ဟီၣ်ခိၣ်လီၤလာ်မၤဟးဂူာ်ဟးဂီၤဝဲကရ့ၣ်နံၣ်ဒဲကဝီၤအဃိပှၤသံ(၁)ဂၤဒီးလီၢ်မၢ်ကွံာ်(၁)ဂၤ
ဟီၣ်ခိၣ်လီၤလာ်မၤဟးဂူာ်ဟးဂီၤဝဲကရ့ၣ်နံၣ်ဒဲကဝီၤအဃိပှၤသံ(၁)ဂၤဒီးလီၢ်မၢ်ကွံာ်(၁)ဂၤ
Democratic Voice of Burma, 28 Aug 2014
URL: http://www.dvb.no/news/landslide-devastates-karenni-refugee-camp-1-dead-1-missing-burma-myanmar/43634
ဟီၣ်ခိၣ်လီၤလာ်ကဲထီၣ်အသးခီဖျိလၢမူခိၣ်စူၤဖးဒိၣ်လၢတအိၣ်ပတုာ်ဘၣ်အဃိပှၤပိာ်ခွါဘၣ်သံဝဲတဂၤလၢကရ့ၣ်နံၣ်ဒဲကဝီၤဖဲဝ့ၢ်မဲဟီၣ်ဆီၣ်ကီၢ်ရ့ၣ်လၢကၠီၣ်တဲၣ်ကီၢ်ကလံၤစိးတကပၤန့ၣ်လီၤ.
ပှၤဘၣ်မူဘၣ်ဒါလၢဒဲကဝီၤစံးဝဲဒၣ်လၢတၢ်စူၤထံအါအါဂီၢ်ဂီၢ်ဝဲအံၤမၤဟးဂီၤကွံာ်ဝဲပှၤဒဲကဝီၤဖိအဟံၣ်အဖျၢၣ်(၁၀၀)ဘျဲၣ်န့ၣ်လီၤ.
မူခိၣ်စူၤလီၤဝဲဖးဒိၣ်ဖဲမုၢ်ယူာ်မုၢ်နၤခီဒီးမုၢ်ပျဲၤဂီၤခီမၤဟးဂီၤကွံာ်ဝဲတၢ်ဆါဟံၣ်,ကၠိဒီးပိၤမုာ်တၢ်အိၣ်တၢ်ဆိးအလီၢ်,ဒီးဟံၣ်အဖျၢၣ်(၁၀၀)ဘျဲၣ်ဖဲကဝီၤဒိၣ်(B)အပူၤအဂ့ၢ်,ဒဲကဝီၤခိၣ်ခံဂၤတဂၤလၢအမ့ၢ်သရၣ်မုၣ်နီၣ်ခုၣ်ဖီစံးဝဲဒၣ်န့ၣ်လီၤ.
အဝဲစံးဝဲ,“ဟံၣ်(၂၅)ဖျၢၣ်ဟးဂီၤကွံာ်ဝဲဒီးဟံၣ်(၉၈)ဖျၢၣ်တခီဟးဂီၤဝဲဒိၣ်ဒိၣ်ကလဲာ်န့ၣ်လီၤ.ကၠိလီၤဘျၢကွံာ်ဝဲဒီးဟံၣ်တဖျၢၣ်လီၤထွံပိာ်ကွံာ်ဝဲထံအခံန့ၣ်လီၤ.”
ပှၤလၢအသံတဂၤန့ၣ်တၢ်သ့ၣ်ညါအီၤလၢအမ့ၢ်ဝဲတ့ရဲၣ်အသးအိၣ်ဝဲ(၄၀)နံၣ်ဒီးတၢ်ပာ်ဖျါဝဲဒၣ်ပှၤလၢအလီၢ်မၢ်တဂၤတခီမ့ၢ်ဝဲတိရဲၣ်အသးအိၣ်ဝဲ(၅၃)နံၣ်န့ၣ်လီၤ.ဖဲလၢထံဒိၣ်လီၤဟဲဆီၣ်သနံးတၢ်အဆၢကတီၢ်န့ၣ်အဝဲသ့ၣ်ခံဂၤလၢာ်လဲၤမၤတၢ် လၢစံာ်ပျီလၢအိၣ်စီၤစုၤဝဲဒီးဒဲကဝီၤ(၂၀)ကံလိမံထၢၣ်န့ၣ်လီၤ.
