ကီၢ်ပယီၤအၢၣ်လီၤတူၢ်လိၣ်ဝဲဒၣ်လၢကတ့ထီၣ်ဝဲတိၤခံဘိတဘိလၢကခီဂာ်ဃီၤဝဲဒၣ်သူမွဲကျိအထံဝၢ်ခီလၢမၠးဝဒံၤဝ့ၢ်,ဖဲလၢတၢ်လီၢ်လၢပနံာ်ဃီၤဃၤအါမးဘၣ်တၢ်ဆါတၢ်ပှ့ၤအီၤလၢပှၤမၤမုာ်ကျိၤဝဲၤကွာ်သ့ၣ်တဖၣ်လၢကီၢ်ကၠီၣ်တဲာ်အပူၤန့ၣ်လီၤ.တၢ် တ့ထီၣ်ဘှီထီၣ်အံၤဆၢမုၢ်လၢ်တ့ၢ်ဝဲဒၣ်လၢကဘၣ်တၢ်စးထီၣ်အီၤဖဲ(၂၀၁၅)နံၣ်ထီၣ်အဆိကတၢၢ်ဒီးကဝံၤဝဲဖဲနံၣ်ဝဲအံၤအတီၢ်ပူၤန့ၣ်လီၤ.

ဒ်တၢ်ဂ့ၢ်တၢ်ကျိၤဟဲဝဲဒၣ်လၢပှၤလၢအထီၣ်တ့ၢ်ဝဲတၢ်အိၣ်ဖှိၣ်ဖဲမုၢ်ဖီဖးအနံၤလၢအမ့ၢ်ဝဲပှၤဘၣ်မူဘၣ်ဒါဒီးကီၢ်ပယီၤအံၣ်ကၠ့နယၢၢ်ဒီးကီၢ်ကၠီၣ်တဲာ်သ့ၣ်တဖၣ်အဘၢၣ်စၢၤဖဲဝ့ၢ်မဲဆီးလၢအအိၣ်တၤဂာ်လိာ်သးဒီးမၠးဝဒံၣ်ဝ့ၢ်န့ၣ်လီၤ.ကတိၤစ့ၢ်ကီးဝဲ ဒၣ်လၢ,ခံကပၤလၢာ်အၢၣ်လီၤတူၢ်လိၣ်လိာ်သးလၢကၠီၣ်တဲၣ်ကတ့ထီၣ်ဝဲဒၣ်တိၤလၢအအိၣ်ဝဲလွံၢ်ကျိၤလၢအိၣ်စီၤစုၤလိာ်သးဒီးတိၤလၢအိၣ်ပာ်စၢၤခဲအံၤတမံၣ်လာ်လၢအအိၣ်သူၣ်လီၤသးဆူကလံၤစိးတကပၤန့ၣ်လီၤ.အတၢ်ပညိၣ်မ့ၢ်ဝဲဒ်သိးကပျဲ ဝဲပနံာ်တၢ်ကၤသ့ၣ်တဖၣ်ကလဲၤအသးကွ့ၢ်ကွ့ၢ်ဒီးချ့ချ့အဂီၢ်န့ၣ်လီၤ.

တိၤခံဘိတဘိအံၤစ့ကလၢာ်ဝဲအါန့ၢ်(၃)ကထိကွဲၢ်ဒီးစ့ပယီၤန့ၣ်လီၤလၢ်ဝဲ(၉၁.၄၈)ကထိကွဲၢ်ဒ်သိးကအိၣ်ဒီးအကံၢ်အစီလၢအကျၢၤလၢပှၤကစိာ်ခီတၢ်ဃၢ(၁၀၀)တၣ်သ့ၣ်တဖၣ်အဂီၢ်န့ၣ်လီၤ.

ကျဲလၢအဘူးဃီၤဆူကီၢ်ပယီၤတခီန့ၣ်တၢ်ကတ့အီၤဒ်ဟီၣ်ခိၣ်ဘီမုၢ်အတၢ်ပာ်လီၤအတီၤပတီၢ်န့ၣ်လီၤ.တိၤဆိတဘိန့ၣ်ဘၣ်တၢ်တ့ထီၣ်တ့ၢ်ဝဲဒၣ်လၢကၠီၣ်တဲၣ်ဒီးစးထီၣ်ဝဲဖဲလါအီကူး(၁၅)သီ(၁၉၉၇)န့ၣ်လီၤ.ကွၢ်လီၤဂၤဒ်သိးဒီးခီပနံၣ်လၢကၠီၣ် တဲၣ်ကီၢ်ပူၤလၢအမၤဂ့ၤဘှီဂ့ၤထီၣ်က့ၤဝဲဒၣ်တိၤဒ်သိးကကျၢၢ်အဂီၢ်ဖဲလါယူၤလံ(၂၀၀၆)နံၣ်ဒီးလီၤလၢစ့(၄၀)ကကွဲၢ်န့ၣ်လီၤ.တၢ်ဆဲးဘှီဂ့ၤထီၣ်က့ၤအတၢ်ဖံးတၢ်မၤအံၤဝံၤဝဲတဲာ်ဝဲလၢလၢပှဲၤပှဲၤလၢခံကတၢၢ်ဖဲလါယူၤ(၁)သီလၢနံၣ်ဝဲအံၤအပူၤန့ၣ်လီၤ.

ဖဲကၠီၣ်တဲၣ်သုးစးထီၣ်ဖီၣ်က့ၤတၢ်စိတၢ်ကမီၤဖဲလါမ့ၤအကတၢၢ်န့ၣ်,ထဲဒၣ်ပနံၣ်ဃီၤဃာ်လၢတၢ်ပာ်ပနီၣ်ဒီးတၢ်ဟ့ၣ်အီၤအခွဲးလၢကခီဝဲဆူတၢ်လီၢ်လၢအမ့ၢ်ဝဲသူမွဲကျိချံအသန့န့ၣ်လီၤ.ပှၤမၤကၤတၢ်ဖိလၢမၠးဝဒံၣ်တခီတဲဝဲလၢတိၤခံဘိတဘိန့ၣ်လိၣ် ဘၣ်ဝဲဒၣ်မ့ၢ်လၢသိလ့ၣ်ဖးဒိၣ်သ့ၣ်တဖၣ်ခီဝဲဒၣ်တိၤအါထီၣ်အဃိန့ၣ်လီၤ.

တၢ်အိၣ်သးလၢမုၢ်မဆါတနံၤညါအံၤန့ၣ်လၢတိၤအဖိခိၣ်ကျဲကတံာ်ဝဲအါထီၣ်ထီဘိန့ၣ်လီၤ.တိၤခံဘိတဘိမ့ၢ်ကဲထီၣ်ဝံၤမးတၢ်ဆှၢနုာ်လီၤပနံာ်ဃီၤဃၢၤအတၢ်လဲၤထီၣ်လဲၤလီၤကညီထီၣ်ဝဲဒီးမၠးဝဒံၣ်ကီၢ်ဆၢဟီၣ်ကဝီၤတဖၣ်ကကတံာ်အါထီၣ်န့ၣ် လီၤ.ပှၤဆါတၢ်ပှ့ၤတၢ်ဖိလၢမၠးဝဒံၣ်တဂၤတဲဖျါထီၣ်တ့ၢ်ဝဲဒၣ်န့ၣ်လီၤ.