စၢဖှိၣ်တၢ်ဃုထၢခီၣ်မ့ရှၢၣ်(UEC)စံးဝဲဖဲမုၢ်ယူာ်အနံၤလၢဘျီလၢကဟဲတၢ်ဃုထၢအံၤအဂီၢ်အဝဲသ့ၣ်ကဘိးဘၣ်ရၤလီၤဝဲပှၤဟ့ၣ်တၢ်ဖးအနီၣ်
ဂံၢ်စရီလၢခံကတၢၢ်ဖဲလါနိၣ်ဝ့ဘၢၣ်ထီၣ်(၂)သီအနံၤဒ်သိးဒီးကဟ့ၣ်အါထီၣ်တၢ်ဆၢကတီၢ်စှၤကိာ်သီလၢတၢ်ကကွၢ်လီၤတံၢ်က့ၤပှၤဟ့ၣ်တၢ်
ဖးအနီၣ်ဂံၢ်စရီသ့ၣ်တဖၣ်ဒီးပှၤမံၤပှၤသၣ်အစရီလၢတၢ်ဆီတလဲလိာ်အီၤဖဲလၢတၢ်ဆၢကတီၢ်အိၣ်လီၤတဲာ်စှာ်ကိာ်ဖိအတီၢ်ပူၤသ့ၣ်တဖၣ်အံၤ
အဂီၢ်န့ၣ်လီၤ.

ပှၤဟ့ၣ်တၢ်ဖးတဖၣ်လၢအပတံထီၣ်ပာ်ဝဲတၢ်လဲလိာ်မၤဘၣ်က့ၤတၢ်ဂ့ၢ်တၢ်ကျိၤဒ်အမ့ၢ်တၢ်မၤဘၣ်က့ၤအဝဲသ့ၣ်အမံၤအသၣ်သ့ၣ်တဖၣ်,တၢ်
ထၢနုာ်လီၤက့ၤ(မ့)ထုးထီၣ်ကွံာ်အမံၤအသၣ်လၢပှၤဟ့ၣ်တၢ်ဖးအစရီလၢအအိၣ်ပာ်စၢၤသ့ၣ်တဖၣ်အံၤကထံၣ်ဘၣ်က့ၤဝဲတၢ်ဆီတလဲလိာ်
လၢအဝဲသ့ၣ်ပတံထီၣ်ပာ်သ့ၣ်တဖၣ်ဖဲစရီလၢခံကတၢၢ်အံၤအပူၤန့ၣ်လီၤ.

စရီလၢတၢ်ကဘိးဘၣ်ရၤလီၤအီၤဖဲလါနိၣ်ဝ့ဘၢၣ်ထီၣ်(၂)သီအနံၤအံၤကဘၣ်တၢ်သမံသမိးလီၤတံၢ်က့ၤအီၤခီဖျိကမျၢၢ်တၢ်ကရၢကရိဒီးထံရူၢ်
ကီၢ်သဲးကရၢသ့ၣ်တဖၣ်လၢစးထီၣ်ပာ်ဖျါတ့ၢ်အတၢ်သူၣ်ကိၢ်သးဂီၤဘၣ်ဃးတၢ်ဟ့ၣ်တၢ်ဖးအဂီၢ်တၢ်ဆဲးလီၤမံၤဒီးတၢ်သမံထံပာ်ဂၢၢ်ပာ်ကျၢၤ
က့ၤပှၤမံၤပှၤသၣ်စရီအဂီၢ်တၢ်ရဲၣ်တၢ်ကျဲၤအံၤဖဲလါမးရှးဘူးကလၢာ်အခါန့ၣ်လီၤ.စရီလၢUECပာ်ဖှိၣ်ထီၣ်အီၤအံၤအိၣ်ဒီးတၢ်အကမူးကမၣ်တ
ဖၣ်အဃိဘၣ်တၢ်ပာ်ဒ့ၣ်ပာ်ကမၣ်အဝဲသ့ၣ်ဒိၣ်ဒိၣ်မုၢ်မုၢ်န့ၣ်လီၤ.

