ကလုာ်ဒူၣ်ဖီၣ်စုကဝဲၤကရူၢ်ပာ်ဖျါထီၣ်ဝဲဒၣ်လၢအဝဲသ့ၣ်ပာ်လီၤဝဲဒၣ်အသးလၢကဆဲးလီၤဝဲထံကီၢ်ဒီတဘ့ၣ်တၢ်ပတုာ်တၢ်ခးတၢ် အၢၣ်လီၤ
အီလီၤဘၣ်သးအလံာ်ဃံးဃာ်ဖဲလါအီးကထိဘၢၣ်(၁၅)သီ,ကဘၣ်တၢ်ထုးထီးကွံာ်ဝဲဒၣ်ပှၤမံၤပှၤသၣ်သူလၢကီၢ်ပဒိၣ်တၢ်ကရၢကရိအစရီ
ပူၤလၢတဖိးမံလိာ်သးဒီးသဲစးတၢ်ဘျၢလၢအဆိပာ်စၢၤဝဲဒ်တၢ်ပာ်ဖျါထီၣ်တ့ၢ်ဝဲဒၣ်လၢကီၢ်ပယီၤတၢ်မုာ်တၢ်ခုၣ်ဝဲၤလီၢ်ခိၣ်သ့ၣ်အသိးန့ၣ်လီၤ.

တၢ်သိၣ်တၢ်သီလၢတဖိးဒီးသဲစးဘၣ်အံၤမ့ၢ်တၢ်အရ့ဒိၣ်တမံၤဒီးမ့ၢ်စ့ၢ်ကီးပဒိၣ်အတၢ်စုကဝဲၤသနူတခါလၢကမၤစှၤလီၤဝဲပှၤဖီၣ်စုကဝဲၤဖိ
သ့ၣ်တဖၣ်အတၢ်ဟူးတၢ်ဂဲၤအမ့ၢ်ဂ့ၤ,ပှၤမၤထံရူၢ်ကီၢ်သဲးဖိမ့ၢ်ဂ့ၤ,ပှၤဟံတၢ်ကစီၣ်သ့ၣ်တဖၣ်မ့ၢ်ဂ့ၤ,ပှၤမၤစၢၤတၢ်ဖိတဖၣ်ဒီးအိၣ်လၢဟီၣ်ကဝီၤ
လၢအစီၤစုၤယံၤဝဲဒၣ်ဒီးပဒိၣ်တၢ်ပၢအဖီလာ်အဂီၢ်န့ၣ်လီၤ.

အူအီၣ်နဲၣ်အူမ့ၢ်ဝဲတၢ်တဲကျဲၤတၢ်မုာ်တၢ်ခုၣ်တၢ်ရဲၣ်တၢ်ကျဲၤအပှၤနဲၣ်တၢ်လၢကီၢ်ပယီၤတၢ်မုာ်တၢ်ခုၣ်ဝဲလီၢ်စံးဘၣ်ဝဲမၠးမၣ်တဲ(မ်)တၢ်ကစီၣ်
ဖဲမဟါလၢကလုာ်ဒူၣ်ဖီၣ်စုကဝဲၤကရူၢ်ပာ်လီၤသးဃါပနၤလၢကဆဲးလီၤဝဲတၢ်ပတုာ်တၢ်ခးအလံာ်ဃံးဃာ်ကဘၣ်မ့ၢ်ဝဲလၢအဘၣ်သဲးစးတၢ်
ဘျၢဒီးအဝဲသ့ၣ်တၢ်ပာ်လီၤသးဃါပနၤအံၤကဘၣ်တၢ်သ့ၣ်ညါအီၤဖဲလါအီကထိဘၢၣ်(၁၂)သီအနံၤန့ၣ်လီၤ.

ထံကီၢ်ဒီတဘ့ၣ်တၢ်ပတုာ်တၢ်ခးတၢ်အၢၣ်လီၤဘၣ်သးအလံာ်ဃံးဃာ်အံၤမ့ၢ်ဝဲထံကီၢ်ပတီၢ်အတၢ်အၢၣ်လီၤအီလီၤလိာ်သးန့ၣ်လီၤ.လၢတၢ်
န့ၣ်အဃိအဝဲသ့ၣ်ကဘၣ်ဆှၢဝဲဒၣ်အမံၤအသၣ်လၢလီၤတံၢ်လီၤဆဲးဒီးကီၢ်ပဒိၣ်ကဘၣ်ထုးကွံာ်ဝဲအမံၤအသၣ်လၢအတဖိး မံလိာ်သးဒီး
ကရၢကရိသဲစးတဖၣ်အဂ့ၢ်န့ၣ်အဝဲစံးဝဲဒၣ်န့ၣ်လီၤ.

