟ့ၣ်လၤဟ့ၣ်ကပီၤက့ၤဝဲဒ့ၣ်ကမၢ်အဝဲန့ၣ်ဒီးတၢ်အၢၣ်လီၤလၢအၢၣ်လီၤတ့ၢ်လံဒီးကညီဖိလၢကမၤစၢၤပှၤကညီဖိသ့ၣ်တဖၣ်အတၢ်ဂုာ်ကျဲးစၢးလၢနီၢ်ကစၢ်တၢ်ဆၢတဲာ်န့ၣ်လီၤ.လၢတၢသးအုးဖးဒိၣ်အပူၤအဝဲတထံၣ် ဘၣ်ဝဲဒၣ်မုၢ်နံၤအဝဲန့ၣ်လၢဟဲတုၤဒံးဘၣ်အဃိလီၤ.အဝဲမုၢ်လၢ်စ့ၢ်ကီးလၢလၢမုၢ်ကအိၣ်ဝဲတနံၤလၢအဲကလံးပဒိၣ်ကဟ့ၣ်ဆၢက့ၤအီၤသုးအမံၤတုာ်ပှၢ်လဲဒ်အဝဲသ့အၢၣ်လီၤတ့ၢ်လံဝဲဒီးအီၤန့ၣ်လီၤ.”