ပှၤဟ့ၣ်တၢ်ဖးစရီအတၢ်ဆီတလဲလိာ်ဒိၣ်ဒိၣ်မုၢ်မုၢ်တခါလၢကအိၣ်ထီၣ်ခဲကိာ်တနွံအံၤအဖီခိၣ်တၢ်မုၢ်လၢ်ပာ်ဝဲဒၣ်လၢတၢ်ကဆီတလဲမၤဘၣ်
လိာ်က့ၤကီၢ်ပယီၤပှၤသုးလီၢ်သုးကျဲလၢအကလးဂၤတဖၣ်အံၤအမံၤအသၣ်န့ၣ်လီၤ.ပှၤသုးလီၢ်သုးကျဲဖိလၢထံလီၢ်ကီၢ်ပူၤမ့ၢ်ဂ့ၤလၢထံဂုၤကီၢ်ဂၤ
သ့ၣ်တဖၣ်အပူၤမ့ၢ်ဂ့ၤအါဒၣ်တက့ၢ်ပတံထီၣ်ဝဲဒၣ်ဒ်သိးတၢ်ကဆီတလဲလိာ်ဝဲတၢ်လီၢ်လၢအဝဲသ့ၣ်ကဟ့ၣ်တၢ်ဖးအလီၢ်ခီဖျိလၢတၢ်ဟ့ၣ်တၢ်
ဖးအစရီအံၤဘၣ်တၢ်ပာ်ဖှိၣ်ထီၣ်အီၤဒ်လၢအဝဲသ့ၣ်တဖၣ်အဟံၣ်ဖိဃီဖိအလံာ်ခိၣ်ဆၢၣ်အိၣ်ပာ်စၢၤလၢညါအသိးန့ၣ်လီၤ.ပှၤသုးလီၢ်သုးကျဲ
ဖိသ့ၣ်တဖၣ်လၢအဟ့ၣ်တၢ်အုၣ်ကီၤလၢအတၢ်အိၣ်တၢ်ဆိးအလီၢ်မ့သ့လၢ(၁၈၀)သီအတီၢ်ပူၤန့ၣ်ဒီးအဝဲသ့ၣ်ဟ့ၣ်တၢ်ဖးဖဲတၢ်လီၢ်လၢပတံ
ထီၣ်ဝဲအံၤအပူၤသ့ဝဲဒၣ်န့ၣ်လီၤ.

အဒိ,လဲၣ်သၣ်ယၣ်ကီၢ်ဆၣ်ဖဲဝ့ၢ်တကူၣ်အပူၤတၢ်ထၢနုာ်အါထီၣ်ပှၤမံၤ(၂၃၀,၀၀၀)ဖျၢၣ်ဖဲတၢ်ဟ့ၣ်တၢ်ဖးစရီအပူၤအဃိတၢ်ဟ့ၣ်တၢ်ဖးစရီ
လၢပှၤနီၣ်ဂံၢ်အိၣ်(၂၈၀,၀၀၀)အံၤခဲကနံၣ်အံၤပှၤနီၣ်ဂံၢ်ဟဲအါထီၣ်က့ၤတုၤလၢ(၅၁၀,၀၀၀)ဂၤန့ၣ်အဂ့ၢ် UEC အပှၤပၢဆှၢရဲၣ်ကျဲၤတၢ်တ့ၣ်
ထိစံးဝဲဖဲမုၢ်ယူာ်အနံၤဖဲန့ၣ်ပၠံၣ်ဒီၣ်အဝ့ၢ်န့ၣ်လီၤ.ကီၢ်ဆၣ်လၢအအိၣ်လၢဝ့ၢ်ခိၣ်သ့ၣ်အချၢတကပၤအံၤမ့ၢ်ဝဲစဲးဖီကဟၣ်အလီၢ်ခၢၣ်သးလၢပှၤ
ဟးဝ့ၤဝီၤမၤတၢ်ဖိအါအါဂီၢ်ဂီၢ်အိၣ်ဆိးဝဲအလီၢ်န့ၣ်လီၤ.

UEC စံးဂၢၢ်စံးကျၢၤဝဲဒၣ်လၢတၢ်ဘိးဘၣ်ရၤလီၤတၢ်ဟ့ၣ်တၢ်ဖးအစရီဖဲလါနိၣ်ဝ့ဘၢၣ်ထီၣ််(၂)သီအနံၤဝံၤအလီၢ်ခံတၢ်တမၤတၢ်ဆီတလဲလိာ်
လၢစရီအံၤနီတမံၤလၢၤဘၣ်န့ၣ်လီၤ.ပှၤဟ့ၣ်တၢ်ဖးတဖၣ်လၢအအိၣ်ဒီးတၢ်သူၣ်ကိၢ်သးဂီၤဘၣ်ဃးတၢ်ဟ့ၣ်တၢ်ဖးအစရီလီၤတံၢ်လီၤဆဲးသ့ၣ်
တဖၣ်အံၤတၢ်ဟ့ၣ်ကူၣ်အီၤလၢကကွၢ်လီၤတံၢ်က့ၤအမံၤအသၣ်သ့ၣ်တဖၣ်တသ့ဖဲအသ့လၢအဆိအချ့န့ၣ်လီၤ.

လါနိၣ်ဝ့ဘၢၣ်ထီၣ်(၂)သီအနံၤတၢ်ဘိးဘၣ်ရၤလီၤဝံၤအလီၢ်ခံတၢ်ကဟ့ၣ်လီၤဝဲပှၤကဟ့ၣ်တၢ်ဖးအဂီၢ်တၢ်ဆဲးလီၤမံၤအလံာ်အုၣ်သးတဖၣ်ဆူ
ပှၤလၢအဘၣ်ကွၢ်ဆၢၣ်မဲာ်တ့ၢ်ဒီးထံလုၢ်ဘၢတၢ်တဖၣ်ခီဖျိအဝဲသ့ၣ်အနီၣ်တဂၤလံာ်အုၣ်သးလၢတၢ်လိၣ်ဘၣ်အီၤလၢတၢ်ဟ့ၣ်တၢ်ဖးအဂီၢ်
သ့ၣ်တဖၣ်အံၤတအိၣ်လၢၤဘၣ်အဃိန့ၣ်လီၤ