ဖဲလါအီးကထိဘၢၣ်(၁၅)သီန့ၣ်ကဆဲးလီၤဝဲပှဲဒူၣ်လဲၣ်န့ၣ်တလီၤတံၢ်လီၤဆဲးဒံးဘၣ်.ဒ်တၢ်ဖျါထီၣ်ဝဲဒၣ်လၢအမၤအသးတသ့သနာ်က့
ကီၢ်ပဒိၣ်ကကွဲန့ၢ်ဝဲပှၤလၢအအါသ့ၣ်တဖၣ်လၢ်တၢ်ဘၣ်ထွဲဒီးတၢ်ဂံၢ်တၢ်ဘါဆူၣ်လၢသုးတကပၤန့ၣ်လီၤ.

ပှၤ(၇)ဖုပာ်ဖျါထီၣ်ဝဲဒၣ်လၢအဝဲသ့ၣ်ပာ်လီၤတ့ၢ်လံသးဃါပနၤလၢကပာ်ဃုာ်ဝဲဒၣ်န့ၣ်လီၤ.ထဲဒၣ်ကညီဒီကလုာ်စၢဖှိၣ်ကရၢအံၤမ့ၢ်ဝဲဒၣ်
တၢ်လၢအရ့ဒိၣ်အကါဒိၣ်လၢတၢ်ဂံၢ်တၢ်ဘါလၢအဝဲသ့ၣ်အကျါန့ၣ်လီၤ.

ကီၢ်ပယီၤတၢ်မုာ်တၢ်ခုၣ်လီၢ်ခၢၣ်သးအံၤသုးကျဲၤတ့ၢ်ဝဲတၢ်တဲကျဲၤသကိးအံၤလၢခံနံၣ်အတီၢ်ပူၤလၢကီၢ်ပဒိၣ်ဒီးကလုာ်ဒူၣ်ဖီၣ်စုကဝဲၤ(၁၆)
ဒူၣ်အခၢၣ်စးသ့ၣ်တဖၣ်,အိၣ်ဒံၣ်ဝဲဒၣ်ဒီးတၢ်မုၤလၢ်လၢယိၤဒိၣ်ကီၢ်စဲတၢ်ဘှီဘၣ်မၤဂ့ၤထီၣ်က့ၤတၢ်ကီၣ်ကးကရၢအမ့ၢ်ယိၤဒိၣ်ကီၢ်စဲၣ်က
လံၤထံးသုးမုၢ်အထံရူၢ်ကီၢ်သဲးအဒံးဆ့စ့ၢ်ကီးကဆဲးလီၤဝဲဒၣ်အဂီၢ်န့ၣ်လီၤ.RCSS န့ၣ်ဒိၣ်န့ၢ်ဒံးဝဲဒၣ်ကညီဒီကလုာ်စၢ ဖှိၣ်ကရၢလၢအ
သုးကအိၣ်ဝဲ(၆၀၀၀)ဂၤဃာ်ဃာ်ဒ်လၢကီၢ်ပယီၤတၢ်မုာ်တၢ်ခုၣ်ပှၤသမံသမိးတၢ်အသိးန့ၣ်လီၤ.

RCSS အပှၤကတိၤတၢ်လၢအမ့ၢ် Colonel Sai Hla စံးဝဲဒၣ်ဖဲမဟါန့ၣ်ခိၣ်နၢ်အကရူၢ်သ့ၣ်ဖၣ်အိၣ်ဖှိၣ်သကိးဝဲဒ်သိးကမၤဝဲတၢ်ဆၢတဲာ်
ဒီးဒီးတၢ်တဲကျဲၤအံၤကဆဲးအသးကဒီးဆူညါသၢသီန့ၣ်လီၤ.အဝဲဂ့ၢ်လိာ်ဝဲဒၣ်လၢကပာ်ဖျါထီးဝဲအတၢ်ထံၣ်လၢဘၣ်ဃးဒီးကရူၢ်ခိၣ်နၢ်က
ဃုထၢဝဲဖဲလဲၣ်တခီပၤအဂ့ၢ်န့ၣ်လီၤ.

ခဲခဲအံၤယနၢ်ဟူယဲဒၣ်လၢ RCSS မၤဝဲလီၢ်ခၢၣ်သးကမံတံာ်အတၢ်အိၣ်ဖှိၣ်န့ၣ်လီၤ.ပဆၢမုၢ်လၢ်လၢအဝဲသ့ၣ်ကဆဲးလီၤဝဲထံကီၢ်ဒီတဘ့ၣ်
တၢ်ပတုာ်တၢ်ခးတၢ်အၢၣ်လီၤဘၣ်သးအလံာ်ဃံးဃာ်ဖဲလါအီးကထိဘၢၣ်(၁၅)သီအဂ့ၢ်န့ၣ်အူနဲၣ်အူစံးဝဲဒၣ်န့ၣ်လီၤ.

