ပှၤလၢထံၣ်လိာ်တဲသကိးတၢ်လၢတၢ်ဃူတၢ်ဖိးအတၢ်ရဲၣ်တၢ်ကျဲၤသ့ၣ်တဖၣ်အံၤ,ခံခီယၢ်ပၤလၢာ်,ပာ်လီၤအသးကျၢၤမုဆှုလၢတၢ်နာ်န့ၢ်လိာ်သးဒီးတၢ်အၢၣ်လီၤလိာ်သး အံၤအိၣ်ဂၢၢ်ကျၢၤဒံးဝဲဒၣ်န့ၣ်လီၤ.တၢ်ကတိၤသကိးဖဲဝ့ၢ်တကူၣ်လၢအဘၣ်ဃးဒီးတၢ်မၤဝံၤက့ၤဝဲကီၢ်ဒီဘ့ၣ်တၢ်ပတုာ်တၢ်ခးတၢ်ကွဲးပတြီာ်လၢတလၢထီၣ်ပှဲၤထီၣ်ဝဲဒံးဘၣ် ,ဒီးတၢ်ဒုးကဲထီၣ်ဝဲဒၣ်လၢကလုာ်ဒူၣ်ဒီးကီၢ်ပယီၤပဒိၣ်သုးသ့ၣ်တဖၣ်အဘၢၣ်စၢၤန့ၣ်လီၤ.

လါစဲးပထ့ဘၢၣ်(၂၂-၂၆)သီအတၢ်ကတိၤသကိး(၆)ဝီတဝီဘၣ်တၢ်ရဲၣ်ကျဲၤဝဲဒၣ်လၢကီၢ်ပပယီၤပဒိၣ်ကီၢ်စၢဖှိၣ်တၢ်သူၣ်ထီၣ်တၢ်မုာ်တၢ်ခုၣ်ကမံတံာ်မၤတၢ်(UPWC) ဒီးကီၢ်ဒီတဘ့ၣ်တၢ်ပတုာ်တၢ်ခးပှၤတီခိၣ်ရိၣ်မဲတၢ်ကရူၢ်(NCCT)န့ၣ်လီၤ.

တၢ်အိၣ်ဖှိၣ်ဝံၤဝဲအလီၢ်ခံန့ၣ်တၢ်ဒုးကဲထီၣ်ဝဲဒၣ်လၢတလၢၤဒီးကညီကီၢ်စဲၣ်ဟီၣ်ကဝီၤအပူၤလၢကလုာ်ဒူၣ်ဖီၣ်စုကဝဲၤအသုးသ့ၣ်တဖၣ်ဒီးကီၢ်ပယီၤပဒိၣ်သုးသ့ၣ်တ ဖၣ်အဘၢၣ်စၢၤန့ၣ်လီၤ.

ကီၢ်ဒီတဘ့ၣ်တၢ်ပတုာ်တၢ်ခးပှၢ်တီခိၣ်ရိၣ်မဲတၢ်ကရူၢ်(NCCT)အခိၣ်လၢအမ့ၢ်နဲၣ်ဟၣ်သၣ်စံးဝဲဒၣ်လၢတၢ်ကဲထီၣ်သး(၂)ခါအံၤအဖီခိၣ်တကြၢးပပာ်ပနီၣ်အီၤလၢတၢ် ဃူတၢ်ဖိးအတၢ်ရဲၣ်တၢ်ကျဲၤအံၤအိၣ်ဝဲဒၣ်ဒီးတၢ်ကီတၢ်ခဲဘၣ်.

နဲၣ်ဟၣ်သၣ်,စံးဝဲဒၣ်လၢကီၢ်ဒီတဘ့ၣ်တၢ်ပတုာ်တၢ်ခးပှၤတီခိၣ်ရိၣ်မဲတၢ်ကရူၢ်(NCCT)အကရၢဖိသ့ၣ်တဖၣ်နာ်ဝဲဒၣ်လၢကီၢ်ပယီၤပဒိၣ်အိၣ်ဒီးတၢ်ဟ့ၣ်လီၤသးလၢ တၢ်ဃူတၢ်ဖိးအဂီၢ်နီၢ်နီၢ်န့ၣ်လီၤ.