ဖဲမုၢ်လ့ၤဧိၤအနံၤန့ၣ်ထံမ့လီၤက့ၤသနာ်က့တၢ်တမှံၤတပှီာ်သ့ၣ်တဖၣ်အိၣ်ပှဲၤဝဲလၢဒဲကဝီၤပူအဃိပှၤဘၣ်ကီဘၣ်ခဲဒဲကဝီၤဖိသ့ၣ်တဖၣ်ဘၣ်သုးအလီၢ်အကျဲဆူတၢ်လီၢ်အဂၤ(မ့)ဟံၣ်လၢအအိၣ်လၢတၢ်လီၢ်ထီၣ်ထီတဖၣ်န့ၣ်လီၤ.
ဒဲကဝီၤကမံတံာ်စံးဝဲဒၣ်လၢတၢ်ဟးဂူာ်ဟးဂီၤသ့ၣ်တဖၣ်အိၣ်ထဲလဲၣ်န့ၣ်တၢ်တထိၣ်ဒွးဘၣ်အီၤဒံးဘၣ်.ကရ့ၣ်နံၣ်ဒဲကဝီၤနီၣ်ဂံၢ်(၁)အပူၤပှၤဘၣ်ကီဘၣ်ခဲဖိခဲလၢာ်အိၣ်ဝဲ(၃၀၀၀)ဂၤဃၣ်ဃၣ်န့ၣ်လီၤ.
ကၠီၣ်တဲၣ်တၢ်ကစီၣ်‘မဲၣ်နံၣ်ကၠၢၣ်အီၤလဲ’ပာ်ဖျါထီၣ်ဝဲဒၣ်လၢပှၤဘၣ်မူဘၣ်ဒါလၢသုးတဖၣ်ဒီးကီၢ်ဆၣ်အပှၤမုာ်သးမကလီတၢ်ဖိသ့ၣ်တဖၣ်ဒုးအိၣ်ထီၣ်ဝဲပှၤမၤစၢၤ/မၤပူၤဖျဲးတၢ်ဖိကရူၢ်( rescue teams)ဒ်သိးကလဲၤမၤစၢၤဝဲတၢ်အဂီၢ်န့ၣ်လီၤ.
ပှၤဘၣ်မူဘၣ်ဒါလၢဒဲကဝီၤစံးဝဲဒၣ်လၢတၢ်စူၤထံအါအါဂီၢ်ဂီၢ်ဝဲအံၤမၤဟးဂီၤကွံာ်ဝဲပှၤဒဲကဝီၤဖိအဟံၣ်အဖျၢၣ်(၁၀၀)ဘျဲၣ်န့ၣ်လီၤ.
မူခိၣ်စူၤလီၤဝဲဖးဒိၣ်ဖဲမုၢ်ယူာ်မုၢ်နၤခီဒီးမုၢ်ပျဲၤဂီၤခီမၤဟးဂီၤကွံာ်ဝဲတၢ်ဆါဟံၣ်,ကၠိဒီးပိၤမုာ်တၢ်အိၣ်တၢ်ဆိးအလီၢ်,ဒီးဟံၣ်အဖျၢၣ်(၁၀၀)ဘျဲၣ်ဖဲကဝီၤဒိၣ်(B)အပူၤအဂ့ၢ်,ဒဲကဝီၤခိၣ်ခံဂၤတဂၤလၢအမ့ၢ်သရၣ်မုၣ်နီၣ်ခုၣ်ဖီစံးဝဲဒၣ်န့ၣ်လီၤ.
အဝဲစံးဝဲ,“ဟံၣ်(၂၅)ဖျၢၣ်ဟးဂီၤကွံာ်ဝဲဒီးဟံၣ်(၉၈)ဖျၢၣ်တခီဟးဂီၤဝဲဒိၣ်ဒိၣ်ကလဲာ်န့ၣ်လီၤ.ကၠိလီၤဘျၢကွံာ်ဝဲဒီးဟံၣ်တဖျၢၣ်လီၤထွံပိာ်ကွံာ်ဝဲထံအခံန့ၣ်လီၤ.”
ပှၤလၢအသံတဂၤန့ၣ်တၢ်သ့ၣ်ညါအီၤလၢအမ့ၢ်ဝဲတ့ရဲၣ်အသးအိၣ်ဝဲ(၄၀)နံၣ်ဒီးတၢ်ပာ်ဖျါဝဲဒၣ်ပှၤလၢအလီၢ်မၢ်တဂၤတခီမ့ၢ်ဝဲတိရဲၣ်အသးအိၣ်ဝဲ(၅၃)နံၣ်န့ၣ်လီၤ.ဖဲလၢထံဒိၣ်လီၤဟဲဆီၣ်သနံးတၢ်အဆၢကတီၢ်န့ၣ်အဝဲသ့ၣ်ခံဂၤလၢာ်လဲၤမၤတၢ် လၢစံာ်ပျီလၢအိၣ်စီၤစုၤဝဲဒီးဒဲကဝီၤ(၂၀)ကံလိမံထၢၣ်န့ၣ်လီၤ.
ဖဲမုၢ်လ့ၤဧိၤအနံၤန့ၣ်ထံမ့လီၤက့ၤသနာ်က့တၢ်တမှံၤတပှီာ်သ့ၣ်တဖၣ်အိၣ်ပှဲၤဝဲလၢဒဲကဝီၤပူအဃိပှၤဘၣ်ကီဘၣ်ခဲဒဲကဝီၤဖိသ့ၣ်တဖၣ်ဘၣ်သုးအလီၢ်အကျဲဆူတၢ်လီၢ်အဂၤ(မ့)ဟံၣ်လၢအအိၣ်လၢတၢ်လီၢ်ထီၣ်ထီတဖၣ်န့ၣ်လီၤ.
ဒဲကဝီၤကမံတံာ်စံးဝဲဒၣ်လၢတၢ်ဟးဂူာ်ဟးဂီၤသ့ၣ်တဖၣ်အိၣ်ထဲလဲၣ်န့ၣ်တၢ်တထိၣ်ဒွးဘၣ်အီၤဒံးဘၣ်.ကရ့ၣ်နံၣ်ဒဲကဝီၤနီၣ်ဂံၢ်(၁)အပူၤပှၤဘၣ်ကီဘၣ်ခဲဖိခဲလၢာ်အိၣ်ဝဲ(၃၀၀၀)ဂၤဃၣ်ဃၣ်န့ၣ်လီၤ.
ကၠီၣ်တဲၣ်တၢ်ကစီၣ်‘မဲၣ်နံၣ်ကၠၢၣ်အီၤလဲ’ပာ်ဖျါထီၣ်ဝဲဒၣ်လၢပှၤဘၣ်မူဘၣ်ဒါလၢသုးတဖၣ်ဒီးကီၢ်ဆၣ်အပှၤမုာ်သးမကလီတၢ်ဖိသ့ၣ်တဖၣ်ဒုးအိၣ်ထီၣ်ဝဲပှၤမၤစၢၤ/မၤပူၤဖျဲးတၢ်ဖိကရူၢ်( rescue teams)ဒ်သိးကလဲၤမၤစၢၤဝဲတၢ်အဂီၢ်န့ၣ်လီၤ.