ကီၢ်ပယီၤတၢ်ဃုထၢဖးဒိၣ်အမူးအံၤတၢ်ကမၤအီၤဖဲမုၢ်ဒဲးအနံၤ,လါနိၣ်ဝ့ဘၢၣ်ထီၣ်(၈)သီအနံၤအဂ့ၢ်,ကီၢ်စၢဖှိၣ်တၢ်ဃုထၢခီမ့ရှၢၣ်စံးဝဲဖဲမုၢ်ပျဲာ်အ
နံၤန့ၣ်လီၤ.

တၢ်ဘိးဘၣ်သ့ၣ်ညါအံၤဘၣ်တၢ်ဘိးဘၣ်ရၤလီၤအီၤဖဲလၢတၢ်ကွၢ်ထံဆိကမိၣ်လီၤတံၢ်အီၤတဘျုးလါဝံၤအလီၢ်ခံဒီးဖဲလၢဘျီၣ်ဒိၣ်ပှၤမၤတၢ်ဖိဟ့ၣ်
တၢ်ဖးဘၣ်ဃးတၢ်ဘှီဘၣ်မၤဂ့ၤထီၣ်က့ၤတၢ်ဘျၢသဲစးလၢကဟ့ၣ်ခွဲးပှၤအိၣ်ဒီးအဟံၣ်ဖိဃီဖိလၢအမ့ၢ်ထံဂုၤကီၢ်ဂၤအပှၤထံဖိကီၢ်ဖိတဖၣ်ဒ်အမ့ၢ်
အီၣ်စါစူးကၠံၣ်လၢကနုာ်လီၤဒိးဃုထၢအသးလၢကီၢ်ခိၣ်အံၤဝံၤအလီၢ်ခံ(၂)နွံန့ၣ်လီၤ.တၢ်ဟ့ၣ်တၢ်ဖးအစၢအိၣ်ဖျါအဖီခိၣ်တၢ်တဘှီဘၣ်မၤဂ့ၤ
ထီၣ်က့ၤတၢ်ဘျၢသဲစးအံၤဘၣ်န့ၣ်လီၤ.

စူးကၠံၣ်လၢအမ့ၢ်(NLD)ကရၢအခိၣ်အံၤဒိးန့ၢ်ဘၣ်တၢ်မၤနၢၤလၢအတၢ်နုာ်လီၤဒိးဃုထၢအသးဖဲ(၁၉၉၀)နံၣ်တၢ်ဃုထၢအမူးလၢဘၣ်တၢ်မၤအီၤ
လၢတၢ်သဘျ့ဒီးကျိၤကျဲဘၣ်ဘျိးဘၣ်ဒါအပူၤန့ၣ်လီၤ.ဘၣ်ဆၣ်ဒီးကီၢ်ပဒိၣ်သုးမုၢ်ပၢတၢ်အခါဖဲန့ၣ်တဖုအံၤတပာ်ကဲပာ်ပနီၣ်တၢ်ဃုထၢအစၢ
အိၣ်ဖျါအံၤဘၣ်ဒီးခီဖျိလၢစူးကၠံၣ်အဖိခံဂၤဒီးအဝၤမ့ၢ်ဝဲအဲကလံးအပှၤထံဖိကီၢ်ဖိအဃိအဝဲကဲထီၣ်ဘၣ်ကီၢ်ခိၣ်တသ့ဝဲဘၣ်န့ၣ်လီၤ.

