ကညီခၢၣ်စးကရၢဒီးပဒိၣ်ကးတံာ်ဃာ်ပဲတြီကတိၤသကိးတၢ်

...

ကညီခၢၣ်စးကရၢဒီးပဒိၣ်ကးတံာ်ဃာ်ပဲတြီကတိၤသကိးတၢ်

Democratic Voice of Burma, 06 Oct 2014

URL: http://english.dvb.no/news/karen-groups-hold-closed-door-talks-with-government-burma-myanmar/44764
ခ့ၣ်အဲၣ်ယူၣ်(KNU)ဒီးကညီစၢဖှိၣ်ဒီးတၢ်မုာ်တၢ်ခုၣ်ကမံးတံာ်(KUPC)ခၢၣ်စးတဖၣ်ဃုာ်ဒီးကညီဘျီၣ်ဒိၣ်ပှၤမၤတၢ်ဖိ,ကမျၢၢ်ပှၤတဝၢကရၢဖိတဖၣ်ဒီးကညီပှၤဖီၣ်စုကဝဲၤကရူၢ်တဖၣ်မၤတၢ်ထံၣ်လိာ်အိၣ်ဖှိၣ်ဒီးပယီၤပဒိၣ်ခိၣ်နၢ်တဖၣ်ဖဲမုၢ်ဘူၣ်အနံၤ ဖဲဝ့ၢ်တီအူဒ်သိးကတၢၣ်ပီၣ်သကိးဝဲကျိၤကျဲလၢကဟဲစိာ်န့ၢ်တၢ်ဃူတၢ်ဖိးဒီးတၢ်မုာ်တၢ်ခုၣ်လၢကညီဖိတဖၣ်အဂီၢ်န့ၣ်လီၤ.

ပှၤလၢဟဲထီၣ်တၢ်အိၣ်ဖှိၣ်တဖၣ်မ့ၢ်ဝဲမါည့မီၣ်လၢခ့ၣ်အဲၣ်ယူၣ်(KNU)လီၢ်ခၢၣ်သးကမံးတံာ်,ကညီဂ့ၢ်ဝီကိတိာ်ခိၣ်လၢတၢ်ပၢတၢ်ြပးလီၢ်ကဝီၤတဘျူးတီၤဖဲကီၢ်ပယီၤအပူၤ,ကညီကလုာ်ဒူၣ်ပၣ်တံၣ်အကရၢဖိဃုာ်ဒီးပၣ်တံၣ်အပှၤပၢၤလီၢ်ဆ့ၣ်နီၤခံ ဂၤတဂၤ,ဒီးကညီကလုာ်ဒူၣ်ဘျီၣ်ဒိၣ်ပှၤမၤတၢ်ဖိတဖၣ်န့ၣ်လီၤ.

ခ့ၣ်အဲၣ်ယူၣ်(KNU)လီၢ်ခၢၣ်သးကမံာ်တံာ်ဖိစီလၣ်ထိစံးဝဲလၢပၣ်တံၣ်သ့ၣ်တဖၣ်ဒိးန့ၢ်ဘၣ်ဝဲတၢ်အၢၣ်လီၤတူၢ်လိာ်ဘၣ်ဃးတၢ်ဂ့ၢ်ကီအါကလုာ်ဖဲတၢ်အိၣ်ဖှိၣ်ကတၢၢ်ကွံာ်ဝဲအခါန့ၣ်လီၤ.ကညီခၢၣ်စးတဖၣ်ဃ့ထီၣ်ဝဲတၢ်မၤသကိးအါထီၣ်တၢ်လၢ ကဟဲစိာ်ဃီၤဝဲတၢ်ဃူတၢ်ဖိးဒီးတၢ်မုာ်တၢ်ခုၣ်လၢကညီဖိတဖၣ်အဂီၢ်န့ၣ်လီၤ.ကညီဖိလၢလဲၤထီၣ်တၢ်အိၣ်ဖှိၣ်တဖၣ်ပာ်ဖျါထီၣ်ဝဲဒၣ်လၢအဝဲသ့ၣ်သးလီၤပလိာ်ဝဲဒၣ်ဒီးပဒိၣ်လၢကဘၣ်မၤပတုာ်ကွံာ်စုကဝဲၤတၢ်ဘၣ်ဂံာ်ဂူာ်တဖၣ်ဒီးအိၣ်ဒီးတၢ်သူၣ် စူၤသးစူၤန့ၣ်လီၤ.လၢခံကတၢၢ်ကညီဘျီၣ်ဒိၣ်ပှၤမၤတၢ်ဖိတဖၣ်သးလီၤပလိာ်လၢကဂဲၤလိာ်ဝဲဆူၣ်ဆူၣ်ဒ်သိးကဒီသဒၢဝဲကလုာ်ဒူၣ်ဂံၢ်ခီၣ်ထံးတၢ်ခွဲးတၢ်ယာ်တဖၣ်ဒီးကဟ့ၣ်တၢ်အုၣ်ကီၤလၢကညီသးစၢ်ကမုာ်လၤသးခုဘၣ်ဝဲတၢ်အိၣ်မူခါဆူညါလၢ အဂ့ၤအဂီၢ်န့ၣ်လီၤ.

တကတီၢ်ဃီတၢ်မုၢ်လၢ်ပာ်ဝဲဒၣ်လၢဒံၣ်ခ့ၣ်ဘံၣ်အ့ၣ်(DKBA)သုးရ့ၣ်(၅)ကထံၣ်လိာ်အိၣ်ဖှိၣ်သကိးဒီးကီၢ်ပဒိၣ်တဖၣ်ဖဲမုၢ်ဆၣ်အနံၤဒ်သိးကတၢၣ်ပီၣ်သကိးဘၣ်ဃးတၢ်ဟ့ၣ်လီၤက့ၤစုကဝဲၤတဖၣ်လၢအဝဲသ့ၣ်ဖီၣ်ချုးန့ၢ်ဝဲလၢပယီၤသုးအအိၣ်ဖဲ လၢအပူၤကွံာ်တနွံတၢ်ဒုးတၢ်ယာ်အခါန့ၣ်လီၤ.

သုးခိၣ်ဒိၣ်ဖိစဲအီၣ်စံးဝဲ,“အပူၤကွံာ်တနွံတၢ်ဒုးတၢ်ယာ်အံၤတမ့ၢ်တၢ်ပနီၣ်တခါလၢကမၤဟးဂီၤကွံာ်တၢ်မုာ်တၢ်ခုၣ်အကျိၤအကျဲဘၣ်န့ၣ်လီၤ.မ့မ့ၢ်တခီမ့ၢ်တၢ်ဒုးသ့ၣ်ညါဘၣ်ထံကီၢ်အံၤဒီးဟီၣ်ခိၣ်ဒီဘ့ၣ်လၢကညီကီၢ်စဲၣ်အပူၤတၢ်ဆီၣ်တံၢ်မၤနၢၤအိၣ် ဒံးဝဲဒၣ်လၢဒူသဝီအပတီၢ်န့ၣ်လီၤ.”