အဝဲစံးစ့ၢ်ကီးဝဲဒၣ်လၢ,တၢ်ကီတၢ်ခဲဒ်လဲၣ်မ့ၢ်ဂ့ၤ,ပှာ်သုးကျဲၤတၢ်အခိၣ်သ့ၣ်သ့ၣ်တဖၣ်ဒီးခိၣ်နၢ်လၢတၢ်ဖီခိၣ်သ့ၣ်တဖၣ်ခံခီကပၤလၢာ်ကဘၣ်အိၣ်ဒီးတၢ်မၤနၢၤန့ၣ်လီၤ. ပကဘၣ်အိၣ်ဒီးတၢ်ပာ်လီၤသးဂၢၢ်ဂၢၢ်ကျၢၤကျၢၤဒီးမၤသကိးတၢ်လၢတၢ်သးစူၤအပူၤဒီးပကတုၤဃီၤဆူပတၢ်ဃူတၢ်ဖိးအဖီတၢၣ်န့ၣ်လီၤ.

ပိာ်ထွဲထီၣ်အခံ,ဖဲလၢတၢ်တဲသကိးတၢ်လၢလါအီကူးအပူၤန့ၣ်,ကလုာ်ဒူၣ်ဒီးကီၢ်ပဒိၣ်ပှၤရဲၣ်ကျဲၤတၢ်သ့ၣ်တဖၣ်စံးဝဲဒၣ်လၢအဝဲသ့ၣ်နာ်ဝဲလၢတၢ်ကတိၤသကိးအံၤ တုၤဃီၤဝဲဒၣ်လံလၢတၢ်အိၣ်သးလၢအရ့ဒိၣ်အကတီၢ်လံ,တကးဘၣ်ဃုာ်ဒီး တၢ်အၢၣ်လီၤအီလီၤအံၤတုၤဃီၤဝဲဒၣ်ဆူတၢ်သိၣ်တၢ်တၢ်သီမိၢ်ပှၢ်လၢအမ့ၢ်ဝဲကီၢ်စၢဖှိၣ်သနူဒီးတၢ်ဂ့ၢ်အဂုၤအဂၤလၢအဘၣ်ထွဲဒီးတၢ်ဘှီဘၣ်မၤဂ့ၤထီၣ်က့ၤတၢ်ဘံၣ် တၢ်ဘၢအသနၢၣ်သ့ၣ်တဖၣ်န့ၣ်လီၤ.

အူအီၤမ့လၢအမ့ၢ်ပှၤသုးကျဲၤတၢ်လၢတၢ်တဲသကိးအခိၣ်လၢကီၢ်ပဒိၣ်တခီစံးဝဲစ့ၢ်ကီးလၢ,ပတအိၣ်ဒီးတၢ်ထံၣ်တၢ်ပာ်သူၣ်ပာ်သးလၢအမ့ၢ်ဝဲတၢ်ခံခီခံကပၤဘၣ်. ခဲအံၤပမ့ၢ်ဒၣ်တၢ်ပှၤတဖုဃီဧိၤန့ၣ်လီၤ.

အဝဲတၢ်ပာ်ဖျါထီၣ်သ့ၣ်တဖၣ်ဘၣ်တၢ်မၤပိာ်ထွဲထီၣ်အခံလၢကလုာ်ဒူၣ်သ့ၣ်တဖၣ်န့ၣ်လီၤ.လၢတၢ်အိၣ်ဖှိၣ်သၢသီအတီၢ်ပူၤအံၤလီၤဂာ်ဝဲဒ်သိးဒီးနၤနၤယၤယၤတၢ် ကတိၤဒီးတၢ်ပာ်သူၣ်ပာ်သးဒ်သိးအံၤလီၤမၢ်ကွံာ်ဝဲဒၣ်န့ၣ်လီၤ.ပဂုာ်ကျဲးစၢးဃုထံၣ် န့ၢ်တၢ်အိၣ်သးဒီးဆၢတုၤဃီၤဆူတၢ်ဃူတၢ်ဖိးလၢအမ့ၢ်အတီနီၢ်နီၢ်န့ၣ်လီၤ. ပဒိၣ်ကွဲၤထူဝ့လၢအမ့ၢ်ကီၢ်ဒီတဘ့ၣ်တၢ်ပတုာ်တၢ်ခးပှၢ်တီခိၣ်ရိၣ်မဲတၢ်ကရူၢ်(NCCT)အပှၤပၢၤလီၢ်ဆ့ၣ်နီၤခံဂၤတဂၤစံးဝဲဒၣ်န့ၣ်လီၤ.

တၢ်တဲသကိးဖဲလါစဲးပထ့ဘၢၣ်အပူၤအံၤန့ၣ်တၢ်ပညိၣ်ဝဲဒၣ်ဘၣ်ဃးဒီၣ်တၢ်ဂ့ၢ်လၢအကီတဖၣ်လၢတၢ်ဃူတၢ်ဖိးအတၢ်ရဲၣ်တၢ်ကျဲၤအဂီၢ်,တၢ်မုၢ်လၢခါဆူညါလၢ ကလုာ်ဒူၣ်ဖီၣ်စုကဝဲၤကရူၢ်ဒီးကီၢ်ပဒိၣ်သုးမုၢ်သံၣ်ဘိအဂီၢ်လၢတၢ်ဘၣ်ဂံာ်ဂူာ်လၢကီၢ်ပယီၤအပူၤန့ၣ်လီၤ.

