ကီၢ်ပယီၤပဒိၣ်သုးမုၢ်ဒုးလိာ်အသးဒီးကလုာ်ဒူၣ်ဖီၣ်စုကဝဲၤလၢအိၣ်ဘျဲၣ်အိၣ်စဲၢ်က့ၤကျိၣ်ထူဘီကညီကရၢ(KKO)ဖဲတၢ်မၤသုးဂ့ၢ်ဝီတၢ်ဟူးတၢ်ဂဲၤ
ဖဲကီးတရ့းကီၢ်ပယီၤမုၢ်ထီၣ်ကလံၤထံး,ကညီကီၢ်စဲၣ်ဖဲအပူၤကွံာ်ခံသီအနံၤန့ၣ်ဘၣ်တၢ်အၢၣ်လီၤပာ်ဖျါထီၣ်အီၤဖဲမုၢ်ပျဲၤအနံၤလီၤ.

ပဒိၣ်အသုးမုၢ်ဃုာ်ဒီးအပှၤသုးခိးကီၢ်ဆၢသ့ၣ်တဖၣ်ဘၣ်ဟဲခီဖျိဝဲတၢ်ဒုးတၢ်ယာ်လၢ(KKO)အတၢ်ခးကျိဖးဒိၣ်ဖဲကီးတရ့းပှၢ်ပူၤဖဲအဝဲသ့ၣ်ဟးဝ့ၤ
ဝီၤဖဲတၢ်က့ၤအိးထီၣ်ကဒါက့ၤကျဲခံဘိလၢဘၣ်တၢ်န့ၢ်ပၢအီၤခီဖျိကလုာ်ဒူၣ်ကရၢသ့ၣ်တဖၣ်အံၤအလီၢ်ခံန့ၣ်လီၤ.

ဖဲတၢ်ဒုးအကတီၢ်ပဒိၣ်သုးမုၢ်မၤန့ၢ်ဝဲ(KKO)အတၢ်စုကဝဲၤဒီးကျိချံပှာ်သၣ်သ့ၣ်တဖၣ်ဒိးဖီၣ်န့ၢ်ဝဲအဝဲသ့ၣ်အပှၤခံဂၤန့ၣ်လီၤ.

(KKO)ကရၢဘၣ်တၢ်ပၢဆှၢအီၤခီဖျိကၠီၤသဲၣ်ဒီးစါအီၣ်အံၤဆီလီၤဝဲတြဲၤလၢထၢတၢ်ခိတၢ်သွဲအဂီၢ်ဖဲကီးတရ့းဆူမၠၣ်ဝတံၣ်အ့ၡၢၣ်ကျဲမုၢ်အသီအဖီ
ခိၣ်အံၤမ့ၢ်တၢ်မၤဃံးထီၣ်တၢ်လဲၤထီၣ်က့ၤလီၤဒီးမ့ၢ်တၢ်ခီဆၢဝဲကီၢ်ပဒိၣ်အတၢ်အတၢ်နဲၣ်လီၤလၢတၢ်ကဘၣ်ဆိကတီၢ်ကွံာ်အီၤန့ၣ်လီၤ.

စးထီၣ်လၢပဒိၣ်ဒီးပှၤဖီၣ်စုကဝဲၤကရူၢ်ဖိအဘၢၣ်စၢၤတၢ်ဒုးအိၣ်ထီၣ်က့ၤဖဲလါထီၣ်သီအကတီၢ်အံၤကီၢ်ပဒိၣ်သုးမုၢ်တဖၣ်မၤရှဲထီၣ်က့ၤဝဲမၠးဝတံၣ်
-ကီၢ်တရံးကျဲဖဲအ့ရှၢၣ်ကျဲမုၢ်ဖးဒိၣ်အသီတဘိလၢတၢ်သ့ၣ်နံၤဖးသီပာ်လၢတၢ်ကဟ့ၣ်လီၤက့ၤတၢ်န့ၢ်ပၢမၤတၢ်အခွဲးအယာ်ဖဲတလါညါအတီၢ်ပူၤ
အံၤန့ၣ်လီၤ.
ဖဲလၢတၢ်ဒုးကဲထီၣ်အကတီၢ်,ပှၤဖီၣ်စုကဝဲၤကရူၢ်ခးလီၤဝဲကျိဖးဒိၣ်ဒီးကျိချံလီၤတဲာ်ဝဲဖဲဂံၢ်ခီၣ်ထံးတီၤထီကၠိန့ၣ်လီၤ.တကတီၢ်ဃီပဒိၣ်ပၢဘၣ်တၢ်
သူၣ်ထီၣ်ခံဖျၢၣ်ဖဲရီဘၢၣ်ကျီးအံၤအူအီၣ်ထီၣ်ဝဲဒၣ်န့ၣ်လီၤ.

မၠးဝတံၣ်-ကီးတရံးကျဲလၢအ့ရှၢၣ်ကျဲမုၢ်အသီအံၤဘၣ်တၢ်တ့ထီၣ်ဘှီထီၣ်အီၤဒ်သိးဒီးကမၤညီထီၣ်ဝဲပနံာ်ဃီၤဃၤတဖၣ်အတၢ်နုာ်လီၤဟးထီၣ်ဖဲ
ကီၢ်ဆၢလီၢ်ကဝီၤတဖၣ်,ကမၤဂ့ၤထီၣ်စ့ၢ်ကီးတၢ်ဆဲးကျိးလၢလီၢ်ကဝီၤထံကီၢ်တဖၣ်အဘၢၣ်စၢၤဒီးမၤဂ့ၤထီၣ်တၢ်ဟးဆှၣ်ကီၢ်သ့ၣ်တဖၣ်အဂီၢ်န့ၣ်လီၤ.