ဖဲအပူၤကွံာ်တနွံကီၢ်စၢဖှိၣ်တၢ်ဃုထၢခီမ့ရှၢၣ်(UEC)ဘိးဘၣ်ရၤလီၤဝဲဒၣ်လၢလီၢ်ကဝီၤတၢ်ပာ်ပနီၣ်တၢ်ဟ့ၣ်တၢ်ဖးအလီၢ်သ့ၣ်တဖၣ်အံၤကဒ်သိး
လိာ်အသးဒီးအပူၤကွံာ်(၂၀၁၀)တၢ်ပာ်ပနီၣ်ပာ်တၢ်ဟ့ၣ်တၢ်ဖးတၢ်လီၢ်တဖၣ်အသိးန့ၣ်လီၤ.တၢ်ကဘၣ်ဃုထၢထီၣ်ဝဲဘျီၣ်ဒိၣ်ပှၤမၤတၢ်ဖိခဲလၢာ်
(၁,၁၄၂)ဂၤလၢဘျီၣ်ဒိၣ်ထးခီဒီးဘျီၣ်ဒိၣ်လာ်ခီအဂီၢ်ဒီးလီၢ်ကဝီၤဘျီၣ်ဒိၣ်အဂီၢ်န့ၣ်လီၤ.

တၢ်ဘိးဘၣ်ရၤလီၤဖဲလါယူၤလံထီၣ်တသီအနံၤပာ်ဖျါဝဲဒၣ်လၢကီၢ်စၢဖှိၣ်ခီမ့ရှၢၣ်(UEC)စံးဝဲလၢတၢ်ပာ်ဂၢၢ်ပာ်ကျၢၤဝဲတၢ်ပာ်ပနီၣ်တၢ်ဟ့ၣ်တၢ်ဖး
အလီၢ်(၃၃၀)လၢဘျီၣ်ဒိၣ်လာ်ခီအဂီၢ်,တၢ်လီၢ်(၁၆၈)တီၤလၢဘျီၣ်ဒိၣ်ထးခီဒီးတၢ်လီၢ်(၆၄၄)တီၤလၢလီၢ်ကဝီၤဘျီၣ်ဒိၣ်တဖၣ်အဂီၢ်န့ၣ်လီၤ.လၢ
န့ၣ်အမဲာ်ညါတၢ်ကပာ်လီၤန့ၢ်ဝဲလီၢ်ဆ့ၣ်နီၤ(၂၉)ဖျၢၣ်လၢကလုာ်ဒူၣ်ခၢၣ်စးသ့ၣ်တဖၣ်အဂီၢ်န့ၣ်လီၤ.

တချုးတၢ်ဃုထၢအမုၢ်နံၤ,ထံရူၢ်ကီၢ်သဲးပၣ်တံၣ်တဖၣ်ကအိၣ်ဒီးတၢ်ဆၢကတီၢ်အသီ(၆၀)လၢကမၤဝဲတၢ်ဟူးတၢ်ဂဲၤအဂီၢ်န့ၣ်လီၤ.တၢ်ဂ့ၢ်ကီဘၣ်
ဃးပှၤဟ့ၣ်တၢ်ဖးအစရီအံၤတၢ်ဘှါရှဲအီၤတန့ၢ်ဒံးဝဲဘၣ်န့ၣ်လီၤ.မ့မ့ၢ်ကီၢ်စၢဖှိၣ်တၢ်ဃုထၢခီမ့ရှၢၣ်(UEC)ဟ့ၣ်အါထီၣ်တၢ်ဆၢကတီၢ်လၢပှၤထံဖိ
ကီၢ်ဖိသ့ၣ်တဖၣ်ကသမံသမိးကွၢ်အမံၤဖဲကီၢ်ဆၣ်တၢ်ဟ့ၣ်တၢ်ဖးအစရီအပူၤဒ်သိးဒီးကမၤလီၤတံၢ်တၢ်ဆဲးလီၤအဝဲသ့ၣ်အမံၤလၢတၢ်ဟ့ၣ်တၢ်ဖး
အဂီၢ်န့ၣ်လီၤ.ဖဲနွံဝဲအံၤအက တၢၢ်( NLD)ကရၢကဘိးဘၣ်သ့ၣ်ညါဝဲမ့ၢ်အဝဲသ့ၣ်ကနုာ်လီၤပြၢတၢ်ဖဲတၢ်ဃုထၢဖးဒိၣ်အံၤအမူးဧါန့ၣ်လီၤ.