ကီၢ်ခိၣ်အူသ့စ့ၣ်ပှၤလၢအမၤကဲထီၣ်ဝဲထံကီၢ်ဒီတဘ့ၣ်တၢ်ပတုာ်တၢ်ခးအံၤမ့ၢ်တၢ်တခါလၢအကါဒိၣ်ဝဲဒၣ်ဖဲလၢအပဒိၣ်ဆၢကတီၢ်အဂ့ၢ်
န့ၣ်ကွဲၤလ့လိၤတၢ်ကစီၣ်ပာ်ဖျါထီၣ်ဝဲဖဲမဟါတနံၤလၢကီၢ်ပဒိၣ်တအဲၣ်ဒိးပာ်တီၢ်ဝဲကလုာ်ဒူၣ်ဖီၣ်စုကဝဲၤလၢတၢ်မုာ်တၢ်ခုၣ်အတၢ်ရဲၣ်တၢ်
ကျဲၤအပူၤဘၣ်ဒီးတၢ်န့ၣ်အဃိအိးထီၣ်ဝဲပဲတြီဒ်သိးဒီးအဂုၤအဂၤတဖၣ်ကဆဲးလီၤမံၤအဂီၢ်န့ၣ်လီၤ.

ဒ်လဲၣ်ဂ့ၤပှၤခံဒူၣ်လၢအိၣ်ဒီးဂံၢ်ဆူၣ်ဘါဆူၣ်လၢအမ့ၢ်(KIO)ဒီး(UWSA)သ့ၣ်တဖၣ်ဂ့ၢ်လိာ်ဝဲဒၣ်လၢကထီၣ်ဆူတၢ်ဖီခိၣ်ပတီၢ်မ့ၢ်လၢကီၢ်
ပဒိၣ်တထၢနုာ်ပာ်ဃုာ်ဝဲဒၣ်သိၣ်မံၤသၢဖုလၢပာ်ဃုာ်ဝဲဒၣ်လၢတၢ်ဘၣ်ဂံာ်ဂူၤအပူၤလၢအိၣ်ဘူးဝဲဒၣ်လၢကိကၣ်အကီၢ်ဆၢလၢယိၤဒိၣ်ကီၢ်
စဲၣ်န့လီၤ.

ဖဲမဟါတနံၤတၢ်ဒုးတၢ်ယၤကဲထီၣ်ဒံးဝဲဒၣ်ဒ်ပှၤကတိၤတၢ်ခံဖုအတၢ်ကတိၤသကိးအသိး,မ့ၢ်ဝဲ(MNDAA)အါဒၣ်တက့ၢ်မ့ၢ်တရူးပှၢ်ပၢၢ်
ဆၢတၢ်ကလုာ်ဒူၣ်ဒီး(TNLA)သ့ၣ်တဖၣ်န့ၣ်လီၤ.

တၢ်ဆဲၣ်လီၤမံၤပနီၣ်တၢ်ရဲၣ်တၢ်ကျဲၤအမူးတၢ်ကမၤအီၤဖဲလါအီးကထိဘၢၣ်(၁၅)သီလၢဝ့ၢ်န့ၣ်ပၠံၣ်ဒီၣ်အံၤဖျါလီၤဂာ်ဒ်သိးကရူၢ်တနီၤနီၤ
မၤပူၤဖျဲအသးန့ၣ်လီၤ.

ဖဲမဟါတနံၤစီၤကွဲထူဝ့လၢအမ့ၢ်(KNU)အနဲၣ်ရွဲၣ်ခိၣ်ကျၢၢ်စံးဝဲကရူၢ်သ့ၣ်တဖၣ်တဘၣ်တၢ်ဘိးဘၣ်သ့ၣ်ညါဝဲဒၣ်တၢ်ရဲၣ်တၢ်ကျဲၤအကျိၤ
အကျဲလၢကီၢ်ပဒိၣ်ဒံးဘၣ်.ဒ်န့ၣ်အသိးပာ်လီၤဝဲဒၣ်လၢကဆဲးလီၤဝဲတၢ်ထံၣ်လိာ်သးလၢအဖိးသဲစးဒီးပှၤရဲၣ်ကျဲၤတၢ်သ့ၣ်တဖၣ်ဖဲဝ့ၢ်တ
ကူၣ်လါအီးကထိဘၢၣ်လွံၢ်သီန့ၣ်လီၤ.

ပဘိးဘၣ်ရၤလီၤတ့ၢ်လံလၢပကဆဲးလီၤဝဲထံကီၢ်ဒီတဘ့ၣ်တၢ်ပတုာ်တၢ်ခးတၢ်အၢၣ်လီၤဘၣ်သးအလံာ်ဃံးဃာ်တ့ၢ်လံန့ၣ်လီၤဘၣ်ဆၣ်
ပတသ့ၣ်ညါလၢပကဘၣ်ဘိးဘၣ်သ့ၣ်ညါဒ်တၢ်သိၣ်တၢ်သီအကျိၤအကျဲန့ၣ်ပတသ့ၣ်ညါဆိအီၤဘၣ်.