တၢ်လဲၤထီၣ်လဲၤထီဃၢဝဲဒၣ်လၢအဘၣ်ဃးဒီးကီၢ်ပဒိၣ်သုးခၢၣ်စးတဖၣ်က့ၤကဒါက့ၤဝဲတၢ်ဂ့ၢ်လၢအမ့ၢ်တၢ်ဘံၣ်တၢ်ဘၢတနီၤလၢတၢ်ကမၤသီထီၣ်ထံရူၢ်ကီၢ်သဲးတၢ်
ဂ့ၢ်တၢ်ကျိၤအက့ၢ်အဂီၤတၢ်လဲလိာ်လၢအမ့ၢ်ထံရူၢ်ကီၢ်သဲးအဟီၣ်ခိၣ်ဂီၤ,တၢ်မၤအကျိၤအကျဲလၢတၢ်မၤဖျါထီၣ်အီၤအဂီၢ်,လၢတၢ်ဆၢတဲာ်လၢတၢ်ရဲၣ်ကျဲၤဝဲလၢထံ ရူၢ်ကီၢ်သဲးအဂ့ၢ်အကျိၤအဆၢကတီၢ်တၢ်ဆီတလဲအီၤဆူကီၢ်စၢဖှိၣ်ထံကီၢ်အဂီၢ်န့ၣ်လီၤ.

ကလုာ်ဒူၣ်ခိၣ်နၢ်သ့ၣ်တဖၣ်ပာ်အသးကျၢၤမုဆှုလၢအဝဲသ့ၣ်တသးဟးဂီၤဝဲဒၣ်လၢကီၢ်ပဒိၣ်သုးတဖၣ်အတၢ်ဆီတလဲလၢအဘၣ်ဃးဒီးတၢ်ဆီတလဲဝဲတၢ်ဃ့ထီၣ် သ့ၣ်တဖၣ်ဘၣ်.

ခံခီယၢ်ပၤလၢာ်မၤဘၣ်က့ၤဝဲတၢ်သ့ၣ်တဖၣ်ခဲလၢာ်ဒီးတဘၣ်ပာ်ဒ့ၣ်ပာ်ကမၣ်လိာ်သးဘၣ်အဂ့ၢ်န့ၣ်စလဲမူၤဆၣ်ခီလၢအမ့ၢ်ကီၢ်ဒီတဘ့ၣ်တၢ်ပတုာ်တၢ်ခးပှၤတီခိၣ်ရိၣ် မဲတၢ်ကရူၢ်(NCCT)ကရၢဖိတဂၤစံးဝဲဒၣ်လီၤ.

တၢ်ဒုးအိၣ်ထီၣ်တၢ်သူးဟူးသးဂဲၤအပတီၢ်လၢကီၢ်ပဒိၣ်အတၢ်နာ်န့ၢ်ဒီးယူးယီၣ်ပာ်ကဲဝဲကလုာ်ဒူၣ်ဖီၣ်စုကဝဲၤသ့ၣ်တဖၣ်လၢအမ့ၢ်တၢ်အသီတခါဒီးမ့ၢ်တၢ်အၢၣ်လီၤ အီၤလီၤလိာ်သးလၢတၢ်ဒုးအိၣ်ထီၣ်ထံရူၢ်ကီၢ်သဲးအကျိၤအကျဲဃုာ်ဒီးတၢ်အိၣ် သးသဟီၣ်လၢအရ့ဒိၣ်ဝဲဒီးလီၤစၢၤတုၤဝဲဒၣ်ဆူကီၢ်ပဒိၣ်သ့ၣ်တဖၣ်န့ၣ်လီၤ.

ကီၢ်ပဒိၣ်နာ်ဝဲပှၤဒီးဒိးသန့ၤထီၣ်ဝဲဒၣ်လၢပဖီခိၣ်,ပတၢ်ပာ်သးတီတီလိလိၤဆူတၢ်ဃူတၢ်ဖိးတၢ်တီတၢ်လိၤလၢတၢ်အိၣ်သးဘးဃးစုကဝဲၤအတၢ်ဘၣ်ဂံာ်ဂူာ်န့ၣ်လီၤ. အဝဲအံၤနဲၤဟၣ်သၣ်စံးဝဲဒၣ်န့ၣ်